доменико кришито – Kurir.mk

Во Торонто веруваат дека Кришито ќе биде пример за младите во канадскиот клуб

Ивона Петрова — Thu, 30 Jun 2022 08:33:51 +0000

Канадскиот фудбалски клуб Торонто објави з апотпишување на соработка со одбранбениот играч Доменико Кришито. Главниот тренер и спортски директор на клубот, Боб Бредли, е уверен дека 35-годишниот Италијанец ќе стане пример за младите играчи. -Кришито е извонреден дефанзивец, многу добар додавач и интелигентен играч. Може да игра или како лев бек или како централен бек и ќе биде одличен пример за нашите млади играчи. Кришито се пресели во Торонто од Џенова. Во својата кариера, Доменико Кришито има настапувано и за Зенит и Јувентус.

Кришито може да пропушти два месеци поради повреда

Ивона Петрова — Tue, 08 Oct 2019 06:58:04 +0000

Фудбалерот на Џенова, Доменико Кришито може да биде надвор од терените следните два месеца. Тој заработи повреда на левиот бутен мускул викендот во натпреварот од 7. коло од италијанскиот шампионат против Милан (1: 2), пренесува „Ла Газета дело Спорт“. Според лекарите, 32-годишниот дефанзивец ќе пропушти минимум еден месец, а неговото закрепнување може да трае до декември. Оваа сезона, Кришито има одиграно осум натпревари на сите турнири и постигнато три гола.

Италијанскиот репрезентативец во шок и неверување: Десет минути пред да се сруши мостот поминав по него (ФОТО)

Матеја Петровски — Tue, 14 Aug 2018 19:33:04 +0000

Повремениот италијански репрезентативец поминал по мостот на смртта десет минути пред неговото рушење: Ова е невозможно! Поради ова луѓето си заминуваат од Италија! Дефанзивецот на репрезентацијата на Италија и на Џенова, Доменико Кришито вели го поминал мостот Понте Моранди во Џенова, десет минути пред да се сруши, при што загинаа досега најмалку 35 лица. Кришито во мај оваа година се врати во Џенова од Зенит и вели дека го поминал мостот кратко пред да се случи трегедијата. -Го пишувам ова поради сите оние кои ми пишуваат и се загрижени за мене и моето семејство. Сите сме добро, а поминавме по тој мост точно десет минути пред да се сруши, напиша Кришито на Инстаграм. Тој вели дека сочувствува со семејствата на жртвата, а продолжува дека е невозможно мост така да се сруши. -Мора нешто да се направи за оваа држава. Луѓето не напуштаат поради вакви работи. Ни треба сигурност, треба некој нешто да преземе, ова е одвратно, пишува тој.

Tutti uniti per Genova. Un abbraccio caloroso a tutte le famiglie delle vittime di questa ennesima tragedia ?????? non è possibile che nel 2018 dobbiamo ancora assistere a queste cose incredibili.. non si sta tranquilli neanche mentre uno viaggia in macchina per andare a fare una vacanza oppure per andare a lavoro.. incredibile!! RIP ??????

A post shared by Domenico criscito (@domenicocriscito8691) on Aug 14, 2018 at 7:31am PDT

Џенова го откажа денешниот тренинг поради несреќата. Министерот за сообраќај Данило Тонинели предупреди дека ова веројатно е „огромна трагедија“. Еден од сведоците кажа дека видел осум или девет возила на патот во моментот кога се срушил, сцена што ја опиша како „апокалиптична“.