допинг тест – Kurir.mk

Трамп бара допинг тест пред дебатата со Бајден

Ивона Петрова — Thu, 27 Aug 2020 08:23:55 +0000

Американскиот претседател Доналд Трамп изјави дека ќе побара допинг-тест пред дебатата со Џо Бајден, затоа што има сомнежи за здравјето на неговиот противник од редовите на демократите. Без да презентира докази за тоа тврдење, Трамп во интервју за „Вашингтон егземајнер“ рече дека бил заинтригиран од ненадејното подобрување на настапите на Бајден (77) во дебатите на предизборните митинзи на демократите. Како што јави Би-Би-Си, Трамп изрази изненадување од успехот на Бајден во последната дебата со Берни Сандерс во март. – Го набљудував на дебатите со сите тие луѓе. Не знам како можеше да биде некомпетентен, а против Берни беше во ред, рече Трамп.

Од понеделник нов протокол за влез во Грција на граничниот премин „Евзони“

Ивона Петрова — Thu, 13 Aug 2020 09:21:55 +0000

Министерството за внатрешни работи ги известува граѓаните дека до граничната служба на граничниот премин „Богородица“, од страна на грчката гранична служба од граничниот премин „Евзони“ се добиени дополнителни информации за новиот протокол за влез во Грција на граничниот премин „Евзони“. -Почнувајќи од понеделник 17.08.2020 до понеделник 31.08.2020 часот, на граничниот премин „Евзони“, само во периодот од 06.00 до 22.00 часот по македонско време, влез во Грција ќе може да остварат само државјани на Република Грција, државјани на трети земји кои имаат регулиран престој во Грција, EULEX-дипломатски персонал и членови од нивните семејства, лица кои патуваат од медицински и бизнис причини, а кои претходно биле најавени и добиле одобрување за патување од Aмбасадата на Република Грција во странство, како и возачи на товарни возила. Сите овие лица за да остварат влез во Грција на преминот „Евзони“ потребно е да приложат негативен PCR тест за Ковид-19 од сертифицирана лабораторија на англиски јазик, не постар од 72 часа, информираат од МВР. Исто така, останува обврската за претходна електронска најава и добивање на PLF документ (Passenger Locator Form).

СКАНДАЛ: Серхио Рамос позитивен Нa допинг тест

Дарко Андоновски — Fri, 23 Nov 2018 18:47:43 +0000

Капитенот на Реал Мадрид, Серхио Рамос е познатиот фудбалер кој дал позитивен допинг примерок во Лигата на Шампионите, информира „Шпигел“, повикувајќи се на откритија на „Фудбал ликс“. Се работи за финалето на турнирот во пролетта 2017 година, кога Шпанците го победија Јувентус со 4:1. Сепак, дефанзивецот не бил санкциониран на кој било начин и неговиот прекршок бил чуван во тајност. Според „Фудбал ликс“, Рамос не го положил тестот и во други прилики. Резултатите од мострата на Рамос по натпреварот на 3 јуни 2017 година покажале присуството на декстаметазон (Dexamethasone) – кортикостероид кој помага при воспаление. УЕФА генерално дозволува употреба, но само ако клубот претходно известил за неговата употреба. Излезе дека, сепак, докторите на Реал известиле дека Рамос зел уште еден лек Целестон хронодозе (Celestone Chronodose). Затоа лекарот на „белите“ презел целосна одговорност за пропустот, а од УЕФА прифатиле само едно извинување. Месеци претходно – во февруари 2017 година, допинг агенти пристигнуваат во базата на Реал Мадрид, што е нормална практика. Нивната појава сепак предизвикала тензија кај играчите. Реал Мадрид потоа инсистирал на тоа дека агентите за кои станува збор не биле доволно професионални во нивната работа, па на крајот лекарите на клубот ги зеле примероците. Ова е грубо кршење на регулативите, но во овој случај европскиот фудбалски штаб ги прифатил резултатите. Пред неколку недели, „Фудбал ликс“ објави многу нови скандалозни откритија за измами во светскиот фудбал. Уште тогаш тие спомена за популарен фудбалер, кој играл во многу финалиња на ЛШ. Истражните новинари сепак ќе ги објават своите откритија во фази.

ФИФА: Нема допингувани фудбалери на Мундијалот во Русија

Ивона Петрова — Fri, 29 Jun 2018 12:56:49 +0000

Антидопинг системот на Светската фудбалска федерација (ФИФА) работи исправно и прекршувања на правилата од почетокот на Светското првенство во Русија не се регистрирани. Ова го објави на прес-конференција на „Лужники“ Колин Смит, директор на одделот за спроведување на турнири при ФИФА. - Направени се повеќе од 2.700 тестови, откако секој од фудбалерите бил проверен барем еднаш. Тестови се прават на секој натпревар, се земаат примероци од минимум четири играчи, по што се испраќаат во лабораторија во Швајцарија. Нарушувања од почетокот на Мундијалот нема. Програмата работи успешно и ние сме задоволни, рече Смит. Во текот на светскиот шампионат, ФИФА најави завршување на истрагата на играчите на рускиот национален тим, наведувајќи на недостаток на прекршувања на антидопинг правилата во рускиот тим. Наодите на ФИФА се признаени од страна на Светската антидопинг агенција (ВАДА).