донирање – Kurir.mk

ВМРО-ДПМНЕ ОК Ѓорче Петров ја продолжуваат традицијата: И оваа година дониранаа храна во црквата Св. Петар и Павле

Магдалена Андонова — Sun, 26 Dec 2021 13:30:03 +0000

Како ВМРО - ДПМНЕ ОК Ѓорче Петров ја продолжуваме традицијата и оваа година. Дониравме храна во народната кујна во црквата Св. Петар и Павле во Ѓорче Петров, стои во Фејсбук статусот на Бојан Стојаноски, пратеникот во Собранието на Република Македонија од редовите на ВМРО-ДПМНЕ. Тој напиша дека се надева дека со ова ќе помогнат на оние на кои им е најпотребно во овие празнични денови. - Од мое лично име им се заблагодарувам на сите кои земаа активно учество во хуманитарната акција. Да бидеме химани, да помагаме и во наредниот период, додава Стојаноски во својата објава.

Бугарија ќе и донира на Македонија над 50.000 дози на Фајзер со рок на употреба до крајот на септември

Магдалена Андонова — Wed, 08 Sep 2021 10:42:10 +0000

Народното собрание на Бугарија со 146 гласови „за“ го ратификуваше договорот за донирање 51.480 дози на вакцина „Фајзер“ на Македонија. Дозите на вакцини што ќе се донираат се со серии броеви FA7083, FC8736 и FA4632 и со рок на траење до 30 септември 2021 година. Донацијата е вредна 1.560.635 лева. Министерот Кацаров им објасни на новинарите дека ова е прва донација на вакцини за Македонија. Според Кацаров, требало да се изврши во јуни, но поради процедурите кои се вон наша контрола, тоа не успеало и последователно, самата Република Македонија се откажала. – Сега сум многу благодарен на Народното собрание што ги прекина игрите, рече Кацаров. Останатите договори за донации на вакцини против Ковид-19 поради барање за предлози за измени и дополнувања на предлог-законите меѓу првото и второто читање, ќе бидат повторно разгледани за да бидат ратификувани. Рокот за поднесување предлози е три дена.

УМС на ВМРО-ДПМНЕ донираа аудио книги во Националниот сојуз на слепи лица на Македонија

Магдалена Андонова — Tue, 27 Apr 2021 10:40:43 +0000

Денеска, Унијата на млади сили на ВМРО-ДПМНЕ, донираа аудио книги во Нациоланиот сојуз на слепи лица на Република Македонија. - Во пресрет на најголемиот христијански празник, Велигден, денес членот на ИК , Столе Пандов и претседателката на Клубот на оратори, Александра Петровска, ги предадоа првите аудио книги во Националниот сојуз на слепи лица на Македонија. Проектот за снимање на аудио книги е соработка на Републичката Комисија за култура и Клубот на оратори при УМС на ВМРО-ДПМНЕ, се вели во Фејсбук статусот на Унијата на млади сили на ВМРО-ДПМНЕ. - Унијата на млади сили, како општествено одговорна младина, активно работи на подобрување на условите на лицата со било каква попреченост и се залага за инклузивно општество, пишува во објавата.

Салах донираше опрема за лекување на болни од Ковид-19 во родното египетско село

Магдалена Андонова — Tue, 12 Jan 2021 16:39:18 +0000

Напаѓачот на англискиот фудбалски првак Ливерпул, Мохамед Салах донираше кислород и друга медицинска опрема во своето родно село во египетската област Гарбија, помагајќи му на локалното население во лекување на заболени од Ковид-19, во време кога државата се соочува со вториот бран на коронавирус. -Во хуманитарната организација „Мохамед Салах“ имаме 14 боци со кислород. Тука се за да им помогнат на луѓето од селото Нагриг и околните места. Располагаме, исто така, и со амбуланта што ја изгради Салах и функционира од мај минатата година, изјави раководителот на здружението Хасан Бакр. Салах, кој и самиот беше заразен со коронавирус во ноември минатата година, одржува тесни врски со родното Нагриг, мало и сиромашно село на околу 130 километри северно од Каиро. Египетскиот репрезентативец секоја година донира 64.000 долари на хуманитарното здружение кое го носи неговото име. (МИА)

Христијански групи од САД донираат милиони во борба против ЛГБТ и против абортусот во Европа

Магдалена Андонова — Wed, 28 Oct 2020 07:09:50 +0000

Американските десничарски групи од 2007 година вложиле повеќе од 280 милиони долари во кампањи против правата на ЛГБТ лицата и против правото на абортус ширум светот, а речиси 90 милиони долари се слеале во Европа, се наведува во најновиот извештај на порталот „опенДемокраси“ (оpenDemocracy). – Ова откритие покажува како групите поврзани со Трамп изградија застрашувачко глобално царство, изјави главната уредничка на „опенДемокраси“ Мари Фицџералд Поголемиот број од 28 групи, воглавно христијански, имаат блиски врски со американскиот претседател Доналд Трамп. Една од главните групи е Американски центар за право и правда (АЦЛЈ),чиј главен советник е адвокатот на Трамп, Џеј Секулов. АЦЛЈ ја поддржа судската одлука во Полска за забрана на аборуст во случај на аномалија на фетусот. АЦЛЈ, според сопствените финансиски податоци потрошила 18 милиони долари глобално, од кои 80 проценти во Европа. (MИА)

Прв Донаторски кружок во организација на „Конект“

Super Admin — Thu, 07 Jun 2018 10:47:32 +0000

Конект верува во заедница на одговорни индивидуалци и бизниси. Затоа 10 години работиме на поддршка на паметното донирање и филантропијата. За Конект, донацијата е алатка преку која наместо санирање, заеднички наоѓаме решение на проблемите. Секоја донација, макар и симболична, доколку е здружена може да постигне голем ефект. Затоа го создадовме Донаторскиот кружок. Тој претставува заедница на индивидуалните филантропи, нивните семејства и пријатели кои сакаат своите донации да ги насочат во граѓански организации кои се доверливи и ги решаваат проблемите на своите корисници.

„Донаторскиот кружок како модел е познат во светот и го работат многу организации, кои исто како Конект, се посветени на поттикнување на филантропијата и донирањето во своите земји и тој има токму таква цел - да им даде простор на оние граѓани коишто донираат или кои се чувствуваат како потенцијални донатори да се здружат и да ја споделат таа вредност која ја носат со себе и да ја вложат во заедницата. Луѓето кои ќе бидат дел од Донаторскиот кружок гледаат на своите донации како влог, како инвестиција во заедницата во којашто живеат, инвестиција во подобро утре, а Кружокот им дава можност да ја испланираат донацијата“, смета извршната директорка на Конект, Никица Кусиникова.

За првиот Донаторски кружок грижливо ги одбравме организациите кои со години ни покажуваат дека со посветеност може да се заштитат, но и да се унапредуваат правата на повеќе категории на лица. Организациите кои ги одбравме се отчетни и транспарентни пред донаторите затоа што донирањето е највисок степен на доверба. Ова се нивните мисии: Отворете ги прозорците Глувче адаптирано како молив, тастатура со големи копчиња како тетратка се алатките што ќе им овозможат квалитетно образование и развој на децата со попреченост и на нивните врсници. Донирајте за повеќе деца да имаат еднаква можност учејќи со помош на асистивната технологија. ХОПС Дечињата од семејства со родители кои се корисници на дроги имаат исти желби и таленти како и нивните врсници. Некое од нив е добар фудбалер, а некое добро зборува англиски, но немаат еднакви можности затоа што се стигматизирани. Донирајте за поддршка на развојот на дечињата од ранливите групи во ХОПС. Вилсон Македонија Раната дијагноза на ретката болест Вилсон и редовната терапија значат спречување на фаталните последици и можност за нормален и квалитетен живот. Донирајте во Вилсон Македонија за да умеат да ја препознаат ова болест што повеќе лекари и студенти по медицина и да спасуваат животи. Организациите сами ќе ја раскажат својата приказна пред донаторите кои ќе имаат можност за интеракција со нив пред да се одлучат кому ќе му ги доделат средствата. Првиот Донаторски кружок ќе се одржи в четврток во кафе-барот Брик бар со почеток од 19 часот.