ДПА – Kurir.mk

Германската министерка Бербок ја одложи планираната посета на Лондон поради лошите временски услови

Ивана Ефремовски — Fri, 09 Dec 2022 20:52:16 +0000

Германската министерка за надворешни работи Аналена Бербок ја одложи планираната посета на Лондон поради нагло влошување на времето во Ирска, јави ДПА. Бербок денеска требаше да полета од Даблин до британската престолнина за да се сретне со својот колега Џејмс Клеверли. Разговорите меѓу двајцата министри би се одвивале во рамките на Стратешкиот дијалог меѓу Велика Британија и Германија, договорен кон средината на минатата година. Предвидените теми не ја вклучуваат само ситуацијата во Украина, туку и образовната размена меѓу двете земји по „Брегзит“. (МИА)

ДПА избра ново Претседателство, четворица потпретседатели и генерален секретар

Ристе Здравков — Sun, 28 Aug 2022 15:11:54 +0000

Демократската партија на Албанците (ДПА) на денеска одржаното Централното собрание во Тетово избра ново раководство, четворица потпретседатели и генерален секретар. – Денеска се одржа Централното собрание на ДПА при што беа избрани состави на Централното претседателство, тесно претседателство и генерален секретар. Централното собрание за потпретседатели ги избра Фатмире Исаку, Валбона Тоска, Фејзи Џелили и Халил Красниќи, додека за генерален секретар Сали Ајдини, информираа од ДПА. Изборот на нови потпретседатели и генерален секретар следува откако на 7 јули на конгрес на партијата, Мендух Тачи повторно беше реизбран за претседател на ДПА, а тогаш беа избрани и членовите на Централното собрание кои денеска одлучуваа за изборот на потесното раководство.

Партијата на Тачи избра ново раководство

Ристе Здравков — Sun, 28 Aug 2022 14:09:11 +0000

Мендух Тачи реизбран за претседател на ДПА на конгрес во Тетово

Магдалена Андонова — Thu, 07 Jul 2022 19:48:53 +0000

Демократската партија на Албанците (ДПА) информираше дека денеска на конгрес на партијата го реизбрала Мендух Тачи за претседател. Осмиот конгрес беше одржан во Тетово. –Воедно, беше одобрена и резолуцијата преку која и ДПА се обврзува да преземе конкретни активности за тоа да се измени уставниот член во кој е предвидено дека „друг јазик што го зборуваат најмалку 20 проценти од граѓаните“, да се замени со „албански јазик како службен јазик во Република Македонија, информираа од партијата. Службата за информирање при ДПА соопшти и дека на конгресот е избран нов состав на централното собрание. (МИА)

Мендух Тачи одлепувал плакати и кршел билборд на Алијанса за Албанците во Тетово

Ивана Ефремовски — Thu, 30 Sep 2021 08:31:20 +0000

Мендух Тачи, актуелен пратеник од политичката партија ДПА, доцна синоќа учествувал во вандалски чин во Тетово, пренесува Слободен печат. Имено, станува збор за одлепување на плакати и кршење на билборд на кој бил истакнат кандидатот за градоначалник на политичката партија Алијанса на Албанците во Тетово. „Денес во 01:50 чaсот во СВР-Тетово било пријавено дека на ул.„Илинденска“ од страна на неколку лица кои се движеле со ПМВ „Голф“ и ПМВ „Ауди“ црна боја со затемнети стакла, биле одлепувани плакатите, а во близина на бензиската пумпа на „Макпетрол“ бил и искршен билборд на кој бил истакнат кандидатот за градоначалник од политичката партија Алијанса на Албанците“. По преземените мерки, набрзо биле пронајдени и стопирани возилата од страна на УПС и при легитимирањето било констатирано дека во едно од возилата, ПМВ „Ауди“ се наоѓа пратеникот од редовите на ДПА, Мендух Тачи. Откако е извршена консултација со ЈО лицата веднаш биле ослободени, а по преземање на соодветни мерки настанот ќе се процесуира по редовна постапка.

Заев: Постигнавме договор со ДУИ, во владината коалиција влегува и ДПА

Тале Кристо — Tue, 18 Aug 2020 14:45:40 +0000

Лидерот на СДСМ Зоран Заев денеска објави дека денеска е постигнат договор за создавање парламентарно мнозинство, формирање нова влада и за поделба на министерствата со ДУИ. Заев објави исто така дека нивниот денешен договор треба да го потврдат највисоките тела на партиите, денеска и утре. СДСМ, додаде Заев, договорот ќе го презентира и пред партиите дел од коалицијата „Можеме“ како и пред ДПА, како иден владин партнер. -Ја прецизиравме и потврдивме рамката за идната соработка меѓу владината коалиција. Меѓу СДСМ и коалицијата „Можеме“ и ДУИ постигнат е коалициски договор за создавње парламентарно мнозинство, за распределба на одговорности, состав и принципите на новата влада со полн мандат која во следните четири години ќе работи посветено на интересите на граѓаните и на државата, рече Заев, кој посочи дека ќе ја предводи владата во следните четири години. Лидерот на СДСМ рече дека особено им било важно постигнување на брз договор за владина коалиција поради потребата за брзо ставање во целосна функција на клучните институции во државата, а со цел справување со здравствените и со сите други предизвици поврзани со Ковид-19. Заев претстави дел од принципите на новата Влада, која ќе ја предводи тој во полн четиригодишен мандат.

Паднал договор: ДПА во коалиција со СДСМ

Ивана Ефремовски — Tue, 04 Aug 2020 16:10:42 +0000

Демократската Партија на Албанците и официјално објави дека ја прифатила понудата од Зоран Заев за коалиција во договорите за новата влада. Азем Садику од ДПА ја потврди информацијата по средбата со Радмила Шеќеринска и Оливер Спасовски која се одржа денеска во Клубот на пратениците. -Имавме покана за денешната средба и бевме заедно, делегацијата на партијата со претседателот. Ни се понуди можноста да бидеме дел од идната влада предводена од претседателот на СДСМ, Зоран Заев и ние како партија ја прифативме поканата и се формирани работни групи кои ќе се предводат од претседателот и секретарот на СДСМ, Љупчо Николовски, изјави Садику. Тој истакна дека на денешната средба не се разговарало ниту за ресорите и дека сите детали се оставени на работните групи.

Апасиев и Тачи влегуваат во Собрание, ДПА и Левица освоија пратеници?

Ивана Ефремовски — Wed, 15 Jul 2020 23:23:27 +0000

ДПА на Менух Тачи и Левица на Димитар Апасиев ќе освојат по еден пратеник, доколку се земат во предвид досега обработените резултати, објави Фокус.

Инаку, се очекува ДПА да го освои едниот пратеник во шестата изборна единица, каде носител на пратеничката листа е токму Тачи. Истото важи и за Левица, каде најмногу гласови освои во „единицата“ каде носител е Апасиев, што, според досега објавените резултати, е доволно за пратеник. Меѓутоа прашање е дали тоа би било доволно за пратеник, со оглед на повисоката излезност во овие изборни региони.

Тачи: Албанците да ја гласаат ДПА или СДСМ, a не другите

Дејан Никола — Mon, 09 Dec 2019 10:44:49 +0000

Згаснаа сомнежите за коалицирање помеѓу Албанците. ДПА, која беше спомнувана за соработка со БЕСА, го негираше тоа. Во многу експонирачка изјава, лидерот на ДПА, Мендух Тачи кажа дека најдобро е Албанците да гласаат за ДПА, а ако не го направат тоа, подобро да ја гласаат директно СДСМ, а не преку другите партии како што се ДУИ, БЕСА кои немаат политичка автономија. Тачи рече дека ДПА не е во коалиција со ниту една партија, бидејќи неколкуте обиди со албанските партии резултирале како неуспешни. Лидерот на ДПА овие коментари ги даде за време на последното изборно собрание на тетовскиот огранок. -Сме се обиделе, но секако не резултирале како неуспешни преговорите со неколку албански партии. Јас денес генералната порака која ќе ја дадам ќе биде, Албанците, или СДСМ или ДПА, бидејќи ако ги гласаме овие другите партии тоа ќе биде индиректен глас, затоа подобро е директно СДСМ. ДУИ, БЕСА и другите се партии кои немаат политичка автономија и верувам дека ќе има коректно натпреварување помеѓу СДСМ и ДПА кај Албанците, рече лидерот на ДПА, Мендух Тачи. Извор: ИНА

БЕСА на Гаши, ДПА и Сојузот на Ромите влегуваат во Владата

Матеја Петровски — Tue, 15 May 2018 13:20:12 +0000

Нови коалициски партнери во Владата ќе бидат БЕСА на Африм Гаши, ДПА и Сојузот на Ромите на Амди Бајрам. - Имаме постигнато договор со БЕСА на пратеникот Африм Гаши, со ДПА и со Сојузот на Ромите на Амди Бајрам, кој делуваше независно во изминативе месеци, изјави премиерот Зоран Заев по денешното судење за „Поткуп“. Тој додаде дека дека Бајрам нема да добие министерски места, туку други позиции. Заев рче дека продолжуваат разговароте и со други субјекти, но не сакаше да споменува имиња бидејќи за тоа треба да одлучуваат органите и телата на политичките партии. - Штом тоа ќе биде готово ќе се соопшти веројатно од самите партии кои ги номинираат кандидатите. Јас разговарав за кандидатите и мене ми е важно за какви личности се работи на што посветувам сериозно внимание, рече Заев. Во контекст на тоа посочи дека до крајот на неделата ќе ги формализира и ќе ги достави предлозите до Собранието. - При крајот на мај со новиот владин состав ќе разговараме за подолните ешалони, за директорски, заменички директорски места, подрачни единици и слично во функција на преземање на одговорноста на сите сегашни и нови партиципиенти на власта, истакна Заев. Одговарајќи на новинарско пршање, Заев рече дека Мендух Тачи нема да биде член на Владата. - Доверба е релативна работа, јас зборувам за имиња и презимиња кои ќе учествуваат во Владата. Тоа е призмата низ која се обидуваме да разговараме. Можам само да кажам дека Мендух Тачи нема да биде член на Владата, рече Заев. (Миа)