драган данаиловски – Kurir.mk

Д-р Даниловски прашува: Зошто со набавката на биолошката терапија наместо да опаѓа смртноста, таа се зголемува кај болните од рак?

Ристе Здравков — Wed, 13 Sep 2023 07:14:00 +0000

„Ако во 2019 година е набавена биолошката терапија за болните од малигни заболувања, смртноста во 2020 и 2021* година би требало значајно да опаѓа. Наместо тоа, таа расте! Видете ги графиконите. Зошто?“ прашува проф. д-р Драган Даниловски, епидемиолог. *Податоците за 2022 година Институтот за јавно здравје ќе ги објави во почетокот на 2024 година. Извор: Институт за јавно здравје, публикација „Рак во Република Северна Македонија“, страници 10 и 11

Д-р Даниловски бара укинување на авионското прскање против комарци: Потребна е промена на стратегијата

Ристе Здравков — Wed, 07 Jun 2023 07:44:32 +0000

Епидемиологот д-р Драган Даниловски побара од градските власти да ја променат стратегијата во однос на прскањето против комарци. Според него, авионското прскање против комарци не е ефикасно. -Авиодезинсекцијата треба да се укине затоа што ги уништува само оние комарци кои во моментот се во воздух. А, знаеме, постојат и ларви… Таа треба да се применува само во ненаселени подрачја или при елементарни непогоди. Во населените места е потребна дезинсекција со прскање од земја. Значи, треба да се смени стратегијата. Освен тоа, од суштествена важност е да се организира јавна едукативна кампања, за граѓаните да внимаваат да немаат застојана вода во својата околина, особено оние што имаат дворови. За лична заштита, треба да се користат репелентни средства. На прагот сме на летото и на интензивна активност на тигрестите комарци. Иако е малку веројатно да пренесат егзотични болести (види погоре) кај нас, сепак, реално, ќе предизвикуваат тешки непријатности, заради целодневното агресивно касање, стои меѓу другото во објавата на Фејсбук на Даниловски. Градот Скопје ги известува граѓаните дека на денес и утре (среда и четврток), во раните утрински часови ќе се реализира втората фаза од авионската дезинсекција на подрачјето на градот Скопје против возрасни форми на комарци. Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин. Се известуваат пчеларите навреме да ги преземат потребните мерки за заштита на пчелите.

Пановски, Данаиловски и Марковски не ја прифаќаат понудата на Сали, тројцата се едногласни: Несериозно е да се покануваат експерти преку Фејсбук

Магдалена Андонова — Sun, 30 Jan 2022 20:50:30 +0000

Денеска министерот за здравство, Беким Сали преку Фејсбук објава ги покани професорите Никола Пановски, Драган Данаиловски и Вело Марковски да станат дел од новиот состав на Комисијата за заразни болести. Д-р Пановски во изјава за Фокус истакна дека нема никаков проблем да го советува првиот човек во здравството, но сепак начинот на кој е поканет не заслужува да се коментира. - Не ме контактирале, а за поканава слушнав од ваши колеги!!! Совети давам секому, секако би го советувал и министерот, во комисија на овој начин секако не влегувам. Јавната покана за мене е беспредметна да се коментира. Тоа лидерите на СДСМ и ДПМНЕ може да се канат преку медиуми. Јас не сум на толку ниско ниво за да прифатам таков вид комуникација, вели доктор Пановски за „Фокус“. Д-р Даниловски во изјава за Сител вели дека не сака да ја жртвува својата автономија. Не прифаќа да биде ниту дел од комисијата ниту советник на министерот бидејќи не функциониртаат автономно а нејзините одлуки не се извршни. Д-р Марковски вели дека Комисијата е советодавна на министерот без суштинско влијание на било какви мерки. - Јас рано во 2020 предложив комисија за Ковид-19 како владино тело чии одлуки ќе бидат задолжителни за сите, за жал тоа не беше прифатено. Од друга страна несериозно е да се покануваат експерти преку Фејсбук. Исто така мислам дека министерот со комплет кадровски и стручни решенија требаше да излезе при неговиот избор во парламентот вели во одговорот за Сител професорот Вело Марковски.

Сали преку социјалните мрежи ги покани Данаиловски, Пановски и Марковски да бидат дел од новата Комисија за заразни болести

Магдалена Андонова — Sun, 30 Jan 2022 17:57:54 +0000

Министерот за здравство Беким Сали ги повика докторите Драган Даниловски, Никола Пановски и Вело Марковски да бидат дел од новата Комисија за заразни болести. Јавната покана Сали ја упати попладнево преку статус на социјалните мрежи. -Заради ефективност и успешност на овој процес, би сакал јавно да ги поканам и угледните професори д-р Даниловски, д-р. Пановски и д-р Марковски да се приклучат како членови на Комисија за заразни болести и со тоа да придонесат во нејзината работа. Доколку од какви било причини не се во можност да бидат дел од Комисијата за заразни болести, им упатувам отворена покана да бидат дел од мојот тим на советници., пишува министерот за здравство на Фејсбук.

Доминацијата на омикрон завршува до крајот на февруари, вели проф. Даниловски

Ристе Здравков — Mon, 24 Jan 2022 21:20:03 +0000

Епидемиологот проф.д-р Драган Даниловски и натаму останува на своите ставови дека напролет коронавирусот ќе се сведе на „сезонски грип“, Тој очекува до крајот на февруари да спласнат инфекциите со сојот омикрон, кои потоа би се одржувале на ендемично ниво. -„На запад ништо ново!“ Јас уште одамна, поточно, на 31 август 2021 година, напишав дека „делта монструмот полека ќе се сведе на „скротен лав“- исто како што тоа се има случено со неговите сродници, четирите типови на коронавируси што предизвикуваат обична настинка.“ Се случи на крајот на ноември истата година да се појави омикрон. На 4 декември 2021 година за Нова ТВ имав изјавено: „Значи, јасно е дека со короната е завршено. Ќе се оствари она што јас одамна го изјавувам – дека напролет ќе се сведе на „сезонски грип“ – нешто со што се согласни и други епидемиолози во светот. Ова е нешто што треба да нѐ охрабри, да нѐ извади од чувството на безнадежност и песимизам.“ Останувам и понатаму на тие мои ставови – вели Даниловски во изјава за Нова Македонија. Тој вели дека омикрон „пламна како шумски пожар, но како и секоја огнена стихија, почна да се задушува сам во себе“ и дека „сѐ повеќе му недостасува „кислород за горење“.“ – Во Македонија врвот на бранот го достигнавме на 18 јануари – порано отколку што прогнозиравме (крајот на јануари). Оттогаш трендот на нови заразени е надолен. Грубо, колку што траеше растот, толку ќе трае и падот. До крајот на февруари, омикронот ќе спласне. И ќе се одржува на ендемично ниво, некое време, пролетта… За веќе понатаму да се сведе на спорадични (неповрзани меѓу себе, единечни, случаи). Понатаму, ќе го имаме меѓу нас, сосема исто како што го имаме сезонскиот грип – додава професорот.

Д-р Даниловски дециден: Маските во затворен простор треба да се симнат

Ристе Здравков — Mon, 10 Jan 2022 06:34:07 +0000

Можно е да регистрираме и две и три илјади позитивни, но тоа на некој начин е ирелевантно затоа што тој број треба да го помножиме со пет, со седум, а можеби и со десет за да добиеме реална бројка на заразени во земјата, вели епидемиологот д-р Драган Даниловски во разговор за телевизија Канал 5. – Ирелевантно е затоа што нема да имаме значајно зголемување на бројот на хоспитализациите, а тоа е она што е најважно за една држава, за да не колабира здравствениот систем, вели тој. На прашањето дали треба да се тргнат заштитните маски, со оглед на тоа што омикрон не дава некоја потешка клиничка слика, епидемиологот смета дека маските во затворен простор треба да се симнат. – Изолацијата повеќе не му е потребна никому, освен можеби за здравствените работници – до пет дена. Слободно сите да работат, оние кои се без симптоми или со лесна слика, додека пак оние кои имаат поизразени симптоми да си одат на домашно лекување. Зарем можеме да прифатиме пола држава да ни оди во изолација? Исто така, сметам дека и маските во затворен простор треба да се симнат, а исто така и од учениците. Сертификатите се нешто што се без смисла во амбиент во којшто имаме вирус којшто не почитува имунитет, не почитува вакцинација и сега ние – сертификати. Кого штитиме со сертификатите? На тој начин бргу ќе дојдеме до колективен имунитет од преку 95 отсто којшто е доволен за да стивне епидемиското ширење. Ова стратегија не е баш безопасна затоа што оние што се високо ризични групи – постари од 75 години, хронично болните итн. би требало малку да се притајат додека трае бранот, а помладите треба да се изложат, вели Даниловски. Како што проценува д-р Даниловски, тој е убеден дека појавата на омикрон варијантата е крајот на пандемијата.

Даниловски: До мај земјата може да се прости со короната вирусот

Ристе Здравков — Thu, 06 Jan 2022 18:41:21 +0000

И покрај значителното зголемување на бројот на нови случаи со варијантите Омикрон и Флурон кои се комбинација на сезонски грип со корона вирусот, експертите велат дека неговото ширење не треба да предизвика загриженост кај населението. Тоа што оваа варијанта не дава сериозни здравствени компликации, според експертите е причина поради која овој бран да не се чека со паника. Епидемиолог Драган Даниловски вели дека Македонија треба да го следи шведскиот модел, а не целосно да се затвора како што направија многу европски земји. Професорот Даниловски со оптимизам предвидува дека варијантата Омикрон е кулминација на пандемијата. Досега во земјава околу 50 лица се заразени со Омикрон и грип – комбинација од сезонски грип и корона. Во наредниот период во Македонија се очекува доминантна варијанта Омикрон.

Даниловски: Да се заштитат повозрасните, сите други да се остават да прележат

Ристе Здравков — Wed, 05 Jan 2022 19:18:50 +0000

Инфектологот Драган Даниловски предложи неколку препораки за тоа како треба граѓаните и владите понатаму да се однесуваат кон пандемијата од ковид-19 која повторно ја покажува својата сила. -Треба да се заштити најранливата категорија – тоа се овие лица над 75 години кои 10.000 пати се изложени на поголем ризик лошо да поминат отколку деца од 15 години. Се друго треба да се пушти да го прележи вирусот или оние кои сакаат да се вакцинираат – да се вакцинираат, рече д-р Даниловски во гостувањето во емисија на ТВ Телма.

Д-р Данаиловски вели дека пандемијата ќе заврши на крајот на април

Магдалена Андонова — Sat, 25 Dec 2021 19:10:06 +0000

Епидемилогот Драган Даниловски вечерва во вестите на ТВ Сител рече дека вирусната варијанта омикрон на коронавирусот се шири четирипати полесно, како и дека со тоа се демантирани претходните дезинформации околу новиот сој. Пандемијата, според него, би завршила на крајот на април. – Вирусот не сака да го убие домаќинот, туку тој да го распрснува со заразување на други. Крајот на април ќе биде крајот на пандемијата, а ќе се вакцинираат само ризичните групи, заклучува Даниловски.

Данаиловски: „Омикрон“ е четири пати позаразен и помалку опасен

Магдалена Андонова — Sat, 25 Dec 2021 18:30:18 +0000

Епидемилогот Драган Даниловски во вестите на Сител рече дека вирусната варијанта Омикрон на Ковид-19 се шири четири пати повеќе и со тоа се демантирани претходните дезинформации. - Кога се појави на крјаот на ноември сите бевме на штрек. Се покажа дека има вкупно 6о мутации.. Како дезинформации се покажаа вестите дека е 500 пати, или 70 пати позаразен. Четири пати позаразен е и помалку опасен. 80 пати помала е веројатноста да завршите во болница. Најчести симптоми се болки во грло, течење на носот и главоболка. Сепак имаме работа со поблаг вирус, изјави Даниловски. Тој додава дека сите вакви укажувања не значат дека сите треба да се опуштат. Постарите граќани треба да бидат внимателни и да се вакцинираат со трета доза. - Ќе бидам во право дека сигурно ќе имаме зголемен број на случаи, но ќе се лечат дома како изолирани. Нема да имаме како минатите бранови и преотеретеност на болничките капацитети. Крајот на пандемијата кај нас настапи со изнемоштеноста. Со резигнација граѓаните прифаќаат да живеат со вирусот, смета Даниловски. Пандемијата, според него, би завршила на крајот на следниот април. - Вирусот не сака да го убие домаќинот, туку тој да го распрснува со заразување на други. Крајот на април ќе биде крајот на пандемијата, а ќе се вакцинираат само ризичните групи, заклучува Даниловски.