ВИДЕО: Навивачите на „Црвена Ѕвезда“ се простија од прерано починатиот Драган Крстев

Дарко Андоновски — Thu, 07 Jun 2018 12:47:35 +0000

Навивачите на Црвена Ѕвезда, популарно наречени Делии, денеска на градските гробишта Бутел во Скопје, се простија од нивниот пријател Драган Крстев, во навивачки дух, со навивачка песна и со запалени факели. Видеото е објавено на официјалната ФБ страница на Спона-Културно-информативен центар на Србите во Македонија. Драган Крстев (24) од скопската општина Кисела Вода почина вчера додека играл фудбал на едно од игралиштата во населбата. Момчето се пожалило дека му е лошо и паднало на земја, по што веднаш била повикана брза помош. Лекар, кој бил присутен во близина се обидел да му пружи прва помош, но момчето не покажувало знаци на живот. Крстев бил член на навивачката група „Комити“. На групата „Комити Кисела Вода“ на Фејсбук е напишано: „Нашиот пријател и другар – Драган Крстев, ненадејно го напушти овој свет. Голема трагедија и огромна загуба. Драган беше поим за верност и знаеше како треба да се сака еден клуб. Сочувство до неговата фамилија и најблиските. Почивај во мир, пријателе…“

ФОТО: Ова е момчето кое почина вечерва играјќи фудбал во Кисела Вода

Дарко Андоновски — Wed, 06 Jun 2018 20:42:23 +0000

По веста дека вечерва починало 24 годишно момче додека играло фудбал на игралиште во Кисела Вода, на социјалните мрежи многу пријатели се простуваат од момчето. Станува збор за Драган Крстев кој бил член на навивачката група „Комити“. На социјалните мрежи негови блиски изразуваат сочувство за прерано згаснатиот живот. Лекар, кој бил присутен во близина се обидел да му пружи прва помош, но момчето не покажувало знаци на живот. Лекарите од итната медицинска помош се обиделе да го реанимираат момчето, но тоа и понатаму не покажувало знаци на живот, по што констатирале смрт.

драган крстев – Kurir.mk

ВИДЕО: Навивачите на „Црвена Ѕвезда“ се простија од прерано починатиот Драган Крстев

ФОТО: Ова е момчето кое почина вечерва играјќи фудбал во Кисела Вода