др конго – Kurir.mk

Потврден случај на ебола и во западниот дел на ДР Конго

Дарко Андоновски — Mon, 01 Jun 2020 13:51:44 +0000

Демократска Република Конго потврди случај на ебола во западната провинција Еквуаур. Новиот случај на ебола е потврден во место оддалечено повеќе од илјада километри од жариштето на болеста во источниот дел на земјата. ДР Конго во април само што требаше да прогласи крај на епидемијата на ебола, се појави ново жариште на болеста во источниот дел на земјата.

Најмалку 20 цивили загинаа во етничкото насилство во ДР Конго

Дарко Андоновски — Sun, 17 May 2020 17:35:22 +0000

Паравоената група Здружение за развој на Конго (КОДЕКО) синоќа убила најмалку 20 цивили во селото Ндјала, во провинцијата Итури, североисточниот дел на Демократска Република Конго. Тоа е уште еден инцидент во бранот етничко насилство, што трае веќе два месеца и поради што 200.000 луѓе ги напуштија своите домови. КОДЕКО е составена од борци од етничката група Ленду, додека во селото Ндјала живеат припадници на етничката група Хема. Според локалните власти убиени се 20 лица, а 14 се тешко повредени. Напаѓачите побегнале откако мировните сили на Обединети нации пристигнае во селото. Провинцијата Итури е богата со природни ресурси, вклучително злато и дијаманти. Во Итури се водеа најжестоките борби во периодот од 1999 до 2007 година, а потоа борбата за власт помеѓу бунтовничките групи премина во етничко насилство помеѓу групите Хема и Ленду.

Трет случај на ебола во ДР Конго, нема прогласување крај на епидемијата

Ивона Петрова — Tue, 14 Apr 2020 06:16:31 +0000

Во Демократска Република Конго денеска е регистриран нов, трет случај на ебола. Светската здравствена организација соопшти дека кај седумгодишно девојче се појавиле симптоми на ебола, откако тоа посетила здравствен центар, исто како и двете други лица, кај кои претходно беше дијагностоцирана болеста. По повеќе од седум недели без нов случај на ебола, ДР Конго во недела требаше да прогласи крај на втората епидемија в земјата. Меѓутоа, во петокот беше потврден нов случај на ебола во источниот град Бени и сега сите опции остануваат отворени.

Еболата се шири во Конго, епидемијата најголема во историјата на државата

Ивона Петрова — Sat, 10 Nov 2018 12:37:10 +0000

Епидемијата на вирусот ебола што моментно се шири во ДР Конго, е најголема во историјата на таа држава – 319 потврдени случаи на заболени, соопшти Министерството за здравство. Од болеста досега животот го загубија 198 луѓе во провинцијата Киву и Итури каде напади и отпор на жители спречиле здравствени лица да помогнат. Откако е откриен вирусот на ебола во 1976 година досега епидемијата избила повеќе од 10 пати. – Епидемијата што е во моментот, е најголема во историјата на ДР Конго, изјави Џесика Илунга, портпаролка на Министерството за здравство. Со повеќе од 300 заболени, таа епидемија се рангира како трета најголема во историјата на континентот. МИА