драган спасов дац – Kurir.mk

„Ноќ на големите срца“ – Хуманитарен настан на Дац и Александар за помош на семејството Трајковски од Бутел

Ивона Петрова — Fri, 15 Jul 2022 11:42:22 +0000

Александар Митевски и Драган Спасов Дац се приклучуваат кон хуманитарните акции за помош на семејството Трајковски кое ја загуби куќата при пожар. „Ноќ на големите срца“ е хуманитарен настан кој ќе се одржи денеска со почеток од 21 часот на игралиштето на ФК Локомотива – до А1 арената „Борис Трајковски“, на кој ќе настапат Александар Митевски и Дац. -Ќе се дружиме и ќе собираме средства за опожарената куќа на семејството Трајковски од Бутел. Со влезницата од 300 денари ќе направите добро дело, хумана работа. Нека биде тоа "Ноќ на големите срца", дојдете, ќе пееме за сите вас, порачаа Дац и Александар. Влезниците може да се набават на самиот влез или онлајн, на „Купи карти за се“. Собраните средства од хуманитарниот настан ќе се уплатат за изградба на семејната куќа на семејството Трајковски од Општина Бутел, која го изгуби својот дом во пожар.

Новите кумови и здравичарот Дац, Митевски и Цветин порачаа: Уметноста ќе ја победи пандемијата

Магдалена Андонова — Thu, 06 Jan 2022 11:39:05 +0000

Желби за здравје, љубов, насмевки, мир во домот и во семејствата, слога и почитување, упатија од денешната традиционална бадникова прослава поглаварот на МПЦ г.г. Стефан, новите кумови Драган Спасов – Дац и Александар Митевски, здравичарот Живко Поповски – Цветин, како и минатогодишниот кум д-р Никола Пановски и минатогодишниот здравичар д-р Миодраг Врчаковски. -Убав е денов, уабво почна и годината, со сонце. Актер, музичар и ликовен уметник, тоа сме ние тројца. Тука сме и искрено се надевам дека пандемијата ќе биде победена од уметноста, изјави Дац откако претходно во Соборниот храм заврши церемонијата по повод осветувањето на бадниковата погача. Според него, убаво е да си кум на бадникарите кои се прекрасни луѓе и ја одржуваат традицијата. -Сум бил неколку пати тука, на оваа бина, како пејач, но сега сум тука и како кум. Многу ми е драго што ќе ја продолжиме оваа тадиција со Дац. Ќе гледаме да ја стивнеме короната, да прваиме убави акции и песни. На сите граѓани им поскаувам добро здравје, а бадниковите гранчиња што ќе ги поделиме да донесат мир и спокој, нагласи Митевски. Пред присутните се обрати и Пановски, напоменувајќи дека најголема чест за него досега е тоа што имал можност да биде кум на манифестацијата. -Застанв во редот со великаните на моето Скопје кои изминатите години биле кумови или здравичари на оваа манифестација. Се запознав со прекрасни луѓе, од највозрасни кои ја создале манифестцаијата, до културни и воспитани млади луѓе. Минатата година многу граѓани бараа од државата, градот и еснафските здруженија да добијам некаква награда или благодарница за тоа што придонесував со совети за КОВИД-от, а јас има одговарав дека веќе ја добив таа чест со тоа да бидам бадникар, ништо повеќе не ми треба, рече Пановски. Се докажа, дополни минатогодишниот кум, дека религијата ја цени науката. -Религијата и науката можат и мора да делуваат заедно, особено во вакви тешки времиња. Оваа година сите тројца, и двајцата кумови и здравичарот, се уметници и хуманисти. Голема чест за мене е што на вакви личности им ја предваам оваа чест. Минатата беше најтешка година во историјата на државата и се надеваме, се молиме да не се повтори, потенцира Пановски. Според него, Дац и Александар внесоа оптимизам, твореа кога многу нивни сограѓани паднаа во депресија и нивната порака беше јасна – не се предавајте. -Ова нека биде година на творештво и на будење, подвлече Пановски. На традиционалната прослава присуствуваше и градоначалничката Данела Арсовска. Таа на кумовите, но и на сите граѓани им посака бериќет и годинава, како што рече, да биде многу подобра од минатата. -Посакувам здравје, успех, да се сакаме повеќе, благосостојба, но и како што спомна архиепископот, сакањето и почитувањето да бидат одраз на христијанството секој ден од годината. Да бидеме хумани, да помагаме, да си бидеме подадена рака еден на друг, годината да ја поминеме многу подобро од онаа што замина, рече Арсовска. Церемонијата пред СОборниот храм заврши со песна на Врчаковски. -Знам дека се ова што се случуваше ќе се преточи во стихови и музика, но јас исто така лани направив нешто мое, моја божиќна песна, истакна минатогодишниот здравичар. Традиционалната прослава на Бадник пред Соборниот храм се одвиваше согласно сите КОВИД протоколи.

Дац иронично се пошегува за финансирањето на промена на полот со државни пари (ФОТО)

Катерина Бојаџиева — Thu, 27 Jun 2019 17:28:22 +0000

Актерот Драган Спасов- Дац на својот Фејсбук профил сподели статус во врска со најавата на министерот за здравство Венко Филипче дека операциите за промена на полот отсега ќе бидат на товар на Фондот за здравство, а нема да се плаќаат приватно како досега. -Тетка ми имаше проблеми со кичмата и требаше да се оперира ама операцијата беше прескапа. Затоа реши да си го промени полот бидејќи оваа операција ја покрива фондот. И понатаму ја мачи кичмата, ама сега ја боли к*р. Ќути и трпи, пишува Дац, кој иронично се пошегува со оваа одлука. Инаку, граѓаните денеска реагираа дека додека владата предводена од Зоран Заев, во која Филипче е министер за здравство, финансира промена на полот, болните деца се лечат со донации.

Дац: Очекувам оставка од Павле Богоевки и прес конференција на Миле Бошњаковски

Дарко Андоновски — Wed, 15 May 2019 13:39:42 +0000

Актерот Драган Спасов- Дац на својот Фејсбук профил сподели статус во врска со скандалот во кој е поврзан пратеникот Павле Богоевски од СДСМ. Очекувам оставка од Павле Богоевки и прес конференција на Миле Бошњаковски! Како што е ред, нели?, ова преку својот Фејсбук статус го објавува актерот Драган Спасов Дац.

ВИДЕО: Дац на погрешен човек му даде метла

Ивана Ефремовски — Tue, 23 Apr 2019 21:03:22 +0000

Дац на погрешен човек му даде Метла...

Дац на погрешен човек му даде Метла @CityofSkopje еве ви кандидат, рече дека ви требал сори @Zoran_Zaev ама сам треба да се сметеш pic.twitter.com/X4UJtMwprU
— ДедоМраз™од Македонија (@Dedo_Mraz) April 23, 2019

Заев најави чистка, Дац му подари метла

Ивана Ефремовски — Mon, 22 Apr 2019 19:46:02 +0000

Актерот Драган Спасов Дац на трибината на Стево Пендаровски, Зоран Заев и Радмила Шекеринска во Карпош му подари метла на претседателот на СДСМ, Зоран Заев, за чистката што ја најави по вториот круг од претседателските избори. Заев се заблагодари и рече дека добро ќе му дојде, а Стево Пендаровски праша дали ќе биде доволно само една. -Отворено зборувам, не да се заканувам некому, пораката ја примивме во првиот круг. Ова јасно им го кажувам на нашите поддржувачи кои решија да останат дома и кои се незадоволни од нас, од некои наши функционери, на локално или централно ниво-чистка ќе има. И тоа е мојата порака, рече Зоран Заев на првата трибина во Карпош по првиот круг од претседателските избори. -Пораката ја испративте, но немојте да ја казнувате државата заради некои наши слабости. Слабости има, но работиме и ќе работиме да ги исправиме. Разбрав, многу наши поддржувачи ми испратија порака „Еј ало, менувај нешто, не ја бива вака“, изјави Зaев.

Дац по смртта на Беличанец: Имаше цврстина на маж, а беше кревка како кокиче

Ивана Ефремовски — Sun, 07 Apr 2019 07:20:44 +0000

Прераната смрт на актерката Билјана Беличанец, која беше пронајдена обесена во својот стан во Скопје ја шокираше актерската фела и воопшто Македонија. Покрај актерка, Беличанец во 2013-та година заплови и во политичките води кога стана градоначалник на општина Кисела Вода, функција која ја извршуваше до пред две години. -Билјана Беличанец беше мојот Петар Пан. Полетна како никој од нашата бранша, леташе високо со своите улоги и оддаваше цврстина на маж, но беше кревка, како кокиче. Замина во Недојдија…, напиша Дац на својот ФБ профил.

МВР потврди дека Дац удрил девојка, директорот на МНТ се огласи на ФБ

Курир — Wed, 31 Jan 2018 08:32:58 +0000

Директорот на МНТ, Драган Спасов Дац, со возило вчера околу 19.20 часот во сообраќајна незгода повредил 27- годишна девојка. -На 30.01.2018 во 19.20 часот на улица „Антон Попов“ во Скопје патничко возило БМВ со скопски регистарски таблички управувано од Д.С.(54) удрило во пешакот Е.Ц.(27). Е.Ц е пренесена во ГОБ „Св. Наум Охридски“ каде и се констатирани телесни повреди, по што е пуштена дома, велат од полицијата. Рано утрово на социјалните мрежи се огласи и Дац. Без да изнесе повеќе детали за квалификациите кои беа објавени во медиумите тој само напиша: До каде ќе иде злобата... Коментарите се поделени. Дел од пријателите коментираат и прашуваат дали возење под дејство на алкохол не е злоба, а дел застануваат во одбрана на Дац.