дориан – Kurir.mk

Расте бројот на жртви во ураганот Доријан: Се е поплавено, се трага по преживеани (ВИДЕО)

Предраг Кукиќ — Thu, 05 Sep 2019 08:20:27 +0000

Најмалку 20 лица загинаа во ураганот Дориан на Бахамите, соопшти денеска министерот за здравство на островот, Дуане Сандс. Потрагата по преживеани во поплавените домови штотуку започна и тој стравува дека бројот на загинатите ќе биде поголем. Карипскиот архипелаг од 700 острови беше погоден од екстремно силни ветрови и бранови повисоки од куќите. Дориан стигна до југоисточниот брег на САД и се наоѓа на 170 километри јужно од Чарлстон, Јужна Каролина. Американските метеоролози соопштија дека ураганот е од категорија три на скала од пет, со налети од ветер од 185 километри на час.

Ураганот Дориан прерасна во петта категорија и може да предизвика катастрофални последици

Дарко Андоновски — Sun, 01 Sep 2019 13:34:00 +0000

Ураганот Дориан прерасна во петта категорија, што значи дека може да предизвика катастрофални последици. Националниот центар за урагани во Мајами денеска соопшти дека ветерот денеска достигнал максимална брзина од 260 километри на час. Ураганот се очекува денеска да ги погоди Островите Абакос, а подоцна да се прошири преку Големиот Бахамски Остров. Премиерот на Бахами, Хуиберт Минис изјави дека 73.000 луѓе се загрозени од бурата и ги предупреди жителите на помалите острови да се евакуираат. Дориан во моментот е оддалечен околу 450 километри источно од Вест Палм Бич на Флорида. Ураганот Дориан синоќа ја промени патеката и наместо да удри на брегот на Флорида, како што се очекуваше, неговиот конус продолжи на север кон брегот на сојузните држави Џорџија, Јужна и Северна Каролина. Во сите овие држави, заедно со Флорида, прогласена е вонредна состојба. Дориан се очекува да ги погоди Јужна и Северна Каролина со силина од втора или трета категорија најрано в понеделник навечер.

Видео од ураганот „Дориан“: Ветрот се движи 240 километри на час

Дарко Андоновски — Sun, 01 Sep 2019 12:06:58 +0000

Ураганот Дориан се приближува кон северниот дел на Бахамите како бура од 4. категорија со удари на ветер од 240 километри на час. Премиерот на Бахамите, Хуберт Минис рекол на прес-конференцијата дека 73.000 луѓе се загрозени од бурата и ги предупредил жителите на помалите острови да се евакуираат, јавува Ројтерс. Хотелите се затворени, а многу жители засолниште побарале во црквите, училиштата и другите објекти во исчекување на ударот на ураганот во текот на денот. Дориан во моментов е оддалечен околу 450 километри од Вест Палм Бич на Флорида, јавува АП. Милион жители од Флорида до Каролина се во страв од ураганот, додека метеоролозите преедупредуваат дека Дориан може да преедизвика опасни поплави дури иако не удри директно на копно, наведува агенцијата. Градоначалникот на Мајами, Франсис Суарес, прогласи вонредна состоја во саботата попладнето поради евентуални закани од ураганот Дориан.