дождови – Kurir.mk

Десет лица загинаа во Шри Ланка во обилните дождови и свлечишта

Ивона Петрова — Tue, 09 Nov 2021 07:28:31 +0000

Најмалку 10 лица загинаа,а 15.000 други се раселени од обилните дождови и лизгањето на земјиштето што зафатија неколку делови на Шри Ланка, соопштија денеска официјални лица во земјата, пренесе ДПА. Екстремните временски услови во изминатите три дена предизвикаа големи штети и врз куќите и врз земјоделските култури. Четири лица загинаа синоќа во лизгање на земјиштето во две одделни области, пренесе ДПА. Во Рамбукана, 95 километри источно од главниот град Коломбо, загинаа три лица од едно четиричлено семејство, кои беа затрупани од свлечиште. Едно од нив е спасено, додека телата на трите загинати лица се извлечени од под калта, соопшти полицијата. Во свлечиште вчера загина и една 23-годишна од централната област Нармала, а останатите шест лица загинаа во неделата. Илјадници хектари земјоделско земјиште, вклучително и земјиште под оризови култури, се наоѓаат под вода. Повеќе од 50 куќи се оштетени, а неколку патишта во различни делови од земјата не можат да се користат, пренесува ДПА.

Обилни дождови во централна Кина, 12 загинати

Ивона Петрова — Wed, 21 Jul 2021 06:01:08 +0000

Дванаесет лица загинаа во обилните дождови во главниот град на централната кинеска провинција Хенан, а околу 100.000 жители на покраината мораа да бидат евакуирани во безбедни области, објави кинеската државна новинска агенција Ксинхуа. Метеоролошките служби на провинцијата Хенан и градот Женгжу ја подигнаа подготвеноста на службите за катастрофи на ниво 1, а прогнозите предвидуваат дека денеска до доцна навечер во покраината ќе паѓаат обилни дождови. Во невообичаено активната дождовна сезона, провинцијата Хенан беше погодена од невреме кое трае од викендот, како резултат на што реките се излеаја од своите корита и ги преплавија улиците во десетици градови. Во Женгжу, главниот град на Хенан, на бреговите на Жолта река, во вторникот паднаа повеќе од 200 мм дожд за еден час, принудувајќи го градот да го прекине целиот сообраќај во метрото. Метеоролошките служби во Женгжу соопштија дека се работи за најобилни врнежи од дожд за еден ден од почетокот на мерењата пред 60 години. Кинеската војска во вторникот предупреди на непосредна опасност од пукање на браната Јихетан во Луоанг, град со околу седум милиони жители во провинцијата Хенан.

ВИДЕО: Најмалку 24 загинати во силните монсунски дождови во Пакистан

Магдалена Андонова — Thu, 20 Aug 2020 19:31:21 +0000

Силни монсунски дождови ја погодија најнаселената пакистанска провинција Пенџаб синоќа и денес, а во катастрофите загинаа 24 лица, а 18 се повредени. Повеќето од смртните случаи биле предизвикани од пропаѓање на покриви и sидови, изјави портпаролот на службата за итни случаи, Мухамед Асгар. Многу домови во руралниот Пакистан се направени од кал и слама или лесни дрвја, рече тој. Три лица загинале кога свлечиште оштети рудник за јаглен. Во главниот град на провинцијата Пенџаб, Лахоре со 13 милиони жители, улиците се поплавени и домовите во најсиромашните делови на градот. Монсунските дождови прават голема штета низ Пакистан, каде канализационите и дренажните системи се застарени. Смртоносни поплави се случуваат редовно за време на сезоната на монсуни во Пакистан и соседна Индија.

Обилни дождови во Јапонија, евакуација на 1,3 милиони жители

Ивона Петрова — Tue, 07 Jul 2020 06:14:15 +0000

На повеќе од 1,3 милиони жители на јужниот јапонски остров Кјушу денеска им било кажано да ги напуштат своите домови поради обилниот дожд што ја зафати областа. Во меѓувреме, бројот на загинати во свлечишта предизвикани од дождот се зголеми на 50, соопштија локалните власти. Јапонската метеоролошка агенција вчера издаде предупредување за вонредни состојби предизвикани од дожд за префектурите Сага, Нагасаки и Фукуока на Кјушу, повикувајќи ги жителите да бидат во состојба на „максимална тревога“. Агенцијата денеска ја укина вонредната состојба малку пред пладне, но предупреди на поплави, лизгање на земјиште и надојдени реки низ цела Јапонија.

На Кина и се закануваат нови дождови и поплави

Дарко Андоновски — Mon, 29 Jun 2020 10:31:44 +0000

Кинескиот источен брег во текот на неделата го очекуваат обилни дождови, откако во петокот во југозападниот дел на Кина поплавени се голем број села и туистички локации. Кинеското Министерство за управување со кризи соопшти дека поради поплавите речиси 14 милиони луѓе во 26 различни процинции се загрозени од бурите и поплавите, а евакуирани се 744.000 луѓе. Во поплавите загинаа или исчезнаа 78 луѓе, а директната економска штета изнесува 27,8 милијарди јуани (3,93 милијарди долари).

Вонредни најави од УХМР: Подгответе се за поројни дождови, грмежи и силен ветер

Тале Кристо — Tue, 19 Nov 2019 21:30:37 +0000

УХМР за утре најавува дожд, локално пороен, грмежи и засилен ветер со брзина од над 60 километри на час. Врнежите се очекува да бидат пообилни во југоисточните делови и да достигнат над 35 литри на метар квадратен. Утринските температури ќе се движат од шест до 14 степени, а дневните од 10 до 16 степени. Потоа, во текот на неделата, следува период на променливо облачно време со магла по одделни котлини.