драган павловиќ латас – Kurir.mk

Латас: Победата на ВМРО-ДПМНЕ на изборите воопшто не е спорна, СДСМ ќе има помалку од 200.000 гласови па затоа се прави цел инженеринг како ДУИ да остане во власт заради бизнисите

Ивона Петрова — Tue, 24 Oct 2023 18:02:36 +0000

Христијан Мицкоски и Александар Николоски зборуваат со многу повеќе факти и имаа неколку емисии на тоа. Се прави цел инженеринг како ДУИ да остане во власт, ДУИ за СДСМ не се грижи ни 2% ги пуштаат низ вода, а отвориш нешто за Али Ахмети одма имаш за СДС они отвораат контри па делат по новинари пошто ги имаат документите, имаат повеќе министри во Влада и многу лесно доаѓаме до тие факти и акти. Тие се пуштени низ вода ДУИ знае дека не може да освои пратеници колку што во моментов доминира во Собрание туку да освои клуч кој е неопходен за влада и тоа е тој цел филм“, истакна новинарот Драган Павловиќ Латас во вечерашното гостување во емисијата „За или Против“ на Телевизија Алфа. Тој посочи дека Ковачевски е залутан човек во политиката, кој одработува со Зоран Заев да го заборават Зоран Заев, како и да ги заборават бизнисите што го има со албанското лоби за оранжериите за марихуана кој не ги исполни плановите и не им даде закон за извоз на цвет од марихуана и масло. -По овие избори СДСМ ќе има помалку од 200.000 гласови односно 20 пратеника, и партијата што се е мафија врзано со неа ќе дојде по наплата и ќе се разбегаат шефовите и луѓе кои немаат поим со политика. Таа партија ќе паѓа и паѓа, истакна Латас. Тој е дециден дека 60% од членовите во СДСМ имаат негативно мислење за Димитар Ковачевски, бидејќи вели тој е лик во филмот кој никој не го забележал. -ВМРО-ДПМНЕ предводен од Мицкоски никој не спори дека ќе победи на избори тоа е прашање дали ќе е минимум од 55-56 пратеника или максимум од 61-62 пратеника. Народот треба да гласа за себе, повеќе верувам во факти и бројки. Мицкоски веќе има профилација на јавноста и своите бројки ги базира на наука и стручност и ништо не збори на памет и да кажува вицови, заклучи Павловиќ Латас.

Латас: Анкетата на Стратум е нерелевантна и е направена по партиска нарачка, оваа влада ги брои последните 100 дена

Катерина Бојаџиева — Mon, 09 Oct 2023 18:53:21 +0000

Мене не ме изненадува со оглед дека тоа е Агенција која добила пари од Фондот за иновации. Фондот за иновации знаеме дека е една од институциите која беше меѓу најмногу прозиваните за корупција за делење на пари на медиуми и новинари блиски до власта, вели новинарот Драган Павловиќ Латас за направената анкета од Стратум објавена во неделникот Фокус во вечерашното гостување во емисијата Само вистина на Канал 5 телевизија. Според Павловиќ Латас, анкетата на Стратум е нерелевантна, бидејќи како што рече кога се анкетите во прашање за една анкета да е релевантна мора да се направи сублимат од повеќе анкети за исти или слични прашања и потоа да се земе просекот. И вториот пристап кој според него е важен на сето тоа да се додадат анкетите од странските институции кои имаат силен мониторинг врз процесот на анкетирање и применуваат методи кои се во Европа и САД. Јас кога се анкетите во прашање имам два пристапа. Прво, мора повеќе анкети од повеќе извори, да се направи некаков сублимат и да се извлече некаков просек, доколку има исти или слични прашања. А второ, мора кон тоа да се додадат анкетите од странските институции кои имаат силен мониторинг врз процесот на анкетирање и применуваат методи кои се во Европа и САД релевантни, истакна Павловиќ Латас. Павловиќ Латас рече дека другите анкети покажуваат се слични бидејќи покажуваат голема предност за ВМРО-ДПМНЕ во однос на СДСМ, додека лидерот на опозицијата Мицкоски веќе 2 години според сите анкети е политичар со најголема доверба. Според тие анкети, надвор од оваа на Статум или Фокус, имаме единствени резултати, да кажам многу слични, односно дека ВМРО-ДПМНЕ е некаде двојна предност, а некаде близу двојна предност во однос на СДСМ, од една страна. И од друга страна Мицкоски е веќе 2 години политичар со најголема доверба во јавноста, кажа тој. Латас потенцираше дека за разлика од претходно кога Мицкоски имал мала предност пред поранешниот лидер и премиер на Зоран Заев, сега има убедлива предност пред сегашниот лидер на СДСМ и премиер Димитар Ковачевски. Претходно беше мала предност на Мицкоски пред Заев. Но, сега е убедлива предноста на Мицкоски пред Ковачевски, нагласи Латас. Според Латас анкетата на агенцијата Стратум е нерелевантна и е направена по партиска нарачка на власта за која што рече ги брои последните 100 дена. Значи зборувам за анкетите од Демократскиот американски институт, и од другите странски агенции. Така што оваа на Стратум е исклучок од другите 10 анкети, јас не можам да ја сметам за релевантна, освен по партиска нарачка за власта која како и да гледаш ги бори последните 100 дена, смета Павловиќ Латас.

Латас: Одговорноста за проблемите е во Владата, на следните избори СДСМ ќе има помалку од 200,000 гласа

Тале Кристо — Mon, 09 Oct 2023 17:57:47 +0000

„Проблемите за кои граѓаните се соочуваат се во здравство, економија, образование, полиција, судство и обвинителство сето тоа е одговорност на Влада и тука завршува приказната разговор за проблемите чиј се и кој треба да ги реши. Тоа треба да го реши Владата, а опозиција може да даде свои предлог, а може и да не даде, може да го чува за предизборна кампања“, истакна новинарот Драган Павловиќ Латас во денешното гостување во емисијата „Само Вистина“ на Канал 5 Телевизија. Тој додаде дека се зборува дека е цел Свет во криза, но не е цел Свет во криза исто како што е Македонија. „Никаде во Свет, никаде на Балкан не се издадоа 220 пасоши на Балкански криминалци како што во Македонија. Македонија има 18% инфлација, а Европа има 4,8%, што значи не увезена инфлација, него Македонија си има свои причини било кое министерство да го земеме сега на маса тука дали било учебниците во образование и друго, дали било РЕК Битола тендерите кои сега се, дали Коридорот 8 кој почна да се плаќа, а не е ни почнат, сето тоа е одговорност на Влада и на избори Владата ќе си одговара за тоа, нема што Мицкоски да одговара за тоа кога ВМРО-ДПМНЕ е 7 години во опозиција, ќе си одговараат сегашните министри“, изјави Павловиќ Латас. Тој истакна дека понудата на СДСМ е во фаза на реализација, а од таа програма веќе се гледаат кои се резултатите. Според Павловиќ Латас СДСМ нема да има 200,000 гласа , односно ќе има помалку од 200,000 гласа на овие избори. „Не постои министерство кое не е спорно со проблеми кои ги нема на Балканот. Дали ќе споредите инвестиции, иселување, немање учебници, издавање пасоши. Каде тоа на Балканот се сликаат претседатели, премиери, министри со нарко дилери и каде тоа соработуваат, гледате преписки, заеднички фотографии итн. Никаде на Балканот го нема, нема ни на Косово, никаде го нема само во Македонија“, вели Павловиќ Латас. Тој посочи дека на изборите одговара власт, секаде во светот па и кај нас. „Ако некој не е задоволен како тоа се решаваат одредени сегменти за кои се надлежни Собрание, Министерства, Суд, Обвинителство тогаш не е задоволен од власта и не може тој да биде незадоволен од опозицијата“, кажа Павловиќ Латас. Според Павловиќ Латас првата грешка на власта е корупцијата, а втората владеењето на правото „Првата грешка на власта е корупцијата, степенот на корупција според извештајот со исказ на антикорупциска е дека секоја година е поголема. Во времето на ВМРО-ДПМНЕ исто така имавме мониторинг од „Греко“ и „Транспареси“ и од 60-то место до 130-то место има разлика во корупцијата. Во степенот на корупција е тоа, во износот на корупција Македонија денес има Буџет кој е 3 милијарди поголем од времето на ВМРО-ДПМНЕ, а нема ниту едно сокаче изградено ново во државава, нема едно школо кое го изгради Општина Центар останува тука да се памти, нема ништо, парите ги нема.“, рече Павловиќ Латас.

Латас и Лазаров не се чувствуваат виновни

Ивана Ефремовски — Mon, 19 Jun 2023 08:55:29 +0000

Во Основниот кривичен суд, новинарот Драган Павловиќ Латас и инфлуенсерот Стефан Лазаров, обвинети за кривичното дело „ширење на расистички и ксенофобичен материјал по пат на компјутерски систем“ денеска изјавија дека не се чувствуваат виновни за делото што им се става на товар. Латас пред Судот рече дека не се чувствува виновен и дека обвинението е тенденциозно. - Не се чувствувам виновен за поднесеното обвинение бидејќи сметам дека е тенденциозно, под притисок на мала група луѓе кои себе се дефинираат како јавност, во соработка со директорот на јавната полиција, односно Бирото за јавна безбедност и премиерот Димитар Ковачевски кој заедно со претходно спомнатите, однапред, и пред да се донесе обвинението, обвинија и јавно пресудија, рече Латас. Не се смета за виновен бидејќи, како што рече, во самото обвинението се цитира реченицата во која е нагласен мотивот за да се напушти средината со такви појави. - Исто така, не се сметам за виновен, бидејќи ниту во самата емисија, која раскажува животен пат на момче од сиромашна средина, до ниво на познат и признат новинар, постојат разни фази, случки и мотиви да се напушти таа средина и оствари нешто ново. На крај, токму реченицата која се цитира во обвинението е нагласен мотивот за да се напушти средината со такви појави и се премине на нешто друго, друг живот, рече тој. Обвинетиот Стефан Лазаров, исто така, изјави дека не се чувствува виновен. - Самите две минути, според мене, се извадени од контекст. Сметам дека треба да се помине целата емисија за да се увиди мотивот на гостинот. Искажан став не значи и искажана ситуација која што се случила некогаш во неговиот живот, а моето смеење на истата не значи дека оправдувам и промовирам насилство врз жени, рече тој. Рочиштето продолжи со изведување на докази од Обвинителството при што беше изведен делот од подкастот на кој обвинителството го темели обвинението. Според обвинетиот Латас, овој доказ не е целосен бидејќи недостасува целата емисија во која се состои контекстот. Како што рече, обвинителот не може да оценува и проценува што е смеење. - Какво е тоа смеење и кои се целите на тоа смеење, што спаѓа во рамки на друга струка за која вообичаено и во процеси на клевета, се бара мислење од стручно лице психолог или психијатар кој оценува дали и какви смеење има, вели тој, нагласувајќи дека тоналитетот на неговото смеење бил ист низ целата емисија, како и во конкретниот дел изведен од обвинителството. На ова обвинителот одговори дека при изведувањето не извршил проценка на нивното смеење, туку само навел дека тие се смеат. Според обвинението, двајцата обвинети, преку компјутерски систем ширеле расистичка и ксенофобична репрезентација на идеја која промовира насилство спрема жени, со што предизвикале реакции и чувство на згрозеност и вознемиреност во јавноста. – Првообвинетиот, гостувајќи во интервју објавено на 14 февруари како поткаст на Јутјуб канал на второобвинетиот, јавно промовирал чин на полово насилство, евоцирајќи спомени од неговото наводно минато, без да изнесе морална осуда или каење, со тоа свесно промовирајќи го таквото насилничко однесување. Второобвинетиот, иако бил свесен за влијанието што го има содржината што ја емитува особено меѓу младата популација, сепак не го спречил или прекинал соговорникот, туку дополнително го наведувал со коментари и потпрашања да го прераскажува спорниот настан, стои во соопштението на обвинителството. На Латас, Кривичниот суд му одреди превентивна мерка заради присуство, односно привремено одземање на патната исправа односно забрана за нејзино издавање и забрана за преземање определени работни активности поврзани со кривичното дело, односно забрана за јавен настап со кој се промовира ширење расистички и ксенофобичен материјал, додека на Лазаров му одреди забрана за јавен настап. Според Кривичниот законик, тој што преку компјутерски систем во јавноста шири расистички и ксенофобичен пишан материјал, слика или друга репрезентација на идеја или теорија која помага, промовира или поттикнува омраза, дискриминација или насилство, против кое било лице или група, врз основа на раса, боја на кожа, национално или етничко потекло, како и верско уверување, ќе се казни со затвор од една до пет години. Процесот го води судијката Диана Груевска Илиевска, а застапник на обвинението е обвинителот Даниел Коцев. (МИА)

Судењето против Латас и Лазаров одложено за 19 јуни

Тале Кристо — Wed, 10 May 2023 09:00:26 +0000

Судењето против новинарот Драган Павловиќ Латас и инфлуенсерот Стефан Лазаров, обвинети за кривичното дело „ширење на расистички и ксенофобичен материјал по пат на компјутерски систем“, се одложи за 19 јуни, откако одбраната побара да им се достават во целост доказите со кои располага Обвинителството со цел да можат да ја комплетираат одбраната. Првообвинетиот Латас посочи дека сака транскрипт на содржината од цедињата кои се докази во предметната постапка на што претставниците од Обвинителството рекоа дека обвинетите имале доволно простор да ги побараат сите потребни докази од нив, но дека немаат ништо против нивното барање, во однос на побараниот транскрипт, иако истакнаа дека нема потреба од тоа, додека за доказите кои се однесуваат на документирање на Јутјуб каналот на Лазаров и неговиот профил на Фејсбук обвинителот посочи дека истите не содржат говорен материјал. Првообвинетиот побара да се приложи целата емисија која е предмет на обвинение со цел да не биде извадена од контекст. -Целата емисија може да даде заклучок, а не само изваден контекст од една минута и тоа коментиран како своја лична проценка, како смеа, рече Латас. Одбраната остана на ставот да им се достават сите потребни докази за да можат да ја комплетираат одбраната. Случајот го води судијката Диана Груевска Илиевска, која рече дека одбраната имала доволно време да ги побара сите докази кои им се потрени, но за да не се повреди правото на одбрана, рочиштето ќе биде одложено. Според обвинението, двајцата обвинети преку компјутерски систем ширеле расистичка и ксенофобична репрезентација на идеја која промовира насилство кон жените, со што предизвикале реакции и чувство на згрозеност и вознемиреност во јавноста. На Латас, Кривичниот суд му одреди превентивна мерка заради присуство, односно привремено одземање на патната исправа односно забрана за нејзино издавање и забрана за преземање определени работни активности поврзани со кривичното дело, односно забрана за јавен настап со кој се промовира ширење расистички и ксенофобичен материјал, додека на Лазаров му одреди забрана за јавен настап.

Судењето против Латас и Лазаров се одложи за 10-ти мај

Ивана Ефремовски — Mon, 27 Mar 2023 09:43:52 +0000

Судењето против новинарот Драган Павловиќ Латас и инфлуенсерот Стефан Лазаров, обвинети за кривичното дело „ширење на расистички и ксенофобичен материјал по пат на компјутерски систем“ се одложи за 10 мај, откако одбраната на првообвинетиот, поради обврски со друг предмет од организиран криминал и корупција и барање за увид во списите денеска побара одложување на процесот. Според обвинението, двајцата обвинети преку компјутерски систем ширеле расистичка и ксенофобична репрезентација на идеја која промовира насилство спрема жени, со што предизвикале реакции и чувство на згрозеност и вознемиреност во јавноста. – Првообвинетиот, гостувајќи во интервју објавено на 14 февруари како поткаст на Јутјуб канал на второобвинетиот, јавно промовирал чин на полово насилство, евоцирајќи спомени од неговото наводно минато, без да изнесе морална осуда или каење, со тоа свесно промовирајќи го таквото насилничко однесување. Второобвинетиот, иако бил свесен за влијанието што го има содржината што ја емитува особено меѓу младата популација, сепак не го спречил или прекинал соговорникот, туку дополнително го наведувал со коментари и потпрашања да го прераскажува спорниот настан, стои во соопштението на обвинителството. На Латас, Кривичниот суд му одреди превентивна мерка заради присуство, односно привремено одземање на патната исправа односно забрана за нејзино издавање и забрана за преземање определени работни активности поврзани со кривичното дело, односно забрана за јавен настап со кој се промовира ширење расистички и ксенофобичен материјал, додека на Лазаров му одреди забрана за јавен настап. Според Кривичниот Законик, тој што преку компјутерски систем во јавноста шири расистички и ксенофобичен пишан материјал, слика или друга репрезентација на идеја или теорија која помага, промовира или поттикнува омраза, дискриминација или насилство, против кое било лице или група, врз основа на раса, боја на кожа, национално или етничко потекло, како и верско уверување, ќе се казни со затвор од една до пет години. Процесот го води судијката Диана Груевска Илиевска, а застапник на обвинението е обвинителот Даниел Коцев. (МИА)

Во Кривичен треба да започне судењето против Латас и Лазаров

Ивана Ефремовски — Mon, 27 Mar 2023 09:05:21 +0000

Во Основниот кривичен суд Скопје денеска треба да започне судењето против новинарот Драган Павловиќ Латас и инфлуенсерот Стефан Лазаров, обвинети за кривичното дело „ширење на расистички и ксенофобичен материјал по пат на компјутерски систем“. Според обвинението, двајцата обвинети преку компјутерски систем ширеле расистичка и ксенофобична репрезентација на идеја која промовира насилство спрема жени, со што предизвикале реакции и чувство на згрозеност и вознемиреност во јавноста. -Првиот обвинет, гостувајќи во интервју објавено на 14 февруари како поткаст на Јутјуб канал на вториот обвинет, јавно промовирал чин на полово насилство, евоцирајќи спомени од неговото наводно минато, без да изнесе морална осуда или каење, со тоа свесно промовирајќи го таквото насилничко однесување. Вториот обвинет, иако бил свесен за влијанието што го има содржината што ја емитува особено меѓу младата популација, сепак не го спречил или прекинал соговорникот, туку дополнително го наведувал со коментари и потпрашања да го прераскажува спорниот настан, стои во соопштението на обвинителството. На Латас, Кривичниот суд му одреди превентивна мерка заради присуство, односно привремено одземање на патната исправа односно забрана за нејзино издавање и забрана за преземање определени работни активности поврзани со кривичното дело, односно забрана за јавен настап со кој се промовира ширење расистички и ксенофобичен материјал, додека на Лазаров му одреди забрана за јавен настап. Според Кривичниот Законик, тој што преку компјутерски систем во јавноста шири расистички и ксенофобичен пишан материјал, слика или друга репрезентација на идеја или теорија која помага, промовира или поттикнува омраза, дискриминација или насилство, против кое било лице или група, врз основа на раса, боја на кожа, национално или етничко потекло, како и верско уверување, ќе се казни со затвор од една до пет години. Процесот го води судијката Диана Груевска Илиевска. (МИА)

ВИДЕО: Латас откри дека има ТЕТОВАЖА од девојката со која прв пат имал односи, кажа какво мислење има за Димитар Апасиев и Васко Ефтов…

Ристе Здравков — Wed, 15 Feb 2023 10:01:25 +0000

Новинарот Драган Павловиќ-Латас вчера беше гостин во подкастот на Јутјуберот, Стефан Лазаров. Ова воедно беше и прв подкаст на Лазаров, а Латас како и обично направи шоу, а откри и работи од неговиот приватен живот кои досега не сме ги знаеле. Латас откри на колку години го имал првото сексуално искуство, како ја оставил српската пејачка Светлана Цеца Ражњатовиќ на сред вечера, но и дека има тетоважа од неговата прва сексуална партнерка. Во подкастот на Лазаров, Латас нормално не изостави и политички теми, откири какво мислење има за Васко Ефтов, Бранко Геровски но и за Димитар Апасиев. Повеќе детали погледнете во видеото:

Латас: СДСМ и ДУИ даваат 15 милиони евра за невладини, ама не даваат пола или едно евро повеќе за храна за студенти

Дарко Андоновски — Tue, 29 Nov 2022 21:20:18 +0000

Она што прави промени и што е причина за вонредни избори е корупција, непотизам, немање пари, немање вработувања, енергија здравство. Причина е што студентите бараат пола евро на ден да им даде државата, ВМРО-ДПМНЕ бара едно евро на ден за храна за студентите плус, а држава не ги дава, изјави за „Само вистина“ на Канал 5, новинарот Драган Павловиќ Латас. Латас посочи дека тоа се околу милион и 800 илјади евра кои власта не сака да ги даде за студентите, а во исто време ќе одвои 15 милиони евра за невладини од кои дел работат за СДСМ и ДУИ. - За да се знае за каква сума се работи 5.000 студенти има во студентски домови, тоа е 30 дена по едно евро, 150.000 евра месечно или 1 милион и 800 илјади евра годишно, ако им качиш едно евро, а не пола евро како што бараат скромно. Од друга страна имаш буџет за невладини организации кои пола служат за политиката на СДСМ и ДУИ, и тоа од 15 милиони евра. 15 милииони од кои дел ќе заминат за партиски потреби, а не даваш милион и 800.000 евра за студентите за храна, истакна Латас. Латас посочи дека вакви работи се причина за избори, но власта ја форсира темата дека ако се реши проблемот со Бугарија ќе се реши се. „Македонија има проблем со корупцијата и логичко решение се предвремени избори. Изборите се причина да се промени системот, не само власта. Никогаш како сега немало кпрупција, никогаш граѓанскиот интерес искажан низ студенти, образование, низ градски сообраќај, здравство не е загрозен како сега“, рече Латас

Латас: Македонија има проблем со корупција, тоа го кажа и американската амбасадорка која најави борба против корупција

Ристе Здравков — Tue, 29 Nov 2022 19:05:21 +0000

Македонија има највисок степен на корупција во регионот, а корупција е основен проблем зошто не ве примаат во ЕУ. Тоа го кажа и американската амбасадорка. Уште пред да биде именувана, односно пред да дојде во Скопје, нејзината главна цел е да се влијае на намалување на корупција, на што имаат право, затоа што тие имаат право како наши најголеми промотери. Ако се борам за тебе по странски институции имам право да барам да исполниш услови да имам образ и аргумент да ги штитам твоите интереси, изјави новинарот Драган Павловиќ Латас за „Само вистина“ на Канал 5. Тој посочи дека денеска беше објавена вест дека на судењето во Белград за најмонструозната криминална група на Веља Беливук излегува сведок и кажува како се купувани пасоши од Македонија. - Се работи за тие над 200 пасоши кои ги издаде МВР, а за кои одговараа службеници, за издавање на фалсификување исправа, дека се плаќани 30.000 евра. 200 пасоши се 6 милиони евра. Дека како посредник се јавува извезен Роко, за кого нема име кој ги земал парите и за возврат добивале нарко дилерите пасоши. Се работело за цел систем, а не за инцидентен случај, рече Латас. Латас нагласи дека во Америка да државен службеник од висок ранг кој работи во нивното МВР или Германија го фатиле со 6 милиони корупција, кајшто издавал државен документ со меѓународно значење како пасош, тука целиот систем паѓа и доаѓаат нови луѓе. - Македонија има проблем со корупција и непотизам и тука не можеме да зборуваме за Европска Унија. Сите земји кои пропаднаа досега имале висок степен на корупција. Ние со Тиранската платформа и Шарена револуција ја изгубивме државата. Сега што се случува на тие кои ја спроведуваат Тиранската платформа, а тоа е ДУИ и тие кои правеа Шарена револуција за преземање на власт без победа на избори им е се дозволено, истакна тој. Латас додаде дека сега гледаме како американска амбасадорка вели дека нејзината активност ќе биде во борба против корупција. - Како ќе се бориш со власт ако остане истата која е прва по корупција во регионот. Прво треба да се смени власт па после да зборуваме за борба против корупција, изјави Латас.