дожд – Kurir.mk

УХМР: Во следните 24 часа пообилни врнежи од дожд

Катерина Бојаџиева — Fri, 03 Nov 2023 21:59:56 +0000

Синоптичарите најавуваат дека во следните 24 часа не очекуваат пообилни врнежи од дожд и тоа прво на западот, а потоа и на целата територија на државата. На одредени места се очекува врнежите да бидат и над 40 милиметри, известуваат од УХМР. Оттаму предупредуваат дека, доколку овие врнежи се со голем интензитет и за кратко време паднат на одредени помали сливни површини, во текот на ноќта и утрото можно е да дојде до поројни истекувања на помалите водотеци и суводолици и до несакани излевања на нивните води кои би можеле да предизвикаат локални проблеми како покрај водотекот така и на патната инфраструктура која е во негова близина. На одредени места можна е и појава на свлечишта и одрони. Во одредени градски населби поради истечни и канализациски води можна е појава на локални комунални проблеми. - Соодветно резултатите што ги добиваме од моделите врнежи ќе има на целата територија на државата. Поголема внимателност генерално е потребна на западот, југозападот, северот, североистокот и истокот на Македонија, како и во одредени централни делови од државата соодветно прикажани на слика 1, посочуваат од УХМР. Други модели, велат од УХМР, покажуваат големи врнежи на западот и на истокот на државата и врнежи со поголем интензитет во одредени делови на истокот на Македонија, соодветно прикажани на слика 2. Синоптичарите истакнуваат дека генерално водотеците низ државата се со ниски и потпросечни протекувања за овој дел од годината, но секако треба да се внимава кај помалите водотеци во прикажаните делови од државата. - Поради погоре прикажаното препорачуваме внимателно движење покрај реките и суводолиците поради можна појава на опасни води и свлечишта, препорачуваат од УХМР.

ДОАЃА ГОЛЕМО НЕВРЕМЕ – подгответе се уште од попладнево, разочарувањето ќе трае цел викенд, никако не планирајте да го поминете времето во природа!

Дарко Андоновски — Fri, 03 Nov 2023 11:05:21 +0000

Под влијание на циклонска активност попладне ќе има врнежи од дожд, најпрвин во западните делови. Во ноќните часови врнежите ќе се прошират насекаде и наместа ќе бидат пообилни, проследени со грмежи, локално во форма на невреме. Ќе дува засилен, наместа повремено силен ветер од јужен правец (над 70 км/час), соопшти УХМР. Утре ќе се задржи облачно и посвежо време со врнежи од дожд, на места обилни (над 40 l/m2). Врнежите повремено ќе бидат поројни и проследени со грмежи, локално во форма на невреме со силен ветер. Во недела ќе дува засилен јужен ветер, а локални врнежи се очекуваат попладне во западните делови. Во Скопје пообилни врнежи ќе има во текот на ноќта и утре во претпладневните часови. Ќе дува засилен повремено силен ветер од јужен правец.

Променливо облачно со повремени врнежи од дожд

Тале Кристо — Wed, 25 Oct 2023 05:44:27 +0000

Времето денеска ќе биде променливо облачно со повремени врнежи од дожд и со умерен, наместа засилен ветер од југозападен правец. Попладне во западните делови врнежите наместа ќе бидат пообилни. Минималната температура ќе биде во интервал од 5 до 16, а максималната ќе достигне од 20 до 27 степени Целзиусови. Во Скопје ќе биде променливо облачно со повремени врнежи од дожд. Ќе дува слаб ветер од променлив правец. Минималната температура ќе се спушти до 12, а максималната ќе достигне до 23 степени. Според најавите од УХМР, до петок времето ќе биде променливо облачно со повремени врнежи од дожд, а утре ќе има и услови за појава на ретки грмежи. Ќе дува умерен, наместа засилен ветер од југозападен правец. Потоа времето ќе биде стабилно и релативно топло.

Сончево и топло време, температура до 28 степени

Ивана Ефремовски — Tue, 24 Oct 2023 05:36:12 +0000

Времето денеска ќе биде сончево и топло со мала до умерена облачност. Ќе дува слаб ветер од јужен правец. Минималната температура ќе биде во интервал од 6 до 14, а максималната ќе достигне од 21 до 28 степени. Во Скопје сончево и топло со мала до умерена облачност и со слаб јужен ветер. Минималната температура ќе се спушти до 12, а максималната ќе достигне до 24 степени. УХМР информира дека ќе продолжи периодот на релативно топло време. В среда од пладневните часови облачноста ќе се зголеми и од запад ќе се прошират повремени врнежи од дожд кои ќе завршуваат во текот на ноќта. Понекаде, особено во западните делови врнежите ќе имаат умерен интензитет и ќе има услови за појава на ретки грмежи. В четврток и особено в петок се очекуваат врнежи од дожд, претежно во западните делови од земјата. (МИА)

Најстудено на Попова Шапка, најмногу дожд во Ѓуриште

Катерина Бојаџиева — Wed, 18 Oct 2023 06:47:27 +0000

На мерна станица Ѓуриште е измерено најголемо количество воден талог во изминатите 24 часа - 19 литри на квадратен метар, соопшти Управата за хидрометеоролошки работи. До 8 часот утрово, по поминати 24 часа, 18 литри на квадрат воден талог се измерени во Охрид и Берово, 17 во Штип и Крушево, 16 во Маврови Анови и Тополчани, 15 во Претор, 14 во Прилеп, Попова Шапка, Виница, Куманово и Дебар, 13 литри во Демир Капија, 12 во Крива Паланка, Пожар, Струмица, Тетово и Битола, 11 во Скопје – Петровец, 10 во Гевгелија, 9 во Скопје – Зајчев Рид, Дојран и Велес и 3 литри наврнати во Кавадарци. Како што информира УХМР, утрово е најстудено на Попова Шапка, 1 степен, 4 се измерени во Маврови Анови и Лазарополе, 5 во Крушево, 6 степени во Берово, 7 во Крива Паланка, 8 во Тетово, Скопје-Петровец, Виница, Охрид, Претор, Битола и Прилеп, 9 во Куманово, Скопје - Зајчев Рид, Велес и Штип, 10 во Струмица, Кавадарци, Демир Капија и Дојран и 11 степени во Гевгелија. -Утрово е облачно и претежно тивко со утринска магла во Дебар. Времето денеска ќе биде променливо облачно и потопло со сончеви периоди. Ќе дува слаб ветер од јужен правец. Максималната температура ќе биде во интервал од 13 до 19 степени. Во Скопје, променливо облачно, попладне со повеќе сончеви периоди. Максималната температура ќе достигне 17 степени, информира УХМР.

Пад на температурите за повеќе од 10 степени: Облачно со локален дожд

Ивона Петрова — Mon, 16 Oct 2023 05:09:16 +0000

Претпладне облачно со локални врнежи од дожд, попладне променливо облачно и свежо. Ќе дува умерен до засилен ветер од северен правец, најизразен долж Повардарието. Утринските температури ќе се движат од 6 до 16 степени, а дневните ќе бидат во интервал од 11 до 22 степени. Во Скопје во утринските часови со врнежи од дожд, преку денот променливо облачно и ветровито. Ќе дува засилен ветер од северен правец. Максимална дневна температура од 17 степени. Времето денес и утре ќе биде претежно облачно и посвежо со повремени врнежи од дожд. Дневната температура ќе опадне за повеќе од десет степени.

УХМР најавува промена на времето во четврток и петок

Ивона Петрова — Mon, 02 Oct 2023 16:44:16 +0000

УХМР информира дека продолжува периодот на стабилно и релативно топло време со свежи утра, но во четврток и петок, во попладневните часови, како што најавува, ќе има локално зголемување на облачноста и услови за краткотраен локален дожд. Утре, според УХМР, утрото ќе биде свежо, а преку ден ќе се задржи сончево со мала локална облачност. Ќе дува слаб ветер од променлив правец. Минималната температура ќе биде во интервал од 4 до 16, а максималната ќе достигне од 22 до 28 степени. Во Скопје ќе биде сончево со слаб ветер од променлив правец. Минималната температура ќе се спушти до 9, а максималната ќе достигне до 27 степени.

УХМР: Утре во западните делови локален дожд

Ивона Петрова — Thu, 28 Sep 2023 10:48:20 +0000

Утре во западните делови ќе има локален дожд и ретки грмежи. Потоа следува период на стабилно време со умерена облачност, информираат од Управата за хидрометеоролошки работи. Минималната температура ќе се движи од 6 до 16, а максималната ќе биде од 18 до 30 степени. Во недела и понеделник ќе дува умерен до засилен ветер од северен правец. Температурата ќе биде во рамките на просекот за овој период од годината.

Најмногу дожд на Попова Шапка и Тетово

Катерина Бојаџиева — Mon, 25 Sep 2023 07:06:40 +0000

Најмногу дожд во изминатото деноноќие наврна на Попова Шапка 45 литри на метар квадратен, во Тетово 38, Дебар 33, Охрид 10, во Крушево осум, а во Скопје еден литар, соопшти УХМР. Во текот на ноќта времето беше претежно облачно, а во западните делови почнувајќи од полноќ беше нестабилно со поројни врнежи од дожд и грмежи. Процесите на повеќе места беа поинтензивни со пообилен дожд, засилен ветер и можна појава на град. Утрово е умерено до значително облачно, а во крајните западни делови се уште нестабилно со пороен дожд и грмежи. Денеска ќе биде променливо облачно и посвежо, на повеќе места нестабилно со врнежи од дожд и појава на грмежи. Врнежите наместа ќе бидат поројни, локално во форма на невреме со засилен ветер и услови за појава на град, особено во западните, централните и северните делови. Во текот на денот ќе дува слаб до умерен ветер од североисточен и северен правец. Максималната температура ќе биде во интервал од 22 до 28 степени. Во Скопје, променливо облачно и нестабилно со пороен дожд и грмежи. Во делови од котлината ќе има услови за појава на невреме. Максималната температура ќе достигне 25 степени.

Фановите на Њукасл лудуваа на дождот во Милано (ВИДЕО)

Ристе Здравков — Tue, 19 Sep 2023 08:48:48 +0000

По 20 години Њукасл се враќа во Лигата на шампионите, првиот натпревар го игра денеска со почеток од 18:45 часот на гостински терен кај Милан. Фановите на Њукасл кои отпатуваа во Италија ги окупираа пабовите во Милано. Дел од нив, веројатно со неколку пива повеќе во себе, уживаа во дождот лизгајќи се по подот, додека тие го правеа тоа, останатите ги бодреа.

These Newcastle fans enjoying the rain in Milan this evening😂 #NUFC pic.twitter.com/7RlS6CsCpC
— Football Away Days (@AwayDays_) September 18, 2023