дортмунд – Kurir.mk

Во пожар во болница во западна Германија повредени 28 луѓе

Ивана Ефремовски — Fri, 04 Aug 2023 10:37:09 +0000

Во синоќешниот пожар во болница во германскиот град Хемер, 30 километри југоисточно од Дортмунд, повредени се 28 лица, од кои пет се во тешка здравствена состојба. Пожарот избил во болничка соба. Помеѓу повредените се и пациенти и болнички персонал. Дел од зградата каде изби пожарот не е повеќе за користење. Сè уште не е позната причината за пожарот. (МИА)

Штутгарт убедлив на гостувањето во Дортмунд, Чурлинов влезе во финишот

Тале Кристо — Sat, 12 Dec 2020 18:45:48 +0000

Штутгарт ја забележа втората последователна победа на гостински терен, откако вечерва славеше против Борусија Дортмунд со убедливи 5:1 во 11. коло во Бундеслигата. Македонскиот репрезентативец Дарко Чурлинов влезе во игра во 88. минута, запишувајќи го својот петти настап сезонава во дресот на Штутгарт. Резултати – 11 коло: Борусија Менхенгладбах – Херта 1:1 Борусија Дортмунд – Штутгарт 1:5 Фрајбург – Арминија Билефилд 2:0 Мајнц – Келн 0:1 Лајпциг – Вердер Бремен 2:0.

Капитенот на Дортмунд може да го пропушти мечот со Баерн и остатокот од сезоната

Тале Кристо — Wed, 20 May 2020 07:07:43 +0000

Капитенот на Борусија Дортмунд, Марко Ројс, нема да може да учествува на натпреварот од 27. коло на германското првенство против Волфзбург закажан за 23 мај, поради повреда на бутен мускул, објави „Билд“. Според германскиот весник, 30-годишниот Ројс, исто така нема да игра со Баерн на 26 мај. а голема е веројатноста фудбалерот да го пропушти остатокот од сезоната, која беше продолжена на 16 мај. Во досегашниот дел од сезоната 2019/20, Ројс одигра 26 натпревари за Борусија, постигна 12 голови и направи шест асистенции.

Дортмунд го загуби Загаду до крајот на сезоната

Тале Кристо — Sun, 17 May 2020 07:12:21 +0000

Тренерот на Борусија Дортмунд, Лусијан Фавр информираше за повредата на дефанзивецот Дан-Аксел Загаду, која ја доби по натпреварот од 26-то коло од Бундеслигата против Шалке 04 (4:0). Дваесет-годишниот Французин има повреда на левото колено. – Загаду нема да игра до крајот на сезоната, изјави Фавр за „Спортбазер“. Оваа сезона дефанзивецот забележа 13 натпревари во германскиот шампионат, со 1 гол и 1 асистенција.

Евакуација на 13.000 лица од Дортмунд поради бомби од Втората светска војна

Дарко Андоновски — Sun, 12 Jan 2020 08:44:37 +0000

Околу 13.000 лица денеска ќе бидат евакуирани од своите домови во Дортмунд, откако беа пронајдени неексплодирани бомби од Втората светска војна во овој германски град, соопштија локалните власти. Властите сметаат дека бомбите врз Дортмунд ги фрлиле сојузничките сили во текот на Втората светска војна, пренесе „Дејли мејл“. На граѓаните кои живеат на 500 метри од секоја од локациите за кои се сомненаат дека има бомба им е кажано да ги напуштат домовите уште рано утринава, бидејќи работите на ископувањата ќе почнеле во текот на денот.

Започна градбата на новата православна црква во Дортмунд- црковниот одбор ги повикува сите верници да се вклучат во помошта за побрза изградба

Дарко Андоновски — Tue, 25 Dec 2018 12:24:05 +0000

По сите подготовки и припреми се започна со градба со новата црква СВ. Кирил и Методиј во германскиот град Дортмунд. Парохискиот свештеник во Дортмунд протојереј Душко Пецов со најмладите дечиња, некои од нив облечени и во народни носии симболично го започнаа градењето на црквата. Црковниот одбор ги повикува сите верници од целиот свет да се вклучат во помошта за побрзо да се изгради храмот. Протојереј Душко Пецов ги поздравува сите верници и упатува апел до сите: „Почитувани верници конечно сонот станува јаве, да се сплотиме сите и заеднички во слога и љубов да го изградиме овој храм кој ќе сведочи за постоењето на еден верен, свет македонски православен народ. Црква од сите за сите“.