донаторска конференција – Kurir.mk

ЕУ ќе организира донаторска конференција за Сирија и Турција

Тале Кристо — Wed, 08 Feb 2023 19:00:10 +0000

ЕУ планира во март да организира донаторска конференција за да се мобилизира меѓународна помош за Сирија и Турција за справување со катастрофалните последици од земјотресите што ги погодија двете земји, соопшти шефицата на ЕУ Урсула фон дер Лајен. - Сега се тркаме со времето за да спасиме животи заедно. Наскоро ќе обезбедиме хуманитарна помош, заедно. Турција и Сирија можат да сметаат на ЕУ, напиша фон дер Лајен на Твитер. Таа информира дека домаќини на конференцијата ќе бидат таа и Улф Кристерсон, премиерот на Шведска која во моментов претседава со Унијата. ЕУ соопшти дека конференцијата ќе се одржи на почетокот на следниот месец во Брисел во координација со турските власти „за да се мобилизираат средства од меѓународната заедница за поддршка на народите“ на двете земји. - Никој не треба да биде оставен сам кога таква трагедија ги погодува луѓето, истакна Фон Дер Лајен. Настанот ќе биде со цел да се координира меѓународниот одговор на катастрофата и „ќе биде отворен за земјите-членки на ЕУ, соседните земји, членките на ОН“ и меѓународните кредитори, соопшти Унијата.

На 26 мај ЕУ организира донаторска конференција за граѓаните на Венецуела кои побегнале од државата

Тале Кристо — Fri, 15 May 2020 21:01:48 +0000

Европската унија и Шпанија на 26 мај ќе организираат донаторска конференција за да им помогнат на милиони венецуелски граѓани кои бегаат од земјата, како и на државите од Јужна Америка што ги примаат тие граѓани. Тоа го изјави шефот на европската дипломатија, Жозеп Борел. – Конференцијата ќе ги поддржи соседните земји на Венецуела, што примаат голем број бегалци, рече Борел на прес-конференција, додавајќи дека епидемијата на коронавирусот дополнително ја влошила ситуацијата. Шпанскиот министер за надворешни работи Аранча Гонзалез Лаја изјави дека меѓународната заедница не може да не реагира на егзодусот на граѓаните на Венецуела, додавајќи дека е потребно да се реагира што е можно поскоро. На конференцијата ќе учествуваат повеќе од 40 држави и финансиски институции, во организација на Високиот комесаријат на ОН за бегалци (УНХЦР), Меѓународната организација за миграција (ИОМ) и ЕУ. Околу 4,9 милиони граѓани на Венецуела ја напуштија земјата од 2015 година, бегајќи од политичката и економската криза. Колумбија прими најголем број бегалци, околу 1,7 милиони.

Во јануари во Тирана ќе се одржи донаторска конференција за Албанија

Тале Кристо — Sat, 14 Dec 2019 13:46:14 +0000

Советот на Европа донесе одлука донаторската конференција за настраданите во земјотресот во Албанија да се одржи во Тирана, но датумот се уште не е одреден. Претседателката на Европската Комисија Урсула фон дер Лајен изјави дека донаторската конферецнја ќе се одржи во Тирана на почетокот или во средината на јануари и оти одржувањето на конференцијата го подржале сите земји членки. -Добро што се договоривме за одржување донаторска конференција за Албанија во Тирана, во почетокот или во средината на јануари. Беше инспиратвно да се види како земјите членки веднаш дадоа подршка за да бидат покрај Албанците, изјави Лајен. Претходно таа соопшти дека Европската Комисија одлучила да даде 15 милиони евра за Албанија за санирање на штетите од разорниот земјотрес што ја погоди земјата на 26 ноември. Инаку, на осми декември албанскиот премиер Еди Рама престојуваше во Истанбул,Турција, на донаторска конфренција, каде турскиот претседател Реџеп Таип Ердоган, ги свика земјите-членки на Организацијата на исламската конференција за помош на Албанија.