Драган Вучиќ – Kurir.mk

СЕЌАВАЊЕ: Две години од смртта на Драган Вучиќ

Ивона Петрова — Wed, 04 May 2022 05:38:54 +0000

Пред две години на денешен ден почина пејачот, композитор и ТВ-водител Драган Вучиќ. Тој почина на Инфективната клиника во Скопје поради компликации од коронавирус, а подолго време бил дијабетичар. Вучиќ е автор на популарни поп песни како „Свирете ја ‘Зајди, зајди’“, „Ангели ме носат“, „Заминува, никому ноќва не кажува“, „Кажи ѕвездо“, а беше автор и на евровизиската песна „Make My Day“, на неговиот син Мартин Вучиќ во 2005. Во 1990-те беше пејач на групата „Кода“. Изминативе години, Вучиќ беше популарен како водител на квизовите „Вашите пет минути“, „Возење со Вучиќ“, „Среќни луѓе“, a последна емисија му беше „Гурмански приказни“ што се снимаше со пејачи, актери и уметници низ балканските земји. Роден е во Скопје во 1955.

Една година од смртта на Драган Вучиќ

Ивона Петрова — Tue, 04 May 2021 05:49:44 +0000

Пејачот, композитор и ТВ-водител Драган Вучиќ почина на денешен ден пред една година на Инфективната клиника во Скопје поради компликации од коронавирус, а подолго време бил дијабетичар. Вучиќ е автор на популарни поп песни како „Свирете ја ‘Зајди, зајди’“, „Ангели ме носат“, „Заминува, никому ноќва не кажува“, „Кажи ѕвездо“, а беше автор и на евровизиската песна „Make My Day“, на неговиот син Мартин Вучиќ во 2005. Во 1990-те беше пејач на групата „Кода“. Изминативе години, Вучиќ беше популарен како водител на квизовите „Вашите пет минути“, „Возење со Вучиќ“, „Среќни луѓе“, a последна емисија му беше „Гурмански приказни“ што се снимаше со пејачи, актери и уметници низ балканските земји. Роден е во Скопје во 1955.

Мартин со емотивна порака за Драган Вучиќ: За некого музичариште, за мене татко над татковците!

Ивана Ефремовски — Mon, 25 May 2020 10:12:47 +0000

На почетокот на месец мај почина македонскиот музичар, композитор и водител Драган Вучиќ. Неговата смрт беше последица на коронавирусот со кој Драган се инфицираше и не успеа да се избори. Денес по речиси еден месец откако почина на Инфективната клиника во Скопје, неговиот син, музичарот и актуелен директор на Народниот ансамбл „Танец“, Мартин Вучиќ, уште еднаш сакаше да потсети кој беше неговиот татко Драган за останатите, но најмногу за него. „За некого беше музичариште, за некого басист бр1, за некого шоумен, за некого композиториште…. За мене секогаш татко над татковците!“ – пишува Мартин на својот Фејсбук.

Од трогателните зборови ќе ви се заледи срцето: Додека синот го погребуваше таткото сопругата на Вучиќ откри што правела во само изолација…

Дарко Андоновски — Mon, 18 May 2020 11:17:50 +0000

Сопругата на нашето познато тв лице Драган Вучиќ кој ја загуби битката со корона вирусот, Весна, за првпат јавно проговори за тешките денови откако даде интервју за Фокус. -Мартин и неговата сопруга, блиски луѓе и пријатели, отидоа да го испратат Драган на последното патување. Во тоа време, додека траеше по гребот, излегов на прозор. Под прозорот се собрале моите добри другарки, моите драги личности кои во едни вакви услови, нови за целото човештво, на свој начин ми ја дадоа својата поддршка и ми покажаа дека се покрај мене. Преблагодарна сум им, не знам како ќе ги поминев тие моменти, додека син ми го погребуваше својот татко, ако ги немав нив, да ме утешат. Истиот ден, неколку часа по погребот, мојата состојба се влоши, ми се појавија проблеми со дишењето. Бев префрлена на клиника, каде лекарите и целиот медицински персонал ми ја даде потребната нега, но и поддршка која ми беше потребна во тој период. Останав на клиниката седум дена, состојбата ми се подобри значително откако добив плазма од пациент излекуван од Ковид 19, и по два негативни теста бев пуштена дома. Пропишана ми беше 14 – дневна изолација, и сум во добра здравствена состојба. Физички добро, но емотивно скршено – раскажува Весна за Фокус. -Не е важно кој е популарен или анонимен, секој човечки живот исто вреди, мора да се покаже заедништво во ова зло кое се надвисна над човештвото. Таа солидарност, таа ситуација кога сме исти во болката, најдобро се гледаше на Инфективната клиника каде што престојував. Во исто време, таму беше сместена млада жена од Липково, Аида, која беше позитивна на вирусот, а го очекуваше раѓањето на своето бебе. Исто така и Елена, и таа позитивна, со штотуку родено бебе, кое за среќа беше негативно, ијзави Весна Вучиќ за Фокус. Откако излезе интервјуто на социјалните мрежи истото го сподели нивниот син, инаку исто така наш познат музичар Мартин Вучиќ кој упати емотивна порака: „Мојата Мајка лавица, за мојот идол, поддршка и патоказ низ животните предизвици! Ве сакам најмногу“.

Сузана Манчиќ се збогува со Драган Вучиќ: Под тажните и емотивни зборови коментираше и уште поголемата ѕвезда од водителката (ФОТО)

Дарко Андоновски — Thu, 07 May 2020 20:37:22 +0000

Водителката и поранешна лото девојка, Сузана Манчиќ беше голема пријателка со Драган Вучиќ и честа гостинка во неговите емисии. Манчиќ преку фотографија и емотивна објава се прости од својот колега и пријател и еве што напиша: -Летово снимавме за твојата емисија во Скадарлија. Да знаев дека веќе нема да се видиме ќе пресметавме колку пати до сега сме снимале, сме имале заеднички настапи, сме испеале песни, сме поминале илјадници километри… Но не знаевме… Збогум пријателу, колега, драг човеку. Секогаш ќе те паметам, стои во постот на Манчиќ.

View this post on Instagram

LEtos smo snimili tvoju emisiju u Skadarliji. Da smo znali da se vise necemo videti sracunali bi koliko smo ih snimili do tada, koliko zajednickih nadtupa smo imali, koliko smo pesama ispevali, koliko kilometara smo presli zajedno. Ali nismo znali.... Zbogom prijatelju, kolega, dragi covece. Uvek cu te pamtiti.

A post shared by Suzana Mancic (@suzanamancicofficial) on May 6, 2020 at 11:24am PDT

Инаку на оваа објава коментираше и познатата актерка Лидија Вукичевиќ со емотиконот скршено срце.

Беа како вистински браќа: Хрватскиот пејач во шок и неверица се прости од Вучиќ- „еднаш кога и јас ќе дојдам горе стари…“ (ФОТО)

Дарко Андоновски — Wed, 06 May 2020 19:13:49 +0000

Хрватскиот пејач Владо Калембер се збогува со својот пријател, музичар и телевизиски водител Драган Вучиќ, кој во понеделникот почина од коронавирус. Калембер му посвети емотивна објава на Вучиќ. -За жал, изгубив уште еден одличен пријател, еден од најпознатите македонски ТВ водители. Тажно… Збогум стари … Кога и да ми се јавеше, велеше:„ Здраво, стари! “ Неодамна ми испрати една од твоите песни за да снимиме дует. Еднаш кога и јас ќе заминам горе ќе ја понесам таа снимка … па ќе ја отпееме”, напиша Калембер на својот Инстаграм профил со фотографијата заедно со Вучиќ. Инаку, Владо Калембер беше еден од учесници во серијалот емисии за готвење на Драган Вучиќ, “Гурмански муабети“.

Росана е во голема тага и шок за смртта на Вучиќ: Еве за што најмногу се карале со Вукле, а пејачката удри и по сите кои го напаѓаа

Дарко Андоновски — Wed, 06 May 2020 16:12:46 +0000

Својот пријател и колега Драган Вучиќ, пејачката Росана Сариќ- Тодоровска нагалено го викала Вукле. Росана е во голема тага и во шок од ненадејната смрт на Вучиќ, кој завчера утрото почина од вирусот Ковид-19. Вели дека е револтирана од луѓето кои го напаѓале, а ги следеле неговите емисии. „Со Вукле како што го викав јас, па и некои други колеги, поминав 30 години во взаемна соработка. Тој беше човек, пред сè позитивен и секогаш другарски настроен. Почитувањето спрема мене и мојот сопруг е нешто возвишено кое го добивавме од него. Не паметам музички емисии во кои не сум била поканета од негова страна и испочитувана до крај. Ја знам Весна која е со сите другарски расположена и секогаш насмеана. Вукле не ја вадеше од уста, секогаш беше: „Моја Весна...“ Одгледаа дете за восхит. Паметен, вреден, скромен, секогаш на страна и врвен музичар како и тато, наш Мартин“, раскажа Росана за Вучиќ. Целиот текст на Женски магазин, овде.

Беше реткост да открива детали од приватниот живот: Еве што кажа неодамна Вучиќ за својот син единец и снаата

Дарко Андоновски — Tue, 05 May 2020 15:00:40 +0000

Голем број познати личности во минатото седнаа да се возат во градски автобус низ Скопје во емисијата „Возење со Вучиќ“, а наспроти Драган на автобуското седиште досега седеа од водители и пејачи, до спортисти и композитори… Но, неодамна редот му дојде и на Драган за тој да застане од другата страна како соговорник во интервју за ТВ магазинот „Ексклузив“. Темата на која најмногу говореше тогаш Вучиќ беше љубовта и долгогодишниот брак со радиоспикерката Весна, а меѓу другото откри и мал детаљ од приватноста на неговиот син Мартин Вучиќ кој изминатото лето се ожени со својата избраничка Сања. Новинарката не го заобиколи прашањето за бракот на неговиот син, а Драган имаше кус одговор за синот и снаата, но алудираше на тоа дека младите генерално чекаат да помине многу време додека се решат на брак. -Тие беа заедно пет години и нормално беше да се земат. Тие се еден многу убав пар. Меѓутоа за младите сега, нека не ми забележат, некако се дистанцираат едни од други. Збориме и од машки и од женски. Тие се во свој филм, овие во свој филм, велеше Вучиќ за „Ексклузив“. За потсетување, Драган и неговата сопруга Весна станаа свекор и свекрва во месец јуни 2018 година. Нивниот син – единец, музичарот и актуелен директор на Националната установа за народни игри и песни „Танец, Мартин Вучиќ, направи гламурозна свадба со својата сакана Сања во ресторанот „Ла Тана за свадби“ во Скопје. Мартин пред петнаесетина години го отпеа хитот „Рано е да се врзам“ кој потоа стана еден вид на химна на момчињата кои не брзаат да стапат во брак или сериозна врска. Мартин кој никогаш не зборува јавно за својот приватен живот, за свадбата направи преседан и тогаш изјави: „Рано ми е да се врзам отиде во историјата, бидејќи јас веќе поодамна се врзав со љубов“.

Драган Вучиќ испратен во вечниот дом- сопругата не успеа да се збогува со Вуле

Ристе Здравков — Tue, 05 May 2020 11:59:02 +0000

Денес на градските гробишта во Бутел беше погребан композиторот, пејач и водител, Драган Вучиќ, кој вчера почина како последица од корона вирусот. Како што налага протоколот, на погребот присуствуваа неговит син Мартин со сопругата и уште троица членови од семејството. Сопругата на Драган, Весна не присуствуваше на погребот. Подалеку и на растојание имаше и околу 40тина блиски на семејството Вучиќ, меѓу кои беше Цветанка Ласкова, Бени од „Нон стоп“, но и многу негови колеги од телевизиите и пријатели. Ретко кој од нив можеше да се препознае, бидејќи, како што налага протоколот сите беа со маски и на растојание. Посмртните останки на Драган беа пред капелата, каде се палеа свеќи и се запишуваа во книгата на жалост. „Почивај во мир легендо“, „Нека ти е лесен патот кон ангелите“, „Никогаш нема да те заборавиме, легендите не умираат“ се само дел од пораките кои беа запишани во книгата на жалост. фото: mms.mk

ВИДЕО: Познатите со солзи во очите се простуваат од Драган Вучиќ

Ивана Ефремовски — Tue, 05 May 2020 10:25:37 +0000

Во моментов во тек е погребот на водителот, пејач и композитор Драган Вучиќ кој почина вчера од коронавирус. Екипата на „Бекстејџ“ вчерашното издание го посвети на него, а во рамки на емисијата познатите се простуваа од својот пријател, соработник, колега… Низ солзи во очите зборуваа за пријателството со Вучиќ и открија детали од нивното познавање притоа потенцирајќи дека Драган беше и ќе остане легенда, иако веќе не е меѓу нас. Што се’ открија, погледнете во видеото во продолжение: