донован мичел – Kurir.mk

Џејмс и Мичел прогласени за играчи на неделата во НБА

Ивона Петрова — Tue, 10 Jan 2023 07:16:17 +0000

Кошаркарот на Лос Анџелес лејкерс, Леброн Џејмс и членот на Кливленд кавалирс, Донован Мичел се прогласени за најдобри играчи минатата седмица во Западната, односно Источната конференција на НБА-лигата. Џејмс неделата ја заврши со просек од 35 поени, 8,7 скока и 7,7 асистенции по натпревар. Мичел имаше просек од 37,7 поени, 7,3 асистенции и 5,3 скока по натпревар, а неделата ја започна со 71 поен постигнат на средбата со Чикаго булс.

Донован Мичел стана седмиот играч во историјата на НБА со 70 поени

Ивона Петрова — Tue, 03 Jan 2023 13:24:25 +0000

Кошаркарот на Кливленд кавалирс, Донован Мичел постигна 71 поен против Чикаго Булс (145:134,по продолжение) и стана седмиот играч во историјата на НБА кој постигнал над 70 поени на еден натпревар. Дваесет и шестгодишниот кошаркар го собори клупскиот рекорд за поени по натпревар, престигнувајќи ги Леброн Џејмс и Кајри Ирвинг кои имаат дадено по 57. Претходно, 70+ поени во НБА-лигата постигнаа Вилт Чембрлен, Коби Брајант, Дејвид Томпсон, Елгин Бејлор, Дејвид Робинсон и Девин Букер. Против Чикаго Булс, Мичел постигна 71 поен, 11 асистенции, осум скока и една блокада. Тој постигна 22 од 34 голови од поле, вклучувајќи 7 од 15 тројки и 20 од 25 слободни фрлања.

Кливленд официјално го претстави Донован Мичел

Ивона Петрова — Sun, 04 Sep 2022 10:09:51 +0000

НБА-лигашот Кливленд кавалирс го промовира своето засилување, Донован Мичел од Јута. Како резултат на договорот за трансфер на Мичел во Кливленд, Џез го добија Колин Секстон, Лаури Марканен, Очаи Агбајџи како и три избори во првиот круг на драфтовите во 2025, 2027 и 2029 година. Мичел, кој три пати беше избиран во Ол Стар тимот, е еден од најдобрите стрелци во НБА со просек од 23.9 поени по натпревар во изминатите пет сезони. Беше избран како 13-ти пик на драфтот во 2017 година. Оттогаш, тој играше за Јута. Кошаркарот минатата сезона играше на 67 натпревари во НБА лигата, со просек од 25,9 поени, 4,2 скока, 5,3 асистенции и 1,5 украдени топки.

НБА: Донован Мичел нов кошаркар на Кливленд

Ивона Петрова — Fri, 02 Sep 2022 11:34:26 +0000

Кошаркарот на Јута, Донован Мичел, е нов член на НБА лигашот Кливленд, јави ЕСПН, наведувајќи дека во размената која ја договориле двата клуба, Јута за Мичел ќе добие тројца кошаркари – Лаури Марканена, Очаи Агбаџи и Колин Секстон, како и три избори во првиот круг на драфтовите во 2025, 2027 и 2029 година. Мичел, кој три пати беше избиран во Ол Стар тимот, е еден од најдобрите стрелци во НБА со просек од 23.9 поени по натпревар во изминатите пет сезони. Минатата сезона неговиот просек беше 25.9 поени и 5.3 асистенции на 67 натпревари.

Донован Мичел има нов клуб

Бошко Тасиќ — Fri, 02 Sep 2022 05:35:09 +0000

НБА тимовите на Кливленд и Јута вечерва направија голема размена. Нов играч на Кливленд е феноменалниот бек Донован Мичел, а кон Солт Лејк Сити ќе тргнат дури три кошаркари и три пика од првата рунда на драфтот. Џез така за Мичел ги доби Колин Секстон, Лаури Марканен и Очаи Агбаи. Мичел комплетната досегашна кариера ја помина во Јута. Во НБА лигата пристигна во 2017 година и стана една од најголемите ѕвезди. Сепак во текот на минатата сезона беше забележително незадоволството.

Мичел ќе се пресели во Њујорк

Бошко Тасиќ — Wed, 10 Aug 2022 07:44:20 +0000

Лос Анѓелес Лејкерс постојано се обидува да се ослободи од Расел Вестбрук и неговата висока плата. Првите обиди да го испрати на друго место не беа успешни, па сега славната франшиза ќе се обиде да го направи тоа со помош на две други екипи. Се споменува негово заминување во Јута Џез. Тимот од Солт Лејк Сити би го испратил Донован Мичел во Њујорк, а неколку имиња (Богдан Богдановиќ, Џордан Кларксон, Патрик Беверли, Малик Бизли) би завршиле во тимот од Калифорнија. Управата на Лејкерси прави сè во својата моќ да го задоволи Леброн Џејмс, кој посакува конкурентен тим за нова шампионска титула. Очигледно е дека тој, Вестбрук и Ентони Дејвис не можат да бидат дел од победничка екипа.