Domino’s pizza не ги придоби Италијанците, ја затвори и последната продавница

Ивона Петрова — Wed, 10 Aug 2022 09:08:25 +0000

По седум години откако започна со работа во Милано, американскиот ланец Domino’s pizza ја напушти Италија, откако не успеа да ги придобие Италијанците. Гигантот на пазарот за брза храна ја затвори и последната од своите 29 продавници на Апенинскиот Полуостров, по борбата да се позиционира во земјата што покажа оти тешко е да се придобие нејзиното население. Доминос пристигна во Италија во 2015 година и планираше да ги придобие граѓаните со „чисто италијански“ состојки. Плановите на компанијата да ги „намами“ Италијанците со достава на пица, беа урнати од пандемијата, откако и домашните пицерии масовно се свртија кон испорака на адреса поради мерките за ограничување со цел да се спречи ширење на коронавирусот.

Испорачување пица преку робот звучи примамливо – „Доминос“ во Тексас веќе започна со оваа техника, погледнете! (ВИДЕО)

Магдалена Андонова — Tue, 13 Apr 2021 12:17:02 +0000

Самоуправувачиот пазар се надополнува со сè повеќе автоматизирани решенија за кои не е потребна посебна човечка интервенција. Една од најновите иновации кај „Доминос“ се однесува на испораките на пица. Компанијата веќе го тестира самоуправувачкиот робот Нуро Р-2 во една од своите гостилници во Тексас (САД). Нарачателот, притоа, може да избере дали испораката ќе се врши на обичен начин или преку роботот. Малото возило може да оди во различни правци, а внатре има посебно место за чување на храната. Доколку купувачите го одберат Нуро Р-2, тие добиваат известувања за процесот на испорака, како и навремени податоци за местоположбата на роботот. Откако возилото ќе стигне до адресата, купувачот ќе добие специјален ПИН-код за да го отклучи роботот и да си ја земе својата нарачка. (МИА)

доминос – Kurir.mk

Domino’s pizza не ги придоби Италијанците, ја затвори и последната продавница

Испорачување пица преку робот звучи примамливо – „Доминос“ во Тексас веќе започна со оваа техника, погледнете! (ВИДЕО)