драчево – Kurir.mk

Скопјанец насилно им упаднал во домот во Драчево и упатил закани кон синот на сопственичката

Тале Кристо — Fri, 20 Oct 2023 15:02:01 +0000

На 19.10.2023 во 23.18 часот во СВР Скопје било пријавено дека Д.Ф. од Скопје со употреба на сила влегол во куќата на С.Н.(72) на подрачјето на Драчево, по што оштетил дел од покуќнината и упатил закани кон нејзиниот син А.Н.(24), со кого се познавале. Се преземаат мерки за расчистување на случајот.

Се асфалтира „Малешевска” во Драчево

Ивана Ефремовски — Sat, 23 Sep 2023 12:35:50 +0000

Завршува асфалтирањето на улицата „Малешевска”. Оваа важна сообраќајница која 40 години чекаше на реконструктивен зафат, денес добива нов лик. -Завршена е реконструкцијата на последните 800 квадратни метри. Ќе се градат нови тротоари поплочени со павер елементи, ќе се постават нови рабници. Со овие градежни зафати се подобрува патната инфраструктура во населбата Драчево, се подобруваат условите за живеење на сите жители од овој дел на општина Кисела Вода. Инвестициониот циклус во насока на подобра инфраструктура продолжува низ сите месни и урбани заедници со цел да се постигне рамномерен регионален развој, велат од општината.

Асфалтирани „Гутенбергова”и „Волтерова” во Драчево

Тале Кристо — Wed, 13 Sep 2023 11:46:00 +0000

Завршија градежните активности за реконструкција на улиците „Гутенбергова” и „Волтерова” во населбата Драчево. Овие сообраќајници никогаш досега не биле санирани или реконструирани иако се изградени по катастрофалниот земјотрес во 1963 година, соопшти Општина Кисела Вода. Вкупната должина на овие две улици изнесува 350 метри, односно се работи за асфалтирање на површина од околу 1400 квадратни метри. Во наредниот период на овие сообраќајници ќе им бидат реконструирани и тротоарите.

Опожарени три куќи во Драчево

Ивона Петрова — Sat, 09 Sep 2023 15:17:40 +0000

На 08.09.2023 во 21.50 часот во СВР Скопје било пријавено дека на подрачјето на Драчево настанал пожар во кој биле опожарени три куќи во ист двор, сопственост на П.С.(54), М.С.(46), Е.С.(27), С.С.(24) и А.С.(52), сите од Скопје. Повредени лица нема, а пожарот е изгаснат. Полициски службеници излегле на местото на настанот и се врши увид.

Се реконструираат четири улици во населба Драчево

Ивана Ефремовски — Tue, 05 Sep 2023 10:37:58 +0000

Започна реконструкција на улиците „Гутенбергова”, „Волтерова”, „Марија Кири” и „Ѓорѓи Војтех” во населбата Драчево. Градоначалникот Орце Ѓорѓиевски присуствуваше на почетокот на градежните активности кои опфаќаат реконструктивни зафати на површина од околу 2500 м2. Се работи за сообраќајници изградени после катастрофалниот скопски земјотрес и на кои од тогаш не е интервенирано. -Денес сме на местото каде што започнуваат почетните градежни активности за реконструкција на четири значајни улици во нашата населба Драчево. Се работи за улиците „Гутенбергова”, „Волтерова”, „Марија Кири” и „Ѓорѓи Војтех”, улици кои, за жал, никогаш досега, од после земјотресот не биле санирани или реконструирани од претходните раководства на општината. Овој градежен зафат кој опфаќа околу 2500 квдратни метри, значи инвестиција во подобра инфраструктура, но и инвестирање во подобар квалитет на живот за нашите граѓани, во безбедноста на нашите деца и во полесен пристап до нашите домови и работни места. Градежната офанзива која трае низ целата општина, низ сите месни и урбани заедници со цел да се запази рамномерниот регионален развој ќе продолжи со засилена динамика. Нашиот целосно поинаков и подобар начин на работа веќе ги дава своите резултати и наскоро моето предизборно ветување - во нашата општина да нема неасфалтирана улица ќе биде во целост остварено, истакна градоначалникот.

Дел од Драчево без вода

Катерина Бојаџиева — Thu, 24 Aug 2023 12:12:48 +0000

Без вода денеска од 12:45 часот се дел од корисниците од село Драчево, општина Кисела Вода. Како што соопшти ЈП „Водовод и канализација“ - Скопје, прекинот е поради дефект на приклучна цевка на улица „Домазетовска“ број 36. Жителите ќе бидат без вода до завршување на интервенцијата. Поради дефект на затворач ф-150 милиметри пред фабриката на „Жито лукс“, утре од 9 часот прекин во водоснабдување ќе имаат корисниците од истата улица и сите деловни објекти (Скопска пивара, ЈСП Скопје, Годомин, Алфи). Водоснабдувањето ќе биде прекинато до завршување на дефектот.

Старица од Драчево пријавила дека е исчезнат нејзиниот син

Ивана Ефремовски — Thu, 06 Jul 2023 16:06:22 +0000

На 05.07.2023 во 21:15 часот во Полициската станица Драчево, Б.П.(86) од Скопје пријавила дека од домот се оддалечил нејзиниот син Б.П.(61). Се преземаат мерки за пронаоѓање на лицето.

Нов паркинг и реконструиран парк во Драчево

Тале Кристо — Fri, 30 Jun 2023 13:10:00 +0000

Жителите на Драчево добија нов простор за одмор, дружење и рекреација. Возобновен и освежен со нови содржини е паркот во Драчево, лоциран на местото каде бeа отстранети времени објекти. На површина од околу 700 квадратни метри реконструирано е детското катче, пставени се нови реквизити и изграден терен за мал фудбал и за кошарка. Градоначалникот Ѓорѓиевски денес ја посети и оваа локација, каде е изграден и сквер со урбана према, клупи и чешма, а во непосредна близина изграден е и нов паркинг за околу 30 возила. Просторот е надополнет со парковско зеленило. -Продолжуваме со реализација на крупни проекти за кои сме имале повеќе барања од нашите жители. Денес го ставаме во фукција возобновениот парк кој е опремен со многу нови содржини и подотвен да биде место каде граѓаните од повеќе генерации ќе го поминуваат своето слободно време. На 700 квадратни метри нуди простор за одмор и дружба, а спортските терени верувам дека ќе бидат доста привлечни за помладите. Секако, просторот го дополнивме со многу зеленило, а излеговме во пресрет и на барањето за дополнителни паркинг места, градејќи паркинг за 30 возила-изјави градоначалникот Орце Ѓорѓиевски. Кисела Вода својата 68-ма година од потоењето ја затвори со над 50 000 m2 зелена површина. Вчера беше почната изградбата на мини рекреативен центар во Усје, а неодамна нова парковска површина добија и жителите на село Драчево, преку изградбата на спортско-рекреативниот комплекс “Теодор Стојановски-Тоше” кој некогаш се викаше “Оксиген”.

Четири девојки излетале со автомобил кај Драчево – еве ги деталите

Дарко Андоновски — Wed, 07 Jun 2023 10:50:03 +0000

На 06.06.2023 во 05.50 часот во СВР Скопје било пријавено дека на локалниот пат с.Количани-с.Драчево, скопско, патничко моторно возило „фиат пунто“ со скопски регистарски ознаки, управувано од М.С.(19) од Скопје, излетало од коловозот. Во несреќата со тешки телесни повреди се здобила сопатничката С.М.(18) од Скопје, а со телесни повреди се здобиле М.С. и уште две сопатнички М.Д.(20) и М.М.(18), двете од Скопје, констатирани во Комплексот клиники „Мајка Тереза“. Извршен бил увид од увидна екипа од СВР Скопје.

Почна изградба на нов затворен пазар во Драчево

Ивона Петрова — Thu, 11 May 2023 13:09:55 +0000

Почна изградбата на нов модерен затворен пазар во населбата Драчево. Објектот ќе биде на површина од 3000 квадратни метри, енергетски ефикасен со целосно уредена инфраструктура, 60-ина деловни објекти, супермаркет и паркинг за 130 возила на покривот. Се очекува да биде завршен во март идната година. Општина Кисела Вода соопшти дека камен-темелникот денеска го поставија градоначалникот Орце Ѓорѓиевски и директорот на АД „Скопски пазар” Младен Дамев и дека за помалку од една година модерен пазар ќе добијат жителите на населбата Драчево и продавачите кои имаа тезги на досегашниот пазар и кои, како што наведува, беа најгласни во барањата дека имаат потреба од нов објект со достојни услови за работа. Ѓорѓиевски рече дека објектот кој постоеше до неодамна воопшто не ги задоволуваше стандардите и потребите на закупците и на купувачите, а состојбата посебно се влошуваше при секој дожд. По согледувањето на фактичката состојба, потребите и можностите, како што рече, Општината постигна договор со „Скопски пазар“ и до март догодина жителите ќе добијат модерен затворен пазар. -Објектот што од денес почува да се гради ќе располага со 60-тина деловни објекти, еден голем супермаркет, магацински простории, санитарни јазли, ќе има три влеза, како и и пешачка улица. Своите земјоделски производи ќе можат да ги пласираат околу 150 пазарџии, што значи дека првпат по 50 години нашите жители добиват квалитетен простор за пазарење, дополнет со 130-ина паркинг места кои ќе бидат достапни на покривот на овој нов затворен пазар, изјави Ѓорѓиевски. Директорот на АД „Скопски пазар“ Младен Дамев истакна дека позицијата на пазарот е одлична и дека очекува тој да биде еден од најпрепознатливите објекти во населба Драчево. -Со инвестиција од околу 180 милиони денари, една од најголемите населби во Скопје ќе добие најсовремен пазар со модерен лик. На површина од 3000 квадратни метри, со 30 локали, 32 киосци и еден супермаркет, а она што посебно би сакал да го нагласам е паркинг просторот со 130 паркинг места. Позицијата на пазарот кој се наоѓа во самиот центар на населбата Драчево, ми дава за право да кажам дека ова е биде еден од најпрепознатливите објекти во оваа населба, рече Дамев и додаде дека со инвестицијата „Скопски пазар“ придонесува во подобрување на условите на жителите во услови на економска криза. Општина Кисела Вода посочува и дека тоа ќе биде втор модерен затворен пазар кој им го обезбедува на своите жители по првиот, лоциран во централниот дел на Кисела Вода, кој „го изгради од темел и успешно функционира од крајот од минатата година“.