дориан бабунски – Kurir.mk

Дориан Бабунски беше избран за играч на месецот во Унгарија

Бошко Тасиќ — Sat, 11 Mar 2023 18:50:29 +0000

Доријан Бабунски игра во извонредна форма во Унгарија, па така денеска со својот јубилеен 10-ти гол во првенството донесе нова победа за Дебрецин. Македонскиот репрезентативец е лидер на Дебрецин во последно време и се претвори во главен голгетер, што го покажа и на средбата против Кисварда. Дербито беше решено од страна на Македонецот во второто полувреме, кога мирно дочека едно додавање и со левата нога успеа да го матира противничкиот голман. Ова е десетти гол за него од стартот на сезоната, а дека игра во врвна форма потврдија и водечките луѓе во унгарскиот фудбал, кои го изгласаа Македонецот за најдобар игра за месец февруари.

Браќата Бабунски ќе играат заедно за Македонија

Ристе Здравков — Wed, 09 Mar 2022 15:47:01 +0000

Двоецот на унгарскиот прволигаш Дебрецин, Давид и Дориан Бабунски добија повик од селекторот Благоја Милевски за престојниот бараж против Италија за место на Светското првенство во Катар. Пред некое време браќања порачаа дека сонуваат заедно да играа за Македонија и дека би било неверојатно заедно да настапат на големот натпреварување за нашаат земја, па сега ќе имаат можност тоа и да го остварат. Давид и Дориан се првотимци и играат постојано во дресот на Дебрецин, па таа своја добра форма можат да ја пренесат во националниот тим. Баражот со Италија е закажан за 24 март на „Ренцо Барбера“ во Палермо, а ако ја минеме оваа пречка тогаш во финалето на оваа фаза ќе се соочиме со подобриот од Португалија-Турција.

Дориан Бабунски двоен стрелец за победа на Дебрецин

Бошко Тасиќ — Sun, 20 Feb 2022 17:33:42 +0000

Македонскиот фудбалски интернационалец Дориан Бабунски блескаше на денешниот натпревар меѓу Пушкаш Академија и Дебрецин, на кој гостите победија (0:2) благодарение на неговите два гола. Засилувањето за Дебрецин во зимскиот преоден рок ги постигна првите голови во дресот на унгарскиот тим, обезбедувајќи важни бодови за екипата која се одлепи од опасната зона. Дориан и Давид Бабунски повторно беа стартери за Дебрецин, а помладиот брат постигна фантастичен гол во 17. минута. Истиот фудбалер реализираше и во 70. минута, со што го реши победникот на овој меч.

Ботев Враца не може да го задржи Дориан Бабунски со 2.000 евра плата, Рапид Виена нуди десетпати повеќе

Ристе Здравков — Sun, 16 Jan 2022 09:45:24 +0000

Македонскиот репрезентативец Дориан Бабунски е пред заминување од бугарскиот прволигаш Ботев Враца. По одличната полусезона во шампионатот на Бугарија, за него пристигна одлична понуда од Рапид Виена. Личните услови за напаѓачот се далеку позадоволителни од платата што досега ја заработуваше во Ботев Враца. Според бугарските медиуми, Рапид Виена му нуди плата од 20.000 евра, а досега Дориан Бабунски го носеше дресот на Ботев Враца за 2.000 евра месечен приход. Отштетната клаузула во неговиот договор изнесува 100.000 евра и најверојатно тоа нема да биде проблем за австрискиот клуб. Кога Рапид Виена ќе го плати обештетувањето, веќе и нема да постојат пречки за тој да се пресели во Австрија.

Дориан Бабунски е најдобар напаѓач во полусезоната во Бугарија

Ристе Здравков — Fri, 24 Dec 2021 10:53:52 +0000

Дориан Бабунски има одлична година. Одлично се снајде во Бугарија, добрите настапи му донесоа многу лични признанија, играше и за националниот тим, а најново е што тој е прогласен за најдобар напаѓач на полусезоната. Центарфорот кој има 25 години постигна десет гола во натпреварите и е на второто место на листата на стрелци. Но, според неговата ефикасност, тој е најдобар, вкупно 25 шута од 38 му завршиле во голот, а изнудил и три пенали. На листата тој се наоѓа пред Касеидо, кој постигна дванаесет гола, додека третото место му припаѓа на Десподов. Бабунски е мета на повеќе клубови и нема да е изненадување ако оваа зима ја промени средината.