доменико тедеско – Kurir.mk

Белгија доби нов селектор

Бошко Тасиќ — Thu, 09 Feb 2023 05:46:17 +0000

Доменико Тедеско ќе го замени Роберто Мартинез на селекторската функција во белгиската репрезентација. Договорот е потпишан до крајот на Европското првенство во Германија во 2024 година. „За мене е голема чест што станав селектор на Белгија. Со нетрпение ја очекувам задачата и исклучително сум мотивиран. Имам многу добро чувство од првиот разговор“, изјави 37-годишниот стратег. Квалификациите за Европското, Белгија ги започнува на 24 март со натпреварот против Шведска во Стокхолм.

Тедеско главен кандидат за нов белгиски селектор

Тале Кристо — Mon, 30 Jan 2023 20:17:54 +0000

Италијанско – германскиот тренер Доменико Тедеско е главен кандидат да го наследи Шпанецот Роберто Мартинез на селекторската клупа на Белгија, јавија денеска локалните медиуми. Според истите извори, работна група на Фудбалската федерација на Белгија изминатиот период составила листа потенцијални кандидати за нов селектор, меѓу кои главен фаворит е 37-годишниот Тедеско. Во кариерата Тедеско ги предводеше Ауе, Шалке и московски Спартак, а без ангажман е од минатиот септември кога доби отказ на клупата на Лајпциг. Белгија остана без селектор откако Мартинез поднесе оставка по неуспехот на Мундијалот во Катар, а претходно овој месец беше назначен за нов селектор на Португалија.

Тренерот на Лајпциг, Тедеско поднесе оставка

Дарко Андоновски — Wed, 07 Sep 2022 09:29:13 +0000

Бундеслигашот Лајпциг објави за оставка на тренерот Доменико Тедеско. Вчера Лајпциг на домашен терен загуби од Шахтојор со 4:1. Заедно со 36-годишниот стручњак, клубот го напуштија и неговите помошници Андреас Хинкел и Макс Урванчки. Тедеско беше на тренерската позиција во Лајпциг од декември 2021 година. Под негово водство тимот го освои Купот на Германија во сезоната 2021/22. Лајпциг оваа сезона има две победи, два нерешени исхода и четири порази. Германските медиуми шпекулираат дека наследник на Тедеско на тренерското место во Лајпциг ќе биде Марко Росе.