домашни миленичиња – Kurir.mk

Како да го заштитите вашето куче од жештините?

Магдалена Андонова — Thu, 25 Aug 2022 13:46:04 +0000

Прошетките на високи температури може значително да го загрозат здравјето на кучињата, особено расите со „рамни лица“ како што се булдозите и мопсите… Истражување на британскиот Кралски ветеринарен колеџ (РВЦ) и Универзитетот во Нотингем Трент покажува дека шетањето и вежбите при топло време претставуваат 74 отсто од причините и случаите на болести поврзани со топлината кај кучињата. Повеќе од 13 отсто се предизвикани од самата жештина, а пет насто се резултат на заклучување на кучиња во автомобил на високи температури. Болести поврзани со жештината се јавуваат кога кучето не може повеќе да одржува безбедна телесна температура, што може да доведе до оштетување на ткивото и органите, а во некои случаи и смрт. Болеста може да влијае на било кој тип на куче. Истражувањето ја нагласува потребата сите сопственици на кучиња, особено оние со кучиња со рамно лице да внимаваат при прошетките во топлите месеци. Д-р Ден О’Нил, претседател на работната група што го спроведе истражувањето, вели дека факторите како прекумерен напор и влажноста, исто така, играат многу значајна улога. -Не се потребни многу вежби (за кучето), за да има можно опасни последици за него кога времето е топло или влажно, додаде тој. Што да се прави ако се појави прегревање? Ако се сомневате дека вашето куче страда од болест поврзана со жешината, секогаш побарајте ветеринарен совет што е можно побрзо. Раните знаци на топлотен удар вклучуваат отежнато дишење, замор, бавно движење при одење, помала желба за игра, саливација и повраќање. Веднаш штом ќе ги забележите овие знаци, смирете го кучето, донесете го на ладно место, дајте му вода и веднаш побарајте стручен совет. Силен топлотен удар може да предизвика повеќе напади, целосно губење на свеста, некоординација, конфузија, повраќање и дијареја со крв. Ако не се лекува, тоа може да биде фатално. Важно е и кучето да нема прекумерна тежина, бидејќи тоа ја зголемува опасноста од болести поврзани со жештините.

Иран ќе забрани чување домашни миленичиња и шетање кучиња

Дарко Андоновски — Wed, 17 Nov 2021 14:24:36 +0000

Во Иран наскоро ќе се казнува чувањето миленичиња и шетање кучиња, објавија локалните медиуми. Најконзервативните во парламентот денеска поднесоа нов закон со кој шетањето на кучиња ќе се санкционира со високи казни, а автомобили во кои се возат миленичиња ќе бидат запленети три месеци, пренесува ДПА. Покрај тоа, станодавците нема да можат да изнајмуваат куќа или стан на сопствениците на домашни миленичиња. Според исламот, чувањето миленичиња во куќата се смета за нечисто, но дел од иранските парламентарци веруваат дека шетањето кучиња предизвикува паника кај населението. Полицијата неколку пати се обиде да ја воведе забраната, но таа не се реализираше, па сега првпат се воведува со закон. Но, познавачите на ситуацијата во Иран очекуваат сопствениците на домашни миленичиња да го игнорираат законот, исто како и претходните забрани.

Ветеринар откри што прават домашните миленици пред да умрат

Магдалена Андонова — Fri, 23 Apr 2021 20:38:01 +0000

Постои мисла, слика што секој сопственик на миленичиња постојано одбива да ја замисли - збогување од саканиот придружник. Знаеме дека тој момент е неизбежен, но сепак се однесуваме како да можеме да го заборавиме. Еси Дитрих од Илиноис го праша својот ветеринар кој е најтешкиот дел од неговата работа и одговорот беше целосно скршен. Таа го постави своето прашање и одговорот на Твитер и многу луѓе реагираа, поточно нејзиниот твит стана вирален со 140.000 лајкови и 42.000 ретвитови. - Имам само едно домашно милениче. Неговото име е Рик, црно-бела мачка и има околу две и пол години. Иако тежеше само 2,2 килограми, тој беше голем како личност и надополнуваше за сè друго. - Го однесов на ветеринар бидејќи тој за малку ќе умреше пред година и пол од опструкција на уринарниот тракт. Мојот ветеринар мораше итно да го оперира, а успешната операција донесе висок ризик од доживотна инфекција. Операцијата помина одлично, но оттогаш тој добиваше една до две инфекции месечно (ветеринарот рече дека не боли). Затоа редовно одиме на лекар и ги лекуваме оние краткорочни хронични инфекции. Би сакал да кажам дека иако миленичињата понекогаш поминуваат краток временски период во нашите животи, ние сме голем дел од нивниот живот. Тие се со нас во добро и зло, секогаш се возбудени кога ќе не видат кога ќе се вратиме дома. Ве молам, земете го предвид тоа кога ќе дојде време да го заспиете вашето домашно милениче, напиша Џеси. Што и рече ветеринарот? Таа го праша кој е најлошиот дел од работата и и рече дека кога треба да го заспие животното, околу 90 проценти од сопствениците не сакаат да бидат во собата додека се прави инјекцијата, па животните најмногу трошат последните моменти во паника барајќи сопственици. Тоа навистина ги крши и најтешките срца. - Кога имате милениче, неизбежно е тој да умре пред вас. Затоа, кога ќе дојде време да го одведете безболно да умре, сакам да знаете нешто. Цел живот сте биле центар на неговиот свет. Можеби само пополнил еден ваш дел, но вие сте неговото единствено семејство. Тоа е страшна одлука во кое било време, нема аргумент за тоа. Но, ве молам, ве молам - не оставајте ги. Не дозволувајте преминот од живот во смрт да биде во просторија полна со странци, на место што не го сакаат.

Во овој град домашните миленичиња ќе се тестираат на коронавирус

Магдалена Андонова — Mon, 08 Feb 2021 10:17:10 +0000

Во Сеул е најавено тестирање на миленичиња за коронавирус доколку нивните сопственици бидат позитивни на тестирање, изјави првиот човек на здравјето во јужнокорејската престолнина Парк Јо-ми. Тој најави дека градскиот тим за собирање примероци од домашни миленици ќе ги посети семејствата во карантин и ќе ги тестира нивните миленици, објави Си-Ен-Ен. Секое куче или мачка со позитивен резултат ќе мора да помине 14 дена во карантин. Првиот потврден случај на Ковид-19 кај домашно милениче е забележан на 21 јануари, кога тестирањето открило присуство на коронавирус кај една мачка.

Здруженија за заштита на животните бараат да се дозволи шетање на домашните миленици за време на полицискиот час

Дарко Андоновски — Fri, 27 Mar 2020 14:32:52 +0000

Дваесет здруженија и активистички групи за заштита на животни од целата земја бараат од Владата преку издавање на посебни дозволи да им се овозможи на луѓето кои имаат миленици да можат да ги шетаат и за време на полицискиот час. Тие бараат Владата да им го исполни барањето во најкус временски рок, пред да почне полицискиот час за време на викенд, од 16 часот во сабота до 05 часот во недела. Тие бараат дозвола за изнесување миленик во рамки на полициски час во радиус од 200 метри од живеалиште, престојувалиште, по примерот на сите европски земји, кои имаат воведено полициски час. Дозвола за посета на ветеринар, дежурна ветеринарна служба во рамки на полициски час во случаи на животозагрозувачка состојба на миленик, мерка која ја применуваат развиените земји. Здруженијата бараат и дозвола за изнесување миленик во рамки на полициски час како помош на лица кои се недоволно подвижни, во радиус од 200 метри од живеалиштето, што исто така е регулирано во европските земји каде што има воведено полициски час и ситуацијата е регулирана на истиот начин. Во врска со нивното барање, здруженијата до Владата доставиле и Предлог- дозвола и очекуваат нејзин официјален став во најбрзо време. Претходно, Ветеринарната комора ги повика здруженијата за заштита на животни заеднички, координирано и хармонизирано да изготват и да достават аргументирани и издржани барања во однос на изнесувањето на милениците за време на полицискиот час во викенд-деновите (сабота и недела), кога забраната за движење почнува од 16:00 часот.

Бесплатно чипирање на домашните миленици до Нова година- следуваат зајакнати контроли и санкции

Катерина Бојаџиева — Sun, 08 Dec 2019 21:07:59 +0000

Ветеринарната комора на Македонија, на истекот на кампањата за масовна идентификација и регистрација на домашните миленици (чипирање), која завршува на 31.12.2019 година, апелира до сопствениците на домашни миленици да ја искористат можноста за бесплатно микрочипирање на своите миленици. После истекот на овој период, како што велат од Ветеринарната комора, микрочипирањето и регистрацијата ќе се наплаќа по редовна цена, а Агенцијата за храна и ветеринарство (АХВ) и другите инспекциски служби ќе вршат зајакната контрола и ќе ги санкционираат сопствениците кои не го идентификувале својот домашен миленик. До овој момент во информативниот систем на АХВ се регистрирани 72.155 домашни миленици од кои 69.234 кучиња и 2.921 мачки. Ветеринарната комора, преку своите членови и понатаму ќе се вклучува во сите активности, кои имаат за цел јакнење на одговорното сопствеништво, како еден од најважните предуслови за решавање на долгогодишните проблеми со бездомните животни.

Во АХВ досега евидентирани 9.200 домашни миленици

Дарко Андоновски — Mon, 10 Sep 2018 13:29:32 +0000

Агенцијата за храна и ветеринарство (АХВ) ги потсетува сопствениците на миленици дека е во тек кампањата за микрочипирање на кучиња и мачки. Кампањата ќе трае до 31 март идната година. Обезбедени се 100.000 бесплатни микрочипови, а донацијата е по принципот „прв дојден, прв услужен“. - Сопствениците на миленици да ја искористат оваа можност, да ја исполнат својата законска обврска и да го идентификуваат својот миленик со микрочип, апелира АХВ. Откако ќе се потрошат бесплатните микрочипови, односно по истекот на предвидениот рок за реализација на оваа кампања, сопствениците на домашни миленици за микрочипот ќе треба да платат по 800 денари. - Микрочипирањето е безбедно и безболно за милениците. Микрочипот содржи информации за сопственикот на миленикот, расата на кучето, полот, возраста и за тоа дали и кога е вакцинирано против болеста беснило. Списокот на ветеринарните друштва со кои Агенцијата има склучено договор за реализација на оваа кампања е објавен на интернет страната на Агенцијата - www.fva.gov.mk. Сопствениците на миленици можат да одберат кај кое ветеринарно друштво ќе го микрочипираат својот миленик, наведува Агенцијата. Кампањата за бесплатно микрочипирање на милениците е дел од тригодишната стратегија што ја донесе Агенцијата за храна и ветеринарство за да се обезбеди здравствена заштита и благосостојба на животните, да се поттикне одговорното сопствеништво и да се намали бројот на кучињата скитници по улиците низ државава. АХВ досега има евидентирано 9.200 домашни миленици.

Наскоро почнува вградувањето микрочипови кај домашните миленичиња

Предраг Кукиќ — Thu, 09 Aug 2018 12:03:02 +0000

Наскоро ќе почне вградувањето на микрочипови кај домашните миленичиња (кучиња и мачки), информира директорот на Агенцијата захрана и ветеринарство (АХВ) Зоран Атанасов. - Постапката со набавката на микрочипови е веќе завршена и тие се во магацините на Агенцијата за храна и ветеринарство. Во моментов се склучуваат договорите со ветеринарните друштва што треба да ги аплицираат микрочиповите по што ќе следи нивното распоредување кај сопствениците на домашни миленичиња, рече Атанасов во одговор на прашање на денешната прес-конференција. Вградувањето на микрочипови кај домашните миленици се спроведува за да се откријата сопствениците на домашниот миленик доколку тој биде напуштен и заловен од шинтерските служби. (МИА)

Дали зборувате со вашите миленичиња? Продолжете, тоа е добро за вас

Даниел Василев — Wed, 11 Apr 2018 10:50:50 +0000

Луѓето кои немаат домашни миленичиња често со чудење ги гледаат своите пријатели и роднини додека разговараат со своите животни. Иако тоа им изгледа чудно, науката го потврдува сосема спротивното. Николас Еплеј, експерт кој се занимава со антропоморфизам тврди дека комуникацијата меѓу луѓето и животните е висок знак на човечката интелигенција. -Низ историјата, антропоморфизацијата се сметала за знак на детиност или глупост, но тоа е во склоп со природниот биопродукт,односно онаа тенденција во која луѓето се паметниот вид на оваа планета, вели Еплеј кој инаку е професор по бихевиорални науки на Универзитетот во Чикаго. Вели дека ваквото однесување може да се прошири и на други полиња. Дали некогаш ви се чини дека вашиот компјутер се однесува тврдоглаво или оти често е злобен кон вас? Според него, Таквите примери на атрибуција на човечки особени на предметите ја открива нашата едноставна интелигенција. -Со векови нашата волја да го препознаеме мозокот во нешто што не е човек се третира како глупост и празноверие. Мислам дека оваа перспектива е погрешна. Ако успееме да препознаеме ум кај друг вид на животно или пак кај некој гаџет, тоа е рефлекција на нашата голема способност, а не глупост, заклучува Еплеј.