Дони Ван Де Бек – Kurir.mk

Манчестер Јунајтед без Ван Де Бек до крајот на сезоната

Бошко Тасиќ — Sat, 14 Jan 2023 07:07:35 +0000

Имено, „црвените ѓаволи“ нема да може да сметаат на услугите на Дони Ван Де Бек до крајот на сезоната. „За жал ќе бидеме без Дони до крајот на сезоната. Нашите мисли се со него. Навистина е лошо кога ќе добиете ваков удар во такот на сезоната“, изјави Тен Хаг. Ван Де Бек се повреди во натпреварот против Евертон од ФА Купот. Холанѓанецот не се изнаигра на „Олд Трафорд“, но потоа Тен Хаг почна да му дава прилика дојде оваа повреда.

Евертон доби екстра засилување од Манчестер Јунајтед

Бошко Тасиќ — Sun, 30 Jan 2022 16:47:52 +0000

Холандскиот фудбалски репрезентативец Дони Ван де Бек го напушти Манчестер Јунајтед и се пресели во Евертон. Ван де Бек не добиваше шанса на „Олд Трафорд“, па сакаше да ја промени средината во потрага по поголема минутажа. Холанѓанецот имаше неколку понуди, но се одлучи да потпише за Евертон, каде ќе игра на позајмица до крајот на сезоната. Евертон ќе плати за позајмицата и се обврза да му ја дава целата плата на фудбалерот во наредните шест месеци.

Ван де Бек го одбил Мино Рајола

Ивона Петрова — Wed, 27 Oct 2021 08:05:45 +0000

Фудбалерот од средниот ред на Манчестер јунајтед, Дони ван де Бек, одбил да соработува со агентот Мино Рајола, пишува „Дејли експрес“. Според изворот, Рајола му понудил на 24-годишниот Холанѓанец да помогне во заминувањето од сегашниот клуб, но играчот одбил. Ван де Бек моментално го претставува „HCM Sports Management“, кој исто така работи со поранешниот партнер на фудбалерот во Ајакс, Френки де Јонг. На 26 октомври беше објавено дека Ван де Бек сака да смени агент за да го забрза трансферот од Манчестер јунајтед.

Ван де Бек го пронајде виновникот за својот кошмар во Јунајтед и презема радикален потег

Ристе Здравков — Tue, 26 Oct 2021 06:27:47 +0000

Дони Ван де Бек остана замрзнат на клупата за резерви и на шести натпревар во низа, а за негова среќа, подобро беше што и воопшто не стапна на теренот во неделата која сигурно нема по добро да ја паметат верните фанови на Манчестер Јунајтед. Холанѓанецот немаше никаква улога во срамот кој го доживеа Јунајтед од Ливерпул во големото дерби на „Олд Трафорд“, но затоа по поразот од 0:5, беше единствениот првотимец на „ѓаволите“ кои се појавил на теренот и кој одработил целосен тренинг со кондициски тренер за да остане во форма. Со ваквиот потег, Ван де Бек само уште еднаш потврди дека се однесува максимално професионално, но во недостиг на шанси од Оле Гунар Солскјер, најверојатно излезот ќе го бара уште во јануари. Угледните холандски медиуми откриваат дека Ван де Бек во изминатиот период го пронашол главниот виновник за неговата кошмарна ситуација на театарот на соништата, и тоа во неговиот агент на кој сега и дефинитивно му врачил отказ. Гидо Алберс не успеа да му осигура премин во Евертон во последните денови од летниот преоден рок, па само два месеци подоцна, Ван де Бек ја прекинал соработката со него и ангажирал човек од кого побарал да му обезбеди нов ангажман уште во јануари. Угледниот „Телеграф“ од Холандија открива дека Ван де Бек потпишал соработка со Али Дурсун, познатиот фудбалски агент кој е претставник на Френки де Јонг од Барселона. Според прогнозата на истиот извор, Дони сигурно ќе направи трансфер во јануари, и тоа со клуб кој ќе има право целосно да го откупи неговиот договор по шестмесечната позајмица.

Only one man left doing his runs with a coach - poor Donny van de Beek. 🇳🇱 Penny for the thoughts of the £35m signing that can’t get into a midfield that played like that today… pic.twitter.com/ey7asv55ZL
— Shane Hannon (@ShaneHannon01) October 24, 2021

Јунајтед ќе му понуди спас на Ван де Бек: Трампа во клуб од Премиерлигата?!

Ристе Здравков — Fri, 08 Oct 2021 10:28:04 +0000

Дони Ван де Бек не се наогра откако пристигна од Ајакс во Манчестер Јунајтед. Тој беше играч кој во минатото го посакуваа и во Реал Мадрид, но на крајот тој заврши на „Олд Трафорд“, каде веќе извесен период е во милост и немилост на тренерот. Ван де Бек не добива редовно шанса за настап и тоа го фрустрира, а се шпекулира дека самиот тој ќе побара од клубот да го стави на трансфер листа. Од друга страна, британските таблоиди денеска форсираат приказна дека клубот може да му понуди на Ван де Бек излез од оваа ситуација и да го трампаат во друг тим. Се верува дека клубот е заинтересиран за Деклан Рајс од Вест Хем и Рубен Невеш од Волвс, тоа се двете опции кои се споменуваат за потенцијална трампа на лето или веќе оваа зима. Доколку во оваа приказна има вистина, тогаш на Ван де Бек ќе биде одлуката, дали да продолжи во Премиерлигата или да се пресели во некој друг клуб.

Дони Ван де Бек заминува од Манчестер Јунајтед ?

Бошко Тасиќ — Sat, 02 Oct 2021 17:23:26 +0000

Холандскиот фудбалски репрезентативец Дони ван де Бек се очекува да го напушти Манчестер Јунајтед во јануари. Неколку клубови се заинтересирани за играчот, но се верува дека одењето во Серија А е најреална опција. Јувентус и Интер се клубови кои бараат засилување во средниот ред, па се верува дека и двајцата ќе се обидат да го доведат Холанѓанецот од Манчестер Јунајтед, барем на позајмица до крајот на сезоната. Стоперот на Јувентус, Матијас де Лихт играше со Ван Де Бик во Ајакс и наводно ќе разговара со него и ќе побара од него да дојде во Торино за да му помогне на Јувентус до крајот на оваа турбулентна сезона. На „Олд Трафорд“ сметаат дека Ван де Бик сепак вреди, затоа сакаат да го испратат на позајмица да игра, а потоа да го вратат во своите редови.

Официјално: Ван Де Бек стана црвен ѓавол!

Ристе Здравков — Wed, 02 Sep 2020 20:15:46 +0000

Дони Ван Де Бек (23) и официјално е нов член на Манчестер јунајтед. Холандскиот играч кој игра во средниот ред, потпиша петгодишен договор. Ајакс од Манчестер за Ван Де Бек ќе добие околу 40 милиони евра. Копјаниците од Амстердам во 2019 година беа полуфиналисти во Лигата на шампионите, за малку не влегоа во финалето, а сега од тогашните стартери, останаа само петмина фудбалери, додека шест ѕвезди си заминаа. Ван Де Бек има играно за Ајакс против неговиот но клуб и тоа во финалето на Лига Европа во 2017 година. Во минатата сезона имаше придонес од 10 гола и 11 асистенции на 37 меча. „Дони ги има сите технички атрибути за да игра во нашиот тим, а има и карактер за да успее во Јунајтед. Знае да види празен простор, ја чита играта и ќе ни помогне во средината на теренот. Одвај чекаме да почнеме да работиме со него“ – изјави менаџерот Оле Гунар Солскјер.