драган милосављевиќ – Kurir.mk

Големиот поддржувач на СДСМ Иванов со јавни закани до новинарите на „Заспиј ако можеш“: „Баш ја чекам вашата бесилка“ (ФОТО)

Магдалена Андонова — Mon, 25 Jul 2022 14:37:54 +0000

Новинарот Зоран Иванов кој заедно со Бранко Тричковски, Ненад Јовановиќ и Катерина Колозова важи за главен апологет и поддржувач на контроверзните одлуки на владата на СДСМ со јавна закана за новинарите на емисијата Заспиј ако можеш. Иванов во дебата на Фејсбук во пост на Драган Милосављевиќ на новинарот Горан Момироски му пишува дека едвај чека да ја види нивната бесилка и тоа јавно. Вакви закани кон новинарите на Заспиј ако можеш Момироски и Милосављевиќ не се нови но за прв пат се случуваат од страна на човек кој бил портпарол на влада на СДСМ, директор на државна агенција во време на СДСМ и претседател на надзорен одбор на државната МИА. Иванов знае дека против Милосављевиќ и Момироски има поднесено две кривични пријави од Агенцијата за разузнавање а самиот Момироски има уште 5 кривични пријави од власта на СДСМ. Кој ќе ги беси јавно Милосављевиќ и Момироски, Иванов не кажува. Апологетот на СДСМ сигурно не мисли на јавно бесење врз основа на досегашните или било кои кривични пријави и најверојатно зборува за некаков друг план кој би се извршил надвор од законот затоа што во Македонија нема законска казна со бесење. Кој ќе ги беси новинарите на Заспиј ако можеш, Иванов ќе мора да каже и пред соодветните органи на државата кои ги контролира партијата СДСМ која тој ја брани. За заканите за бесење засега молчат и ЗНМ и МАН и другите организации на новинари и човекови права.

Милосавлевиќ: Нашиот јазик, идентитетот и историјата ќе ги браниме, нема да дозволиме да се изживуваат со нас

Ивона Петрова — Sun, 03 Jul 2022 19:21:59 +0000

На денешниот протест против прифаќање на францускиот предлог под мотото „Ултиматум-Не благодарам“ пред Владата на Република Македонија се обрати новинарот Драган Милосављевиќ. Тој пред присутните рече дека Бугарите со Македонците се изживуваат само затоа што за сите векови Македонците не им направиле ништо и биле фер соседи, а сега се во име на европските вредности сакаат да не направат да прифатиме нешто што не сме. „Го слушнав претседателот Пендаровски пред два три часа и прв пат отворено рече дека Бугарија две години се изживува со нас. Од целото говорење негово само тоа беше точно. Бугарија се изживува со нас. Зашто се изживува? Затоа што сме соседи, затоа што сме добри и мирни, затоа што сме фер, затоа што за сите овие векови додека живееме заедно не сме им направиле ништо лошо, ништо погрешно, а се изживуваат со нас, не малтретираат, не тероризираат. Зашто? Затоа што не прифаќаме да бидеме нешто што тие сакаат да бидеме. Тоа Чешка не и го прави на Словачка. Тоа Германија не им го прави на Франција, Холандија и на Белгија, тоа нас ни го прават во име на европските вредности. Кој европски вредности? Не може човек ништо да чувствува освен гнев, лутина и бес кога се обидуваат да направат од нас Бугари на сила и да бидеме нивна колонија“, рече Милосављевиќ. Тој исто така рече дека пред да се потпише штетниот договор за добрососедство, со ваквите прашања се расправаа небитни ликови на Бугарската политичка сцена, а после потпишувањето десеткратно се зголемија изживувањата врз Македонија и тоа го прават бугарскиот претседател и премиер. Вели Стево Пендаровски тоа немало врска со договорот за добрососедство и пријателство. Па ако нема врска зошто тогаш во овие последни години откако беше потпишан тој договор за добрососедство десеткратно се зголемија нивните изживувања и малтретирања? Порано тоа го правеа некои небитни ликови на нивната политичка сцена, некои маргиналци, а сега тоа го прави нивниот претседател, нивниот премиер, нивните пратеници и нивните амбасадори, нивната академија на науки и уметности“, истакна Милосављевиќ. „И сега ве молам од овде. Ве молам, ве убедувам да не попуштаме и да го браниме тоа што е наше, нашиот јазик, нашиот идентитет и нашата историја. Наши се тоа е, ќе ги браниме. Но, да ви го кажам ова. Јас можам да ве молам, но има некој што не моли има некој што не убедува, тоа е татковината, а таа наредува“, рече Милосављевиќ. Тој порача дека граѓаните ќе останат посветени во одбраната на националните и државните интереси.

ЗНМ: OJO да ја отфрли кривичната пријава кон Момировски и Милосављевиќ

Ивона Петрова — Fri, 10 Dec 2021 08:54:05 +0000

Здружението на новинари на Македонија (ЗНМ) бара од Основното јавно обвинителство (ОЈО) во Скопје да ја отфрли кривичната пријава од Агенцијата за разузнавање за новинарот Горан Момировски и Драган Милосављевиќ. Пред извесно време Момировски и Милосављевиќ беа поканети за давање исказ во ОЈО а повод за ова е емисијата која се емитува на ТВ Алфа со наслов „Заспиј ако можеш“ од 11ти јануари 2021 година. -Укажуваме дека кривичен прогон кон новинари за дела за кои се предвидуваат повеќе години затвор, посебно од страна на безбедносни структури може дополнително да ја загрозат и така кревката слобода на изразување во нашата земја. Вакви постапки може да се толкуваат како притисок кон јавна критика посебно земајќи во предвид дека оваа емисија е објавена во јануари 2021 година, а засегнатите се повикани на давање на исказ во ОЈО кон крајот на ноември или речиси девет месеци подоцна. Цениме дека новинарите имаат и право и обврска да се занимаваат и со теми кои се поврзани со националната безбедност, почитувајќи ги во целост етичките и професионалните стандарди во работењето и следејќи го јавниот интерес. Доколку Агенцијата за разузнавање или било која друга институција има незадоволство од начинот на кој новинарите или медиумите известуваат за нивната работа ги охрабруваме да ги користат само/регулативните механизми, се вели во соопштението на ЗНМ. Поднесување на претставки до Советот за етика или Советот за чест е најдобар начин да се утврди дали известувањето е во согласност со Етичките принципи и стандарди на новинарската професија. Кривичните тужби кон новинари беа честа пракса во минатото и поради нив Македонија драстично падна на сите кредибилни индекси за слободата на изразување и беше перципирана како држава во која слободата на изразување и правото на информирање е ограничено.

Авторите на емисијата „Заспиј ако можеш“ утре се на распит во Обвинителството

Ивана Ефремовски — Tue, 23 Nov 2021 18:41:38 +0000

Горан Момироски и Драган Милосављевиќ, новинари и автори на емисијата „Заспиј ако можеш“ која се емитува на ТВ Алфа, утре се поканети на распит во скопското Јавно обвинителство. Како што дознава МКД.МК, обвинителството смета дека новинарите треба да дадат некакво појаснување за она што го објавиле уште на 11 јануари годинава, а се однесувало на безбедносните и разузнавачки структури на Македонија. Момироски и Милосављевиќ во Обвинителството ќе престојуваат во различни термини за да дадат исказ за предметот за кој се поканети. Момироски е поканет на пладне, а Милосављевиќ во 13 часот. За МКД.мк Момироски само ни ја потврди информацијата дека утре ќе биде во обвинителството, но не сакаше да даде детали од поканата од Обвинителството пред да види за што се точно се работи.

Милосављевиќ: Додека Бугарите галамат дека ги нарекуваме фашисти, Шилегов предлага улица во Скопје да носи име на член на фашистичка формација

Магдалена Андонова — Wed, 17 Feb 2021 15:09:32 +0000

Градоначалникот Шилегов и екипата предлагат улица во Скопје да носи име на Шуку Халим, делегат на Втората Призренска лига. Другите предлози се дејци од Првата Призренска лига, кои и покрај сета контроверзност, можат да пројдат бидејќи за Албанците се дел од нивната борба за еманципација и слично. Но Халим, некогашен градоначалник на Урошевац, е дел од организација која била формирана во 1943 со помош на германскиот Абвер (тајната служба во време на Втората светска војна), а за возврат шефовите на Лигата му ветуваат на Хајнрих Химлер лично, дека ќе формираат две албански СС дивизии,стои во Фејсбук статусот на Драган Милосављевиќ. - Значи СС дивизии, ако знаете што е тоа! А тие дивизии „работат на случајот“ низ Македонија и Косово со разни „фини“ и „интересни“ средства за формирање на Голема Албанија под покровителство на тогашна фашистичка Германија. Паѓа фашистичката власт во Македонија во 1944 година, паѓа и Лигата. Чисто како идеја: Кога Бугарите галамат дека ги нарекуваме фашисти, колку време ќе им треба во поддршка за своите тези да наведат дека среде Скопје ќе има улица (можеби) со име на човек кој е член на фашистичка формација? Далеко смо догурали, пишува тој.