Доријан Бабунски – Kurir.mk

Бабунски: Се надевам дека ќе ѝ парираме на Италија

Бошко Тасиќ — Mon, 04 Sep 2023 17:59:50 +0000

По собирот во хотелот „Хилтон“ македонската фудбалска репрезентација попладнево го одработен и првиот тренинг. Своите очекувања пред мечот со Италија ги сподели напаѓачот Доријан Бабунски. „Очекувам да се претставиме во добро светло. Имаме искуство како тим, но Италија е светска сила и мораме да бидеме максимално подготвени. Повеќето од нас веќе играа со „аѕурите“ и мислам дека тоа може да во наша корист. Се надевам дека ќе собереме нова енергија и нема да ги повторуваме нашите грешки од последните натпревари. Да се фокусираме на подобрување на сите аспекти од нашата игра и ќе дадеме сѐ од себе за да извлечеме поволен резултат. Историјата е историја, не треба да гледаме назад. Треба да видиме како може да ѝ парираме на Италија. Секој играч носи позитивна енергија, сплотени сме, си помагаме еден на друг и мислам дека со позитивен менталитет, можеме да оствариме добри резултати“, рече новиот фудбалер на швајцарски Грасхоперс.

Доријан Бабунски е нов фудбалер на Грасхоперс

Бошко Тасиќ — Mon, 28 Aug 2023 17:38:08 +0000

Доријан Бабунски официјално потпиша договор на две години со опција истиот да биде продолжена на уште една година. Грасхоперс не ја започна најдобро новата сезона во најсилната швајцарска фудбалска лига, по пет кола е на деветтата позиција со четири бодови, седум помалку од водечкиот Цирих. – Со Доријан очекуваме уште едно подобрување на нашите офанзивни способности. Неговите квалитети го прават идеално засилување за тимот – вели спортскиот директор на Грасхоперс, Берн Хаас.

Бабунски: Мораме да бидеме поефикасни од првиот натпревар против Грузија

Бошко Тасиќ — Mon, 19 Sep 2022 17:19:44 +0000

Македонскиот фудбалски репрезентативец Доријан Бабунски зборуваше за медиумите пред двата важни натпревари во Лигата на Нации. Македонија има шанси за првото место во групата, меѓутоа Грузија е во многу подобра позиција од нас поради победата во Скопје. „Во првите натпревари според мене покажавме едно високо ниво и ако продолжиме со ист начин очекувам подобри резултати. Мораме да бидеме поефикасни, посебно тој натпревар против Грузија, пропуштивме неколку шанси, одигравме одлично и во поглем дел од натпреварот бевме подобри на теренот. Недостасуваат неколку играчи, но тие што се тука имаат добар старт од сезоната и верувам дека ќе го задржиме нивото што го прикажвме на претходните натпревари“, изјави Бабунски. изјави Бабунски.

Бабунски избран во тимот на колото во Унгарија

Бошко Тасиќ — Tue, 22 Feb 2022 08:31:19 +0000

Македонскиот фудбалски репрезентативец Дориан Бабунски е избран во најдобрата единаесетка на колото во првата лига на Унгарија. Репрезентативецот беше клучен играч на Дебрецин во победата над Пушкаш Академија од 2-0, голови кои беа негово дело. За Македонецот беа први погодоци во новиот клуб во кој пристигна по одличната сезона во Ботев Враца (Бугарија) со што најави дека ќе го задржи голгетерскиот ритам и во Дебрецин. За оваа партија тој доби сосема очекувано признание и се најде во тимот на 21. коло. -Играч на натпреварот беше македонскиот напаѓач. Во првото полувреме по два трика ја испрати топката во голот од 12 метри, а во второто беше успешен во два чекори, -се вели во објаснувањето.

Бабунски постигна нови два гола во дресот на Ботев Враца (ВИДЕО)

Бошко Тасиќ — Fri, 10 Dec 2021 20:48:02 +0000

Бугарскиот фудбалски тим Ботев Враца славеше со 2-4 на гостувањето кај Локомотив Пловдив во 19 коло од најсилниот бугарски фудбалски шампионат, а нашиот 25 годишен Доријан Бабунски погоди на два пати за победничкиот табор. Македонскиот напаѓач најпрво погоди од белата точка во 10 минута за почетно водство од 0-1 за гостите, а по само три минути игра во второто полувреме погоди за 1-3 за Ботев Враца, а ги одигра сите 90 минути за својот табор. Бабунски се наоѓа во одлична форма откако на 18 настапи за Ботев Враца успеа да постигне десет погодоци, но и три асистенции сезонава. https://www.youtube.com/watch?v=wNcnj8hdOmY&feature=emb_title

Бабунски и Тотре повикани во А репрезентацијата

Ивона Петрова — Mon, 08 Nov 2021 08:25:42 +0000

Македонските репрезентативци, Ердал Ракип (Малме) и Адис Јаховиќ (Гестепе) поради повреда нема да се стават на располагање на тимот за подготовките и натпреварите на македонската А репрезентација против Ерменија (11. ноември) и Исланд (14. ноември) од квалификациите за Светското првенство 2023, соопшти ФФМ. Фудбалерот на шведски Малме има болка во коленото и денешниот извештај од магнетната резонанца ќе потврди колку време Ракип ќе отсуствува од терените. Адис Јаховиќ поради повреда излезе во 16. минута во вчерашниот настап за својот тим Гезтепе против Конјаспор од турското првенство. Селекторот на нашата најдобра репрезентација, Благоја Милевски дополнително ги повика Енур Тотре од Тирана и напаѓачот на Ботев Враца, Доријан Бабунски. Двајцата фудбалери ќе бидат на првиот тренинг на репрезентацијата. Денеска во 12:00 часот во хотел „Хилтон“, националниот тим го има првиот собир спроти последните два меча од мундијалските квалификации. Првиот тренинг е денеска од 17:00 часот на тренинг центарот „Петар Милошевски“.

Доријан Бабунски доби повик во сениорската фудбалска репрезентација

Бошко Тасиќ — Sun, 07 Nov 2021 22:23:04 +0000

Македонскиот фудбалер Доријан Бабунски, кој настапува за бугарскиот Ботев Враца доби вечерва деби повик за А-репрезентацијата на Македонија од селекторот Благоја Милевски, соопшти бугарскиот прволигаш. Бабунски игра сезонава во одлична форма, а добрата форма сега е наградена со деби повик за него за А-тимот од страна на селекторот Благоја Милевски. „Добра вест во тажната разврска од денешниот меч е повикот на Доријан Бабунски за репрезентацијата на Македонија за мундијалските квалификации со Ерменија и Исланд. Ова е огромно признание за Доријан за целиот негов труд во оваа цела година за Ботев Враца“, објави бугарскиот прволигаш. Младиот центарфор има девет настапи за селекцијата до 21 година, а седумпати играше за селекцијата до 17 години и уште трипати за селекцијата до 19 години.