Драган Канатларовски – Kurir.mk

Селекторот на У-21, Канатларовски го објави списокот за мечевите против Шведска и Холандија

Ристе Здравков — Wed, 30 Aug 2023 10:42:23 +0000

Репрезентацијата на Македонија до 21 година на почетокот на септември ги стартува квалификациите за пласман на ЕП 2025 година во Словачка. Селекторот на младата репрезентација на Македонија, Драги Канатларовски го објави списокот со повикани фудбалери за двата квалификациски натпревари за ЕП 2025 против Шведска на 8. септември во Јенчепинг, со почеток во 18. часот и Холандија на 12. септември со почеток од 15:30. часот на тренинг центарот „Петар Милошевски”, во Скопје. На списокот на селекторот Драги Канатлароски се наоѓаат следните фудбалери: ГОЛМАНИ: Марко Алчевски – А.П. Брера Иван Николоски – Победа Стефан Митрев – Кожуф ОДБРАНА: Марио Ричков – Шкупи Стефан Деспотовски – Работнички Андреј Стојчевски – Жилина, Словачка Решат Рамадани – Динамо Киев Виктор Крстевски – Гостивар Методи Максимов – Шкендија Михаил Димитриевски – Брегалница Кристијан Тасевски – Аугсбург, Германија СРЕДЕН РЕД: Мартин Талаков – Подбрезова, Словачка Иван Николов – Сондерјиске, Данска Хамза Рамани – Шкупи Алекс Златков – Шкупи Димитар Тодоровски – Работнички Ване Крстевски – А.П. Брера Берат Калкан – Касимпаша, Турција Бехар Фета – Марибор, Словенија Матеј Ангелов – Работнички Лука Станковски – Газиантеп, Турција НАПАД: Марио Илиевски – Кишварда, Унгарија Филип Трпчевски – Хакен, Шведска Луан Абази – Шкупи

Канатларовски објави список за тестовите со Ерменија и Малта

Ристе Здравков — Wed, 31 May 2023 12:25:07 +0000

Репрезентацијата на Македонија до 21 година на средина на месец јуни во Скопје ќе одигра два контролни натпревари против селекциите на Ерменија и Малта. Селекторот на младата репрезентација, Драги Канатларовски повика вкупно 25 фудбалери: Голмани: Марко Алчевски (Академија Пандев), Иван Николоски (Беласица), Васко Василев (Рио Аве, Португалија), Стефан Тасев (Македонија Ѓ.П.); Одбрана: Марио Ричков (Шкупи), Стефан Деспотовски (Работнички), Андреј Стојчевски (Жилина, Словачка), Имран Фетаи (Гостивар), Решат Рамадани (Динамо Киев, Украина), Виктор Крстевски (Гостивар), Методи Максимов (Шкендија), Михаил Димитриевски (Брегалница); Среден ред: Мартин Талаков (Подбрезова, Словачка), Иван Николов (Брегалница), Хамза Рамани (Силекс), Алекс Златков (Шкупи), Димитар Тодоровски (Работнички), Димитар Трајков (Академија Пандев), Ване Крстевски (Академија Пандев), Берат Калкан (Касимпаша), Бехар Фета (Воска Спорт), Матеј Ангелов (Работнички); Напад: Марио Илиевски (Кишварда, Унгарија), Христијан Малески (Струга Трим Лум), Луан Абази (Вил, Швајцарија); Двете пријателски средби, избраниците на селекторот Драги Канатларовски ќе ги одиграат на тренинг центарот „Петар Милошевски", со почеток од 17:00 часот. Првиот контролен меч го играме против селекцијата на Ерменија на 15. јуни, а пет дена подоцна е втората контролна пресметка против репрезентацијата на Малта.

Канатларовски: Се надевам дека ќе ја продолжиме победничката низа

Ивана Ефремовски — Mon, 19 Sep 2022 12:07:09 +0000

Македонската фудбалска репрезентација до 21 година, во Скопје официјално ги започна подготовките во пресрет на силниот контролен турнир што ќе се одржи во Хрватска. Селекторот Драган Канатларовски очекува добри резултати против репрезентациите на Албанија, Саудиска Арабија и домаќинот Хрватска. Место на одигрување на контролните натпреварите ќе биде Свети Мартин на Мура. -Ова е наш втор собир, првиот собир на оваа генерација беше во јуни каде што одлично стартувавме, забележавме две победи над Бих. Се надевам дека во ист ритам ќе продолжиме, со квалитетна игра, голема пожртвуваност и желба за победа. Од натпревар во натпревар ќе се обидеме да ја подобриме нашата играта и да растеме и напредуваме заедно како тим. Вредно и напорно работиме, се трудиме сите заедно максимално на секој тренинг. Ме радува фактот што ги имаме сите играчи на располагање, во Хрватска ќе ни се придружи и Кристијан Тасевски. Оваа репрезентација поседува квалитет и знаење, се надевам дека ќе ја продолжиме победничката низа, изјави Канатларовски. Првиот натпревар македонската селекција на овој турнир ќе го игра на 23 септември против Албанија. (МИА)

Канатларовски: Се надевам дека новата генерација ќе има поголем успех

Ивона Петрова — Tue, 07 Jun 2022 10:53:34 +0000

Во пресрет на двата контролни дуела против селекцијата на Босна и Херцеговина, селекторот на македонската фудбалска репрезентација до 21 години, Драган Канатларовски, даде свое видување за потенцијалот на неговите избраници. – Имаме нова генерација на млади фудбалери која поседува квалитет, почнуваме да ја подготвуваме за следниот квалификациски циклус што почнува во март. Треба да извлечеме голема поука од претходниот циклус. Да коригираме се што беше негативно, а позитивните работи да ги прифатиме и да продолжиме со напорната работа. Се надевам дека новата генерација ќе има поголем успех од претходната, повеќето фудбалери ги имаат поминати сите млади селекции на Македонија, се познаваат, што е добар знак пред почетокот на квалификацискиот циклус. Од старт почнуваме заедно, се надевам дека ќе имаме успешни квалификации, изјави Канатларовски. Првиот натпревар со БиХ е закажан за 10 јуни на стадионот „Ѓорче Петров” со почеток од 17 часот, вториот е закажан за 12 јуни, натпреварот ќе биде одигран на тренинг центарот „Петар Милошевски” со почеток од 17 часот.

Канатларовски: Заслуживме бод, момците одиграа многу храбро и со голема пожртвуваност

Тале Кристо — Wed, 17 Nov 2021 07:31:19 +0000

Селекторот на македонската фудбалска репрезентација до 21 година, Драган Канатларовски, по минималниот пораз (0:1) вчеравечер од Франција, рече дека неговите избраници заслужија да освојат бод. Сепак, Канатларовски истакна дека оваа репрезентација на Франција е едно скалило погоре по квалитет во однос на сите други селекции во нашата група. – Оваа француска репрезентација се дели од нашата група по квалитет, има и еден фонд на фудбалери кои поседуваат еден огромен потенцијал и квалитет и играчи кои играат во најсилните европски лиги. Играат по 90 минути, што, за жал, кај нашите фудбалери не е така и не се во подобар ритам, односно немаат минутажа на натпреварите. Примивме несреќен гол, можевме да оствариме подобар резултат, бевме на прагот да и откинеме бодови на Франција, но за жал немавме среќа во завршницата. Можам само да кажам пофални зборови за моите фудбалери, одиграа одличен натпревар, со голема пожртвуваност, вложија голем труд. Покажаа дека со гордост го носат овој дрес и дека се подготвени да дадат се од себе за него. Верувам во оваа репрезентација, верувам во мојот тим, мислам дека поседуваме потенцијал и квалитет и во иднина може да очекуваме уште подобри резултати, истакна Канатларовски. Французите се први на табелата по шест кола во Х-групата со 16 бода, македонската репрезентација е трета со шест освоени бода.

Канатларовски: Mора да се биде реален и да им се честита победата на противникот

Бошко Тасиќ — Tue, 16 Nov 2021 20:23:39 +0000

Фудбалската репрезентација на МАкедонија до 21 година доживеа минимален пораз од големиот фаворит Франција на домашен терен со 1-0. Тренерот Драган Канатларовски ја коментираше средбата по завршување на мечот. „Оваа француска репрезентација се дели од нашата група, не само во група, туку има и еден фонд на фудбалери кои поседуваат еден огромен потенцијал и квалитет и играчи кои играат во најсилните европски лиги. Играат по 90 минути, што, за жал, кај нашите фудбалери не е така и не се во подобар ритам, односно немаат минутажа на натпреварите. Бевме без двајцата играчи од Австралија, повреден беше и Елези, имавме доста голем хендикеп со нивното отсуство. Примивме еден несреќен гол на наша грешка. Ако издржевме уште малку, ќе имавме можност за контра. Наша определба беше да се надигруваме, ама противникот не ни даде простор. Очигледно, доминацијата е присутна кај Франција ако се видат последните резултати. Но, да не примевме таков несреќен гол, можевме да направиме повеќе. Сепак, мора да се биде реален, да се честита победата на противникот. Ни следи еден период и сигурно е дека ќе се потрудиме да направиме еден тренинг-камп и да биде селективен. Веќе во програмата на ФФМ е да биде веднаш по крајот на првенството во македонската лига каде основна група ќе биде 2002 година. Тука ќе придодадам и фудбалери од 2003 и 2004 година. Имаме потенцијал, но, сепак, ние сме финален производ и не зависиме од секојдневната наша работа, ние го црпиме најдоброто, меѓутоа силата ни е многу малку“, изјави Канатларовски.

У21: Канатларовски избра 23 фудбалери за дуелите со Украина и Франција

Ивона Петрова — Tue, 02 Nov 2021 12:52:00 +0000

Предводникот на македонската фудбалска репрезентација до 21 година Драган Канатларовски селектираше денеска 23 фудбалери за претстојните натпревари против Украина и Франција на домашен терен во рамки на квалификациите за пласман на Европското првенство 2023 година. На 11. октомври на тренинг центарот „Петар Милошевски“ ќе гостува Украина, а пет денови подоцна на Националната арена „Тодор Проески“, „црвено – жолтите“ го пречекуваат првиот фаворит во групата Франција. – Не очекуваат два извонредно тешки натпревари против силни и квалитетни селекции. Фокусот е на дуелот со Украина, мислам дека шансата за освојување на три бода треба да ја бараме на овој натпревар. Франција е апсолутен фаворит во групата. Треба да покажеме пред сè квалитет и храбра игра на двата меча. Ќе дадеме се од себе да се претставиме во добро светло пред домашната публика, изјави селекторот Канатларовски за официјалниот сајт на ФФМ. Канатларовски образложи дека за двата претстојни натпревари нема да може да смета на стандардните Стефан Чолаковски и Метју Божиновски, кои не добија дозвола од нивните клубови поради здравствени Ковид-19 ограничувања. Агон Елези, исто така, не е во комбинација за настап поради повреда, а под знак прашалник поради повреда е и фудбалерот на Работнички, Лука Станковски. Повикани фудбалери за дуелите со Украина и Франција: Голмани: Давид Денковски (Брегалница), Марко Алчевски (Академија Пандев), Дамјан Серафимов (Кадино); Одбрана: Филип Антовски (Австрија Виена, Австрија), Блертон Шеји (Шкупи), Славе Маркоски (Охрид), Марио Младеновски (Македонија Ѓ.П.), Адриан Хајдари (Рапид Виена, Австрија), Стефан Наумчевски (Тиквеш), Јован Манев (Брегалница); Среден ред: Иван Николов (Вардар), Димитар Тодоровски (Работнички), Енис Фазлагиќ (Жилина, Словенија), Али Адем (Шкупи), Томче Гроздановски (Дугопоље, Хрватска), Амел Рустемоски (Вил, Швајцарија), Лука Станковски (Работнички), Арби Воша (Македонија Ѓ.П.), Методи Максимов (Работнички), Флорент Рамадани (Шкендија); Напад: Марко Ѓорѓиевски (Шкупи), Емир Скендери (Струга), Марио Илиевски (Септември Софија, Бугарија); Собирот на репрезентацијата е закажан за в недела во Скопје.

Канатларовски го објави списокот на повикани фудбалери за дуелите со Фарски Oстрови и Ерманија

Ивона Петрова — Tue, 28 Sep 2021 09:18:49 +0000

Селекторот на македонската фудбалска репрезентација до 21 година, Драган Канатларовски, денес го објави списокот со повикани играчи за натпреварите со Фарски Острови на 7 октомври во Клаксвик и на 12 октомври против Ерменија во Ереван. Двата дуела се од квалификациските за пласман на Европското првенство 2023 година. На списокот на Канатларовски се најдоа: Голмани: Давид Денковски (Брегалница 2008), Марко Алчевски (Академија Пандев), Дамјан Серафимив (Кадино); Одбрана: Филип Антовски (Австрија Виена, Австрија), Блертон Шеји (Шкупи), Бесир Исени (Струга Трим Љум), Марио Младеновски (Македонија Ѓ.П.), Александар Ѓурковски (Тиквеш 1930), Адриан Хајдари (Рапид Виена, Австрија), Ѓорѓе Јанкулов (Борец), Јован Манев (Брегалница); Среден ред: Бесник Ферати (Академија Пандев), Енис Фазлагиќ (Жилина, Словачка), Али Адем (Шкупи), Томче Гроздановски (Дуго Поље, Хрватска), Амел Рустемоски (Вил, Швајцарија), Лука Станковски (Работнички), Арби Воша (Македонија Ѓ.П.), Емир Скендери (Струга Трим Љум), Методи Максимов (Работнички), Лука Трајковски (Борец); Напад: Давид Тошевски (Горник, Полска) Марко Ѓорѓиевски (Шкупи), Марио Илиевски (Септември Софија, Бугарија). Во првите две кола, избраниците на Канатларовски загубија од Франција и одиграа нерешено со Србија.

Канатларовски: Во репрезентацијата ќе бидат оние кои играат стандардно во клубовите

Бошко Тасиќ — Tue, 24 Aug 2021 15:06:37 +0000

Новиот селектор на младинската фудбалска репрезентација на Македонија до 21 година, Драги Канатларовски го објави списокот на повикани фудбалери за претстојните натпревари од квалификациите за следното Европско првенство. Искусниот стратег на клупата на нашите надежи вели дека со нетрпение ја очекува средбата со фудбалерите и напомена дека место во неговата селекција ќе има само за оние играчи кои настапуваат стандардно во клубовите. „Нов почеток и за мене и за фудбалерите. Со радост и нетрпение ја очекувам средбата со фудбалерите. Оваа генерација започнува нов квалификациски циклус и навистина задоволството и честа да ја предводам се големи, исто како и нашите очекувања од квалификацискиот циклус. На списокот се повикани во моментот најдобрите фудбалери со кои располагаме. Еден од главните услови за да бидат во репрезентацијата е стандардно да настапуваат во своите клубови. Не очекуваат два тешки меча против Франција, тим кој е апсолутен фаворит во групата и домашниот натпревар со Стбија репрезентација која располага со многу квалитетни млади фудбалери. Се надевам дека најпрвин квалитетно ќе ги одработиме подготовките, сите ќе бидат здрави и ќе се борат за место во почетниот состав. Најважно за мене е сите да бидеме во функција на тимот. Очекуваме дека новоповиканите фудбалери Божиновски, Чолаковски и Рустемовски ќе дадат дополнителен импулс на тренинзите и натпреварте и како и сите останати да го дадат својот максимумот и да се бориме за позитивен резултат на воведните два натпревари“, вели новиот селектор. Во стручниот штаб на селекцијата до 21 година се вклучени Шкумбин Арслани и Драган Начевски како помошници на селекторот Канатларовски. Тренер на голмани е Зоран Мицевски, а кондициски тренер Сашо Вељановски. Никола Зердески е тим менаџер во Македонија до 21 година. Собирот на македонската репрезентација е закажан на 29. август (недела). Првиот тренинг е в недела од 18:00 часот на тренинг центарот „Петар Милошевски“ во Скопје

Драган Канатларовски го објави списокот за Франција и Србија

Бошко Тасиќ — Tue, 24 Aug 2021 15:02:05 +0000

Македонската репрезентација до 21 година на почетокот на септември го започнува новиот квалификациски циклус за пласман на Европското првенство 2023 година во Романија и Грузија. Новиот предводник на нашата млада репрезентација, Драги Канатларовски за двата меча од квалификациите за ЕП ќе смета на следните фудбалери: Голмани: Давид Денковски (Брегалница 2008), Марко Алчевски (Академија Пандев_, Стефан Тасев (Македонија Ѓ.П. 1932); Одбрана: Филип Антовски (Австрија Виена, Австрија), Блертон Шеји (Шкупи), Мартин Величковиќ Радуловиќ (Пелистер), Метју Божиновски (Мелбурн Виктори, Австралија), Марио Младеновски (Ботев Пловдив, Бугарија), Бесник Ферати (Академија Пандев), Адриан Хајдари (Рапид Виена, Австрија), Јован Манев (Брегалница);

Средина: Агон Елези (Вараждин, Хрватска), Енис Фазлагиќ (Жилина, Словачка), Али Адем (Шкупи), Томче Гроздановски (Злате Моравце, Словачка), Амел Рустемоски (Вил, Швајцарија), Лука Станковски (Работнички), Арби Воша (Македонија Ѓ.П.), Димитар Тодоровски (Работнички), Методи Максимов (Работнички), Емир Скендери (Струга Трим Љум), Лука Трајковски (Борец);

Напад: Стефан Чолаковски (Мелбурн Сити, Австралија), Марко Ѓорѓиевски (Шкупи), Марио Илиевски (Септември Софија, Бугарија).

Нашата селекција првите два натпревари ќе ги одигра против Франција во Ле Ман на 2 септември и против Србија на 7 септември во Охрид на стадионот „Билјанини Извори“. Собирот на македонската репрезентација е закажан на 29. август (недела). Првиот тренинг е в недела од 18:00 часот на тренинг центарот „Петар Милошевски“ во Скопје.