домашна самоизолација – Kurir.mk

Наместо во самоизолација позитивни на коронавирусот ја напуштиле Македонија – меѓу нив и мајка со две малолетни ќерки од Тетово

Дарко Андоновски — Thu, 12 Aug 2021 11:02:53 +0000

Полициски службеници од СВР-Тетово во периодот од 8 до 11 август извршиле проверка на лица на кои им е издадено решение за изолација и позитивни со Ковид-19 на подрачјето на Тетово и Гостивар. Притоа, било констатирано дека Д.Л. од Косово, со престој во нашата држава, Љ.С.(54) од Тетово, две малолетнички и нивната мајка А.Ќ.(37) од Тетово, М.Љ.(49) од Мала Речица, А.Х.(20) од Мала Речица, Б.Х.(35) од тетовски Лисец и М.З.(54) од Гостивар, сите со решение за изолација и домашно лекување, ја напуштиле државата, соопшти МВР. Претходно вчера беше соопштено дека при вршење контрола на лица кои се во домашна самоизолација во гостиварско, вчера полицијата открила четири лица кои ја напуштиле државата и покрај тоа што биле заболени од ковид-19.

Англија им плаќа награѓаните да се самоизолираат

Дарко Андоновски — Thu, 10 Dec 2020 18:37:52 +0000

Англискиот систем за тестирање и следење на Ковид-19 овозможува исплата на поддршка од 500 фунти на луѓето, кои ќе се самоизолираат откако ќе добијат позитивни резултати на тестот за Ковид-19 за да се забави ширењето на Ковид-19. Досега заразените лица се следеа преку програмата за следење на контактите преку телефон, електронската пошта или пораките, но не и преку апликацијата за следење на контактите на луѓето заразени со Ковид-19. Силна заштита на приватноста на корисниците беше клучно барање што го поставија Епл и Гугл кога технологијата ја направија достапна за развој на апликацијата за следење на контактите на луѓето заразени со Ковид-19. Корисникот на апликацијата може да остане анонимен ако не сака да бара пари.

Стружанец зработи казна од 3.000 евра, не ја почитувал задолжителната домашна самоизолација

Тале Кристо — Thu, 21 May 2020 13:27:15 +0000

Основното јавно обвинителство Струга поднесе предлози за издавање казнени налози за пет лица кои во одделни кривично правни настани го сториле кривичното дело – Непостапување според здравствените прописи за време на епидемија, соопштија од ОЈО Струга. – Еден од нив во Република Македонија пристигнал од Република Австрија, по што согласно донесените здравствени прописи бил во задолжителен државен карантин во период од 14 дена. Потоа бил должен да продолжи со домашна самоизолација, но полициските службеници го затекнале надвор од неговиот дом, информираат од обвинителство. Поради непочитување на обврската за самоизолација, обвинителството за ова лице од Судот побара да му изрече парична казна во висина од 100 дневни глоби, секоја од нив во висина од по 30 евра во денарска противвредност. Другите четири лица го сториле кривичното дело со тоа што не ја почитувале Одлуката на Владата на Република Македонија за забрана на движење на целата територија на државата во определени временски периоди. За прекршување на полицискиот час, за обвинетите е доставен предлог до Судот со кој обвинителството побара да им биде изречена парична казна во висина од по 100 дневни глоби, секоја од нив во висина од по 20 евра во денарска противвредност.