драган начевски – Kurir.mk

ЕХФ го суспендираше Драган Начевски на две години!

Ристе Здравков — Tue, 12 Sep 2023 12:05:14 +0000

Долгогодишниот ракометен функционер Драган Начевски доби суспензија од Европската куќа на ракометот (ЕХФ) поради приказната која ја објави данска „ТВ2“, за наводно, местење на натпревари. ЕХФ објави конечна одлука и соопшти дека Драган Начевски е суспендиран од ракометот на две години. Како причина се наведуваат прекршувањето на обврските, а тоа е дека Начевски иако ја одбил, ја премолчил непристојната понуда. На снимката на „ТВ2“, јасно се гледа и слуша дека Драган Начевски децидно одбива било какви нерегуларности. Оваа ригорозна казна од ЕХФ е само затоа што Начевски во Виена не пријавил дека добил таква понуда, а истрагата за нерегуларности на ракометните натпревари се уште трае. Воедно, Драган Начевски ќе треба да плати и казна од 5.000 евра.

ЕХФ го суспендира Драган Начевски на две години

Бошко Тасиќ — Tue, 12 Sep 2023 04:16:25 +0000

Драган Начевски, кој долги години беше на чело на Судиската организација на ЕХФ, од денеска и официјално е суспендиран на две години, а ќе мора да плати и парична казна. Оваа одлука доаѓа по неколку месечна истрага покрената поради наводните докази за корупција што ги објави данската телевизија ТВ2. Начевски нема да може да има функција во ниту едно тело на ЕХФ ниту пак да биде дел од било какви активности на оваа организација и ќе мора да плати 5.000 евра казна. Сето ова доаѓа по местенката што ја организираше данската телевизија ТВ2. Најмен актер го поканил Начевски во хотелска соба во Шведска за време на Светското првенство. Тој се обидува да го навлече Македонецот во местење на ракометни натпревари, но нашиот функционер веднаш одбива. Тоа сепак беше доволно за челниците на ЕХФ да го суспендираат Начевски. Случајот е поделен на два дела, а оваа одлука се однесува само на фактот дека тој не го пријавил обидот да биде поткупен или да учествува во местење на натпревари. Останатите правни процедури и истраги во однос на немањето интегритет и обложување и натаму се во тек, велат од европската ракометна централа.

И ИХФ го суспендираше Драган Начевски

Бошко Тасиќ — Wed, 23 Aug 2023 19:33:38 +0000

ИХФ реши да ги следи стапките на ЕХФ и да го суспендира Драган Начевски од натамошно вршење на ракометните функции се до конечната разврска на скандалот во кој е вклучен долгогодишниот македонски судија. Тој во последните години со огромен успех ја вршеше функцијата шеф на судиската организација при ЕХФ, но данската телевизија ТВ2 презентираше докази дека на Начевски му било понудено преку избор на судии да влијае на конечен исход на одредени натпревари. Иако во доказите јасно се гледа дека Начевски одбива да биде дел од такви „шеми“, ЕХФ го суспендираше Македонецот со образложение дека не го пријавил случајот до надлежните органи. ИХФ преку допис до ТВ2 одговори на прашањата на данската телевизија поврзани со Начевски, информирајќи дека Драган а суспендиран од делегатските функции за претстојните големи натпреварувања организирани од светската ракометна федерација. „Господинот Начевски е е суспендиран од ИХФ, по одлуката донесена од ЕХФ. Тој не беше номиниран за СП за играчи до 21 година, како и за У19 мундијалот, кои беа организирани летово. Исто така, Начевски нема да биде во комбинација и за идните настани на ИХФ се до конечните резултати од истрагата што е во тек“, се вели во дописот на ИХФ до ТВ2.

Данска телевизија го „намести“ Начевски, ЕХФ го суспендираше (ВИДЕО)

Бошко Тасиќ — Fri, 07 Jul 2023 05:13:34 +0000

Европската ракометна федерација (ЕХФ) го суспендира Драган Начевски по објавата на данската „ТВ2“ за негово учество во местени натпревари. Во јануари телевизијата објави текст, а потоа и со неколку натпревари за кои се шпекулира дека биле наместени, а во нив бил вклучен и поранешниот македонски судија. „ТВ2“ денеска на својот официјален профил објави и дел од разговорот на Начевски со „кинез“, кој се претставил како бизнисмен, но бил лице ангажирано од самата телевизија. „Знам што сакаш да кажеш, тоа е многу чувствително. Има многу дискусии за обложувањето и работи што се случуваат, но јас нема да бидам премногу вклучен во ова. Не значи дека се плашам, но е малку ризично. ЕХФ следи што се случува и затоа велам НЕ на ваков бизнис во моментов. Да бев помлад и само да бркам пари, дефинитивно ќе размислам за тоа“, вели Начевски. https://sport.tv2.dk/haandbold/2023-07-03-vi-har-ikke-talt-sammen-skjult-kamera-med-dommeransvarlig-vaekker-opsigt?fbclid=IwAR1oRSa3bScEs_EXqQYTV3Go7paVRozFQTeQgB-JZKwlQzv9jHg41HD5kuI

ВИДЕО: Данската телевизија објави снимка од разговорот на Драган Начевски поради кој е суспендиран

Ристе Здравков — Wed, 05 Jul 2023 14:10:06 +0000

Данската телевизија Спорт 2 го објави видеото во кое Драган Начевски и човек кој нему му се претставил како бизнисмен кој сака да внесе кинеска екипа во СЕХА лигата. Во текот на разговорот, „бизнисменот“ кој всушност е човек на телевизијата ја споменува темата за местење натпревари и вели дека има добри конекции во Азија. Начевски одбива да се нафати на догвор за ваквата шема, но данската телевизија ја извеситла ЕХФ дека тој всушност не се одградил доволно во текот на разговрот. ЕХФ покрена истрага и го суспендираше Начевски од должноста во федерацијата. Данската телевизија во текстот објаснува дека за Начевски добиле повеќе индиции кој долги години назначува судии за најголемите европски натпреварувања. Снимката е направена во 2020 година за време на Европското првенство во Шведска. Текстот и видеото на следниот ЛИНК.

ЕХФ го суспендираше Начевски, осомничен е за местенки

Ристе Здравков — Fri, 26 May 2023 12:46:04 +0000

Скандалозна информација пристигнува од Виена, откако раководството на ЕХФ реши да го разреши од должноста Македонецот Драган Начевски, поради сериозен сомнеж за вмешаност во местење на натпревари. Европската куќа на ракометот соопшти дека одлуката е донесена по последните информации добиени од данската телевизија ТВ2 на 23 мај. Според овие информации, на состанок одржан во јануари 2020, Драган Начевски и наводен бизнисмен, кој се претставувал дека има намера да стартува кинески тим во СЕХА-лигата, навозно разговарале и за темата за местење на натпревари, за што ТВ2 има видео и аудио доказ. Данската телевизија ги информирала челниците на ЕХФ дека Драган Начевски на овој состанок повеќе пати ја одбил понудата да соработува во местење на натпревари, но според доказите, не се дистанцирал доволно од целиот случај со што испратил погрешни сигнали. Покрај тоа, повикувајќи се на анонимен извор, неофицијално станува збор за поранешен меѓународен судија, за ТВ изјавил дека Драган Начевски преку друго лице побарал од него да влијае врз исходот на натпревар. Во својата изјава до ЕХФ, Начевски писмено ставил до знаење дека никогаш не бил дел од било какво местење на ракометни натпревари. Како што информираат од ЕХФ, иако обвинувањата од ТВ2 не можат во целост да бидат проверени, за да се заштити интегритетот на ракометниот спорт Извршниот комитт при ЕХФ донел одлука да го разреши Драган Начевски на неопредено време, Целиот случај бил предаден до одговорните инстанци во ЕХФ кои ќе ја продолжат истрагата, а исто така е испратен и до австриската федерална полиција.

Драган Начевски кандидат за наградата за животно дело „Осми септември“

Ристе Здравков — Fri, 02 Sep 2022 13:23:45 +0000

Структурите на Ракометната федерација на Македонија (РФМ) денес ја одржаа планираната седница на Управниот одбор на која донесоа неколку одлуки. Едната од одлуките на Управниот одбор беше да се верификува предлогот според кој прославениот поранешен судија Драган Начевски ќе биде предложен за државната награда „Осми септември“. Ова е признание за животно дело и придонес во спортот, сегменти во кои Начевски котира високо. Одлуката ја поддржа и првиот човек на Ракометната федерација на Македонија (РФМ), Живко Мукаетов, кој нагласи дека е горд што Македонија има име како Драган Начевски. Во моментов екс-арбитрот кој беше дел од судискиот пар Драган и Марјан Начевски, работи како главен на судиската комисија при Европската ракометна федерација, позиција на која го има својот трет мандат. Покрај тоа Драган Начевски редовно е и делегат на натпреварите под капата на Европската ракометна федерација (ЕХФ), но и Светската ракометна федерација (ИХФ).

Начевски и Николов ќе го судат мечот за титулата во Битола

Бошко Тасиќ — Thu, 28 Apr 2022 18:50:18 +0000

Големото ракометно дерби меѓу Еурофарм Пелистер и Вардар, меч кој е да се биде или не за двете екипи, меч кој ќе даде одговор кој ќе биде шампион на Македонија без разлика на тоа што потоа има уште три кола до крајот на шампионатот. Добро е познат квалитетот на останатите тимови во првенството и треба да се случи вистинско чудо , па средбата во Битола да не биде одлучувачка, односно пехарот да се решава по таа недела битка која сосема очекувано ќе ја судат Ѓорѓи Начевски и Славе Николов. Најдобрите наши судии ја добија довербата и ќе треба да се погрижат се да биде во најдобар ред во мечот кој сигурно ќе има тензија, нервоза, многу борба, дуели. Делегат на натпреварот ќе биде Дарко Камишевски, а контролор Камер Металари.

Нова дерби пресметка на ЕП за Славе Николов и Ѓорѓи Начевски

Бошко Тасиќ — Fri, 21 Jan 2022 20:22:26 +0000

Македонските ракометни судии Славе Николов и Ѓорѓи Начевски ќе го имаат својот трет ангажман на Европското машко ракометно првенство. Тие се делегирани од ЕХФ за дерби пресметката меѓу Франција и Иланд која ќе се одигра во „МВМ Дом“ во Будимпешта, в сабота од 18:00 часот. Утрешната средба на Франција и Исланд може да биде одлучувачка бидејќи со победа на било која од двете екипи ќе биде сигурен пласман кон полуфиналето на ЕП

Николов – Начевски ќе судат , Драган Начевски ќе делегира на “Супер Глоуб”

Бошко Тасиќ — Tue, 05 Oct 2021 19:06:09 +0000

Натпреварувањето во Саудиска Арабија на кое се собрани клубови од целиот свет за титулата Супер Глоуб денеска го има својот старт. Македонија има свој претставник помеѓу судиите и делегатите. Меѓу судиите веќе е добро познато дека преставници ќе бидат Ѓорѓи Начевски и Славе Николов, додека Драган Начевски ќе биде меѓу делегатите. Ова е уште едно издание на кое Македонија повторно има свои претставници откако во 2017 и 2019 година тимот на Вардар двапати го освои 3. место