Поради насилничко однесување, оставка поднесе британскиот вицепремиер Рааб

Ристе Здравков — Fri, 21 Apr 2023 10:52:53 +0000

Британскиот вицепремиер и министер за правосудство Доминик Рааб во петокот поднесе оставка по независната истрага спроведена против него поради насилничко однесување. Во писмото до премиерот Риши Сунак објавено на Twitter, Рааб наведува дека и натаму ја поддржува владата. „Јас самиот ја побарав таа истрага и се обврзав да поднесам оставка доколку се утврди дека имало насилничко однесување, без разлика какво. Важно е да си го одржам зборот“, напиша. Истрагата беше покрената откако беа поднесени осум поплаки за неговото однесување додека беше министер за надворешни работи, секретар за Брегзит и конечно министер за правосудство. Во писмото Рааб го оправдува својот однос кон службениците, велејќи дека министерот има право да бара одговорност од своите соработници за нивната работа, пишува BBC. Додава дека мноштвото коментари покажале како се развила дебатата за тоа дали Доминик Рааб е едноставно крут и тежок шеф или дали неговото однесување ја преминало границата во доменот на малтретирањето. „Со спуштање на летвата толку ниско за однесување кое се смета за насилно, се поставува опасен преседан“, напиша Рааб и додава дека министрите мора да имаат право на директен надзор над она што го прават нивните колегиј. „Во спротивно, демократскиот и уставниот принцип на министерска одговорност повеќе нема да постои“, напиша.

Рааб: Конфликтот во Украина може да трае со месеци, ако не и со години

Ивана Ефремовски — Sun, 06 Mar 2022 11:16:36 +0000

Конфликтот во Украина може да трае со месеци, ако не и со години, изјави денеска британскиот вицепремиер Доминик Рааб, додавајќи дека меѓународните сојузници треба да покажат „стратешка издржливост“ за да се обезбеди неуспех на рускиот претседател Владимир Путин. -Нашата мисија со сојузниците е да обезбедиме неуспех на Путин во Украина, а за тоа ќе биде потребно време. Зборуваме за месеци, ако не и години, па затоа мораме да покажеме стратешка издржливост бидејќи сето ова нема да заврши за неколку дена, изјави Рааб за „Скај њуз“. Британскиот вицепремиер ги повика Кина и Индија да помогнат во зголемувањето на дипломатскиот притисок врз Русија. -Кина во оваа криза има што да прави. И треба да направи повеќе, таа е постојана членка на Советот за безбедност, а и Индија, исто така, додаде Рааб. „Треба да го зголемиме дипломатскиот притисок“, кажа тој. (МИА)

Доминик Рааб – Kurir.mk

Поради насилничко однесување, оставка поднесе британскиот вицепремиер Рааб

Рааб: Конфликтот во Украина може да трае со месеци, ако не и со години