дози – Kurir.mk

СЛУЧАЈ КОЈ ГО ЗАОБИКОЛИ СВЕТОТ: Примил пет дози од три различни вакцини против Ковид-19, го фатиле во шестиот обид

Тале Кристо — Sun, 29 Aug 2021 09:05:32 +0000

Властите во Рио де Женеиро истражуваат како жител на градот успеал да прими пет дози од три различни вакцини против коронавирус. Според официјалните податоци, човекот чие име не е соопштено почнал да се вакцинира во мај, потоа продолжил во јуни и во јули се додека не бил откриен од вработените на вакциналниот пункт во шестиот обид да прими вакцина. Извештајот кој го објавија бразилските медиуми покажува дека човекот прво примил „Фајзер“ на 12. мај, потоа „Астра зенека“ на 5.јуни. следна била доза „Синовак“ на 17.јуни, а патоа упорниот Бразлец отишол по уште една доза „Фајзер“ на 17.јуни и завршил со доза „Синовак“ на 21.јули. Властите првично сметале дека се работи за пропуст во системот, но извештајот на Општинското здравствено одделение покажал дека не е грешка. Според извештатие човекот се чувствува добро. Информацијата е објавена во период во кој во Бразил има недостаток од вакцини и милиони луѓе чекаат да ја примат првата доза.

БиХ ќе добие донација од пола милион дози вакцини на „Фајзер“ од САД

Тале Кристо — Thu, 24 Jun 2021 19:36:40 +0000

Соединетите држави ќе донираат половина милион дози од вакцината „Фајзер“ на Босна и Херцеговина, објави Министерството за цивилни работи на БиХ. По онлајн средбата со претставници на Белата куќа, што се одржала во американската амбасада во Сараево, ресорното државно министерство објави дека е договорена донација од половина милион дози на вакцини, што треба да биде доставена до крајот на јули. Тие изјавија дека вакцините Фајзер ќе пристигнат во една пратка. Властите на БиХ досега набавија мали количини вакцини, а голем проблем е фактот што одделот за здравство им е доделен на ентитетите, а не на државата. Епидемијата на коронавирус во Босна и Херцеговина постепено се смирува. Денес, според официјалните податоци, имало 26 новоинфицирани, додека две лица починале како резултат на инфекцијата. Од почетокот на епидемијата во БиХ, заразени биле 204.936 лица, додека починале 9.653 лица.

Нема препорака да се мешаат вакцините – Уште не се знае кога ќе пристигнат вакцините „Спутник“ и „Синовак“

Ивона Петрова — Tue, 01 Jun 2021 10:07:41 +0000

Нема препорака да се мешаат вакцините. Како за првата доза истиот производител треба да биде и за втората доза. И тоа се официјалните препораки на сите производители. Немаме официјална препорака дека може да биде вакцина од еден тип за прва доза и друг тип за втора доза, изјави денеска министерот за здравство Венко Филипче. Тој посочи дека сè уште нема точни датуми за пристигнувањето на вакцините „Спутник“ и на „Синовак“. – Вчера разговарав со рускиот амбасадор и тој зема обврска во текот на денот да контактира со Институтот во Москва и да даде повратни информации. Најавата за пристигнувањето на вакцини од „Синовак“ е за првите десет дена од месецов, рече Филипче, одговарајќи на новинарски прашања по одбележувањето на Светскиот ден на детето во дворот на Детската клиника. Тој нагласи дека имунизацијата нема да запре, вчера пристигнаа вакцини од „Фајзер“ кои се дистрибуираата, а во текот на неделава очекуваат и други вакцини да стигнат од Бугарија и Грција. – Сè уште има бројка на граѓани кои се над 60 години и не се вакцинирани. Има околу 42 проценти вакцинирани од вкупната популација над 65 години. Со кампањата очекуваме уште поголем број граѓани да се пријават за вакцинација. Не се се уште сите вакцинирани и тие вакцини нема да бидат неискористени. Не ги креираме препораките и ставовите кој со која вакцина треба да се вакцинира врз основа на тоа што е располжливо како тип на вакцина, туку врз основа на стручните препораки. Додека не сме сигурни дека е безбедна вакцина согласно сите случаи кои се пријавуваат за компликации за помлади од 60 години тоа ќе остане така, рече Филипче. Тој посочи дека случаите со Ковид-19 во последните денови не се во тешка состојба. – Тешките случаи со Ковид-19 се заостанати од претходно. Бројот на нови случаи се намалуваат. На Инфективната клиника 40-тина пациенти беа останати во одделите за интензивна нега, најтешките пациенти од другите болници се трансферирани во Скопје и тој број е во опаѓање што е индикатор кој укажува дека целата епидемија спласнува, додаде министерот Филипче.

Портпарол на АстраЗенека: Соработуваме во истрагата за помали дози

Ивона Петрова — Fri, 27 Nov 2020 07:50:46 +0000

АстраЗенека соопшти дека соработува со регулаторите во истрагата за давање помала доза на вакцина против коронавирус, бидејќи резултатите беа подобри кај испитаниците кои добиле помала количина вакцина отколку целосна доза, изјави портпарол на компанијата. Генералниот директор Паскал Сорио претходно изјави дека АстраЗенека ќе направи дополнителни тестови низ целиот свет за да ја процени ефикасноста на вакцината. На прашањето да ги коментира наводите на Блумбер за новите испитувања, портпаролот на АстраЗенека рече дека се вршат дополнителни проценки на податоците и додаде дека компанијата соработува со регулаторите за „најдобриот пристап за понатамошно оценка“. – Тоа ќе биде додаток на податоците од постојните испитувања, кои во моментов се подготвуваат за поднесување регулаторна постапка, рече тој. АстраЗенека и Универзитетот Оксфорд признаа дека настанала грешка при тестирање на вакцината за коронавирусот, што предизвика многу прашања во врска со првичните резултати што ги објавија. Соопштението е објавено завчера, само неколку дена откако компанијата и универзитетот објавија дека нивната вакцина е „многу ефикасна“, не спомнувајќи зошто некои од учесниците во испитувањето не примиле цела доза за време на првата од двете вакцинации, пишува списанието „Тајм“. Всушност, подоцна се покажало дека групата што примила помала количина вакцина е подобро заштитена од волонтерите кои примиле цели две дози.