Доминик Ливаковиќ – Kurir.mk

Доминик Ливаковиќ е нов голман на Фенербахче

Бошко Тасиќ — Sat, 26 Aug 2023 05:08:11 +0000

Хрватскиот голман, Доминик Ливаковиќ е нов член на Фенербахче, потврди денес турскиот клуб. Ливаковиќ со клубот од Истанбул потпиша договор на пет години. Кариерата голманот ја започна во Задар, потоа осум години настапуваше за Динамо за кој одигра 293 натпревари. Дресот на репрезентацијата на Хрватска го носеше на 45 натпревари и освои сребро и брзона на Мундијалите во 2018. и 2022. година

Турскиот гигант објави, Доминик Ливаковиќ е нов голман на Фенербахче

Ристе Здравков — Thu, 24 Aug 2023 07:39:36 +0000

Досегашниот голман на тимот на Динамо Загреб, и соиграч на нашиот Стефан Ристовски, Доминик Ливаковиќ е нов голман на турскиот гигант Фенербахче. По осум години минати на Максимир и шест освоени титули, Ливаковиќ заминува што се вели во вистинско време, затоа што реално како прв голман на репрезентацијата на Хрватска би требало да заигра во некоја од топ лигите во светот. Фенерабахче цело лето преговара со Динамо околу трансферот на Ливаковиќ, а откако загрепчани испаднаа од квалификациите за Лигата на Шампионите, се што во моментов може да биде продадено за сериозна сума на пари, го наапушта Максимир.

Bilgilendirme

Kulübümüz, profesyonel futbolcu Dominik Livakovic’in transferi konusunda futbolcu ve kulübü Dinamo Zagreb ile prensip anlaşmasına varmıştır.

Futbolcu sağlık kontrollerinden geçmek ve ileri transfer görüşmeleri için bugün İstanbul'a gelecektir.

Kamuoyunun… pic.twitter.com/6155aekozG
— Fenerbahçe SK (@Fenerbahce) August 24, 2023

Ливаковиќ пред трансфер во Севилја

Ристе Здравков — Thu, 17 Aug 2023 16:39:07 +0000

Шпанскиот прволигаш Севилја за неколку дена ќе го продаде голманот Јасмин Бону во саудискиот Ал-Хилал и размислува да го доведе Доминик Ливаковиќ од Динамо Загреб. Мароканскиот репрезентативец Бону, кој е во Севилја од летото 2020 година, тажно ги прегрна соиграчите во средата вечерта во Пиреја по поразот во Суперкупот на Европа од Манчестер Сити. Откако мечот заврши 1:1, беа изведувани удари од белата точка, а Бону не успеа да спречи ниту еден, па англискиот шампион победи со 5:4. „Сѐ уште не се поздравил, но мислам дека ќе си замине. Не знам дали ќе биде пред гостувањето во Виторија (во понеделник кај Алавес), но изгледа дека вратата на Саудиска Арабија е отворена за него“, изјави тренерот на Севилја, Хозе Луис Мендилибар по натпреварот. Хрватскиот репрезентативен голман Ливаковиќ сега е прва опција за раководството на Севиља. Ливаковиќ, кој во вторникот бранеше за Динамо Загреб во поразот од АЕК со 1:2 на „Максимир“, има клаузула која му дозволува да замине за 10 милиони евра. Динамо в сабота го игра реваншот во Атина, а доколку не успее да ја надополни негативата, европскиот пат ќе го продолжи во Лигата на Европа. Севилја би можела да го продаде Бону за 19 милиони евра и да го купи Ливаковиќ за 10 милиони и со тоа да биде во значителна финансиска добивка.

Фенербахче ќе потпише со Ливаковиќ и Тадиќ

Бошко Тасиќ — Sun, 16 Jul 2023 06:13:58 +0000

Турскиот фудбалски клуб Фенербахче се договори со Динамо Загреб за сума од девет милиони евра да го купи Доминик Ливаковиќ. Личните услови на голманот се договорени, а наскоро и официјално ќе бидат потпишани договорите по што трансферот ќе биде комплетиран. Во Фенербахче пристигнува и Душан Тадиќ откако Србинот го раскина договорот со Ајакс. Тој за турскиот клуб ќе потпише како слободен фудбалер. Тадиќ имаше понуди и од Саудиска Арабија, но ги одби, неговата желба е да продолжи во Европа.

Нов милионски трансфер од Динамо: Ливаковиќ се сели во Галатасарај?

Ристе Здравков — Fri, 31 Mar 2023 10:53:39 +0000

Динамо Загреб продолжува да им дели лекции на клубовите од балканските простори како треба еден голем клуб да работи. Се чини дека Динамо според трансферите и принципот на работа, веќе одамна и ги надмина овие балкански или бившојугословенски простори. Доказ за тоа е и најавата за нов милионски трансфер кој треба да се случи. Голманот Доминик Ливаковиќ има договор со Модрите од Загреб до летото 2024 година, па затоа раководството на клубот сака да го продаде. По одличните одбрани, во редот за голманот застанаа Баерн и Виљареал, но најсериозен да ја плати откупната клаузула од 10 милини евра е турски Галатасарај. Клубот од Истанбул е во потрега по замена на ветеранот Фернандо Муслера, кој со своите 36 години веќе е на залезот од кариерата. Ова би било одличен трансфер и за голманот бидејќи моментно заработува 600.000 евра годишно во Динамо, а во Турција секако дека би добил многу повеќе од тоа.

Вилјареал бира меѓу Димитриевски и Ливаковиќ?

Ристе Здравков — Wed, 11 Jan 2023 08:59:16 +0000

Македонскиот репрезентативен голман Столе Димитриевски, не е единствениот на „радарот“ на шпанскиот тим Вилјареал. Најновите информации велат дека „жолтата подморница“ е заинтересирана и за чуварот на мрежата на хрватската репрезентација и на Динамо Загреб, Доминик Ливаковиќ. Вилјареал бара замена за Херонимо Рули кој замина во Ајакс за сума од околу 8-10 милиони евра. Тие пари Вилјареал планира да ги потроши за нов голман, а таа сума би требало да биде доволна за Рајо Валјекано да го пушти Димитриевски на стадионот „Керамика“. Шпанскиот тим сега се интересира и за Ливаковиќ. Но, треба да се има во предвид дека Динамо тешко ќе се откаже за таа цифра од својот прв чувар на мрежата, и дека ќе треба да издвои барем уште толку за да го добие неговиот потпис. Ливаковиќ се истакна со одличните партии на Мундијалот во Катар, себе си ја крена цената, и од тука сега Вилјареал треба да одбере дали да издвои повеќе пари за чувар на мрежата, или да ги потроши само оние кои ги доби за трансфер на својот голман во Амстердам. Димитриевски лани беше пред трансфер во Барселона, но на крајот истиот пропадна затоа што Нето одби да ја напушти екипата. Потоа беше и пред трансфер во Ал Наср, сегашниот клуб на Кристијано Роналдо, но на крајот остана „верен“ на Рајо.

ФОТО: Дресот со кој Ливи ги отпиша Јапонците заврши кај – Стефан Ристовски!

Ристе Здравков — Fri, 23 Dec 2022 11:15:15 +0000

Фудбалската селекција на Хрватска одново ги освои срцата на неутралните љубители на Светското првенство во Катар. „Ватрените“ одиграа нов неверојатен Мундијал и заслужено се закитија со бронзениот медал, а еден од најдобрите од четата на Златко Далиќ беше голманот на Динамо Загреб, Доминик Ливаковиќ. Популарниот Ливи беше фантастичен меѓу стативите и благодарение на неговите одбрани Хрватска ги елиминира Јапонија и Бразил во втората фаза од шампионатот. Дресот со кој Ливаковиќ беше херој во пенал-рулетот со Јапонија во осминафиналето заврши во рацете на македонскиот капитен Стефан Ристовски, неговиот соиграч од редовите на Динамо Загреб. И покрај моќниот настап во Катар, Ливаковиќ не ја доби престижната награда за најдобар голман на шамионатот, која што на крај заврши кај светскиот шампион Емилијано Мартинез.

ТАА Е ХРВАТСКАТА МЕГАН МАРКЛ – ќе ви падне вилицата од сопругата на хрватскиот голман, само за овие два пејачи на свадбата дале брдо пари (ФОТО)

Дарко Андоновски — Tue, 13 Dec 2022 12:34:02 +0000

Со нетрпение го очекуваме вечерашниот дуел на Светското првенство во Катар кое завршува оваа недела. Досега се видени многу големи и шокантни моменти, но деновиве, логично, најмногу се зборува за подвизите на Мароко и Хрватска, кои ретко кој ги виде меѓу четирите најдобри селекции на Мундијалот, особено по нивниот прилично неинтересен дуел на старт на натпреварувањето во групата Ф (0:0). Хрватската фудбалска репрезентација доби пофалби кога ја елиминираше Јапонија на пенали во осминафиналето, но кога истото го направи и против првиот фаворит на турнирот, моќниот Бразил, ги воодушеви сите кои заборавија дека „Ватрените“ пристигнаа во Катар како светски вицешампиони. И сега се на чекор од новото финале на СП. Момчето кое деновиве е топ тема во светот, неодамна се заколна на вечна љубов на својата долгогодишна девојка и добро познато лице на социјалните мрежи. Голманот на Динамо Загреб доби честитки и воодушевувања од целиот свет, а меѓу оние кои им даваат најголема поддршка деновиве е неговата животна сопатничка Хелена Ливаковиќ која го бодри од трибините и во Катар.

View this post on Instagram

A post shared by Helena Livaković (@helenamatic)

Парот, инаку, судбоносното „ДА“ го кажа годинава кога во јуни се венчаа во соборниот храм „Света Стошија“ во Задар.

View this post on Instagram

A post shared by Helena Livaković (@helenamatic)

Тоа е круна на нивната љубов, која трае веќе пет години, а семејството Ливаковиќ потоа организирале романтична прослава во луксузен хотел, каде за расположението на гостите биле заслужни пејачите Петар Грашо и Саша Матиќ.

View this post on Instagram

A post shared by Helena Livaković (@helenamatic)

View this post on Instagram

A post shared by Dominik Livaković (@dominiklivakovic40)

Хелена Ливаковиќ не го задржала моминското презиме на Инстаграм и сега таа наместо Хелена Матиќ, е Ливаковиќ, а во соседството е позната и како „Хрватката Меган Маркл“ поради сличноста со војвотката од Сасекс, а со уметничко лизгање се занимава уште од детството. Таа блескаше „на мразот“ цели 20 години, а кариерата и заврши во 2017 година бидејќи, како што вели, „веќе не се гледала себеси во тоа“. Дипломирала индустриски дизајн на Текстилно-технолошкиот факултет во Загреб.

View this post on Instagram

A post shared by Helena Livaković (@helenamatic)

Како што еднаш истакна, одлично се сложува со својот избраник и го цени за неговата скромност. - Дефинитивно сум импресионирана од скромноста и понизноста на Доминик. Тој е голем самокритичар, што понекогаш ме нервира, но повторно го разбирам. Можеме да кажеме дека и двајцата сме воспитани во тимски спортови, поради што нема себичност и одлично работиме како тим - истакна еднаш Хелена за хрватските медиуми.

View this post on Instagram

A post shared by Helena Livaković (@helenamatic)

Хрватскиот голман влезе во историјата на Мундијалите

Ивона Петрова — Mon, 05 Dec 2022 20:05:44 +0000

Најзаслужен за пласманот на Хрватска во четвртфиналето на Мундијалот беше голманот Доминик Ливаковиќ, кој блескаше во пенал серијата против Јапонија. Чуварот на мрежата на Динамо Загреб одбрани дури три удари на „самураите“ од 11 метри и со тоа ги доведе „коцкестите“ до осумте најдобри селекции на Мундијалот. - Чувството е одлично, пред се поради тимот, атмосферата е одлична. Благодарност до навивачите кои дојдоа. Јапонците одлично притискаа од самиот почеток. Одигравме тежок натпревар, тие беа добро подготвени, но и ние. Победивме кога ни беше најтешко. Ова е најдобриот натпревар во мојот живот и ова се моите омилени моменти во кариерата, изјави Ливаковиќ по натпреварот. Инаку, голманот на Хрватска влезе во историјата на светските првенства. Тој стана третиот голман кој одбранил три пенали на еден натпревар. Прв кој го постигна овој подвиг беше Португалецот Рикардо, кој на СП 2006 година во дуел со Англија ги запре ударите на Френк Лампард, Џејми Карагер и Стивен Џерард. Следниот е Данијел Субашиќ на последниот планетариум во Русија кога запре три удари од белата точка за Данците.