Доминик Тим – Kurir.mk

Доминик Тим со „вајлд“ карта ќе настапи на Австралија Опен

Бошко Тасиќ — Sat, 31 Dec 2022 07:36:32 +0000

Поранешниот освојувач на Грен слем трофеј, Доминик Тием, доби посебна покана да заигра на првиот голем турнир следната година. Австриецот ќе настапи на Австралија Опен, откако организаторите му упатија покана и покрај лошиот пласман и проблемите со повредите. Тим минатата година падна под 300-та позиција на АТП ранкиингот, меѓутоа ја крена формата и успеа да се врати назад меѓу најдобрите сто. Во моментов тој ја зазема 102. позиција на ранг-листата, а не настапи на минатиот турнир во Мелбурн порадии повреда. Освен Тим, „вајлд-карти“ добија Кристофер Еубанкс и Лука Ван Аше, додека кај дамите тоа се Тејлор Таунсенд и Дајана Пери. Остануваат уште по две специјални покани за настап на Австралија Опен, а истите ќе бидат поделени следната седмица.

Нова пауза за Доминик Тим

Бошко Тасиќ — Sun, 06 Feb 2022 08:41:22 +0000

Австрискиот тенисер Доминик Тием одново ги разочара своите фанови и ги откажа настапите на уште три турнири. Повредата на раката е причината поради која во новата сезона ќе дебитира дури во март. „Никогаш не е лесно да се вратиш по седум месеци отсуство. Ќе ги послушам советите на лекарот и по неколку дена одмор повторно ќе почнам да тренирам. Ми треба малку време на теренот пред да се вратам“, изјави австрискиот ас. Шампионот од УС Опен за 2020 година има добри сеќавања од Индијан Велс, каде ја освои првата Мастерс титула во кариерата, победувјаќи го Роџер Федерер во големото финале.

Доминик Тим се откажа од настап на Австралија опен

Бошко Тасиќ — Tue, 28 Dec 2021 18:10:41 +0000

Австрискиот тенисер Доминик Тим требаше да се врати на големите турнири со настап на Австралија Опен. Меѓутоа 28-годишникот направи промена во својот распоред во последен момент. Неговата сезона ќе започне во Јужна Америка на крајот од јануари, што значи дека нема да се појави во Мелбурн. „Јас и мојот тим одлучивме да направиме промени и сезоната да ја започнеме во Аргентина. Тоа значи дека нема да играм на Австралија опен, каде ќе се вратам во 2023 година“, напиша австрискиот ас.

Големо изнаненадување на Роланд Гарос , елиминиран Доминик Тим

Бошко Тасиќ — Sun, 30 May 2021 16:28:33 +0000

Двократниот финалист на Ролан Гарос, Домиик Тим, доживеа изненадување и сензационално испадна уште во првото коло на престижниот турнир на земјена подлога во Париз. Австриецот испадна од шпанскиот ветеран Пабло Андухар, од кого загуби со 2-3 во сетови (4-6, 5-7, 6-3, 6-4, 6-4). Мечот траеше скоро четири и пол часа, а на големиот фаворит не му помогна ниту предноста од два сета која ја имаше. Тием имаше проблем со кондицијата, а евидентна беше паузата која ја направи поради проблемите со коленото. Во клучниот сет направи многу грешки, па противникот од Шпанија тоа го казни. Ова е првпат како Тием испадна во првото коло на Ролан Гарос.

Медведев победи на завршниот АТП турнир

Ивона Петрова — Mon, 23 Nov 2020 07:32:02 +0000

Рускиот тенисер Данил Медведев го победи Австриецот Доминик Тим во финалето на АТП завршниот турнир во Лондон. Во меч што траеше 2 часа и 42 минути Медведев до трофејот стигна по 2-1 во сетови (4:6, 7:6 и 6:4). Русинот направи 12 аса и три двојни грешки. Австриецот шест аса и една двојна грешка. Медведев стана вториот Русин во историјата кој победил на завршниот турнир на АТП. Претходно тоа му успеа на Николај Давиденко во 2009 година. Наградниот фонд на турнирот изнесуваше 5,7 милиони долари.

Тим го победи Ѓоковиќ и се пласира во финалето на Завршниот турнир во Лондон

Дарко Андоновски — Sat, 21 Nov 2020 17:27:37 +0000

Австриецот Доминик Тим избори финале на Завршниот турнир во Лондон, совладувајќи го вечерва Србинот Новак Ѓоковиќ. Во меч што траеше безмалку три часа, Тим го доби првиот сет со 7:5, во вториот беше 7:6 за Ѓоковиќ по тај-брејкот (12:10). И во решавачкиот трет сет се играше тај-брејк, овојпат Тим беше поуспешен со 7:6 (7:5). Во финалето Тим ќе игра со победникот од мечот Данил Медведев – Рафаел Надал. Наградниот фонд на АТП турнирот во британската престолнина изнесува 5,7 милиони долари.

Тим е првиот Австриец што го освои УС Опен

Дарко Андоновски — Mon, 14 Sep 2020 06:29:44 +0000

Австриецот Доминик Тим стана победник на Грен слемот УС Опен. Во финалето коешто траеше нешто повеќе од четири часа, ноќеска тој го надигра Германецот Александар Зверев со 3-2, по сетови 2:6, 4:6, 6:4, 6:3 и 7:6 (8:6). За Тим ова е прва победа на Грен слем турнирите. Воедно тој е првиот Австриец кој триумфирал на турнирот во Њујорк. Покрај тоа, претходно само еден австриски тенисер има освоено Грен слем – во 1995 година, Томас Мустер стана победник на Ролан Гарос. Годинава наградниот фонд на УС Опен изнесуваше 53,4 милиони долари.

Тим не дава поддршка на идејата на Ѓоковиќ за финансиска помош за тенисерите со понизок рејтинг

Тале Кристо — Mon, 27 Apr 2020 08:36:45 +0000

Австрискиот тенисер Доминик Тим, рангиран на третото место на светската ранг-листа, не беше инспириран од идејата водечките тенисери во светот, финансиски да ги поддржуваат пониско рангираните играчи за време на пандемијата на коронавирус. Минатата недела лидерот на ранг-листата Новак Ѓоковиќ ги повика другите играчи од ТОП 100, да се вклучат со донации за фондот. Според Тим, генерално има празнини во заедницата на кои им треба многу итна помош од слични послаби тенисери. – Нема тенисер кој се бори за заздравување. Дури и оние што се во долниот дел на ранг-листа, ниту еден од нив не гладува, изјави 26-годишниот Тим. Според него, голем дел од играчите на пониско ниво не се занимаваат професионално во тенис, и затоа не заслужуваат помош од најдобрите. – Има многу, многу играчи кои не го ставаат спортот на прво место први и не живеат како професионалци. Јас навистина не гледам причина зошто да им дадам пари, истакнува Тим. Во својата кариера, Доминик Тим има три настапи во финалето на Грен слем турнирите, но ги загуби сите три.

Тим го победи Ѓоковиќ и обезбеди полуфинале на Мастерсот во Лондон

Ивона Петрова — Wed, 13 Nov 2019 07:14:46 +0000

Австрискиот тенисер Доминик Тим синоќа го победи Србинот Новак Ѓоковиќ и се пласира во полуфиналето на завршниот АТП турнир во Лондон. Мечот беше решен во три сета по речиси три часа игра. На крајот резултатот беше 2-1, по сетови 6:7, 6:3 и 7:6. На другиот меч од 2. коло во Б-групата на Мастерсот во британската престолнина, Роџер Федерер го совлада Матео Беретини со 2-0. На табелата води Тим со максимални две победи, Ѓоковиќ и Федерер имаат по една победа и еден пораз и во директен дуел ќе одлучуваат за вториот патник во полуфиналето. Без шанси за влез помеѓу четворицата најдобри е Италијанецот Беретини кој ги загуби двата досегашни меча.

Познат противникот на Федерер во финалето на Индијан Велс

Дарко Андоновски — Sun, 17 Mar 2019 08:13:59 +0000

Доминик Тим за првпат во својата кариера се квалификуваше во финалето на турнирот во Индијан Велс. Во спектакуларен полуфинален меч, Австриецот оствари триумф со 7:6 (3), 6:7 (3), 6:4 над Милош Раониќ. Средбата траеше повеќе од два и пол часа и заврши со 25-тиот винер на Тим, регистриран при излегување на мрежата. Третата година по ред, австрискиот тенисер ќе спори за титулата од „Мастерс“ турнир. Во претходните два случаи, тој играше за трофејот на земја во Мадрид. Ривал во борбата за трофејот на Тим ќе му биде рекордерот по освоени Гренд-слем титули – Роџер Федерер, кој исто така е петкратен шампион во Индијанаполис. Вечерва, Доминик Тим ќе излезе за својата 12-та титула во кариерата, а Федерер ќе се бори за својата 101-ва, откако неодамна триумфираше во Дубаи.