Драгана Спасевска – Kurir.mk

Спасевска: Царовска ветува 10.000 таблети, а имаме 220.000 ученици вкупно основно и средно образование, реформите се дискриминирачки

Магдалена Андонова — Fri, 09 Jul 2021 18:04:46 +0000

Концепцијата е нешто што и дава право на Царовска да ги тера реформите кои што во никој случај не се нешто добро. Воопшто не се нешто добро. Имено, концепцијата се води на три принципи. Кои се тие три принципи? Значи таа се води на инклузивност, на родова сензитивност и на интеркултурност. Е, сега ако некој ги слушне овие зборови ќе рече дека тука нема ништо лошо. Но, меѓутоа имаме ние термини кои што не се познати за нас, за јавноста. Што е тоа родова сензитивност? Ние во Устав се делиме на пол, ние не се делиме на род. Ние не сакаме што во оваа концепција министерката го најавува, ние не сакаме тоа да влезе на клупите. Односно помеѓу нашите деца,истакна Драгана Спасевска координатор на иницијативата „Настава и учебници мора да има“ во емисијата „Што не е јасно“ на Алфа телевизија. Спасевска додаде дека министерката упорно вели дека реформите мора да се спроведат во образованието. - Ние не порекнуваме дека не треба да има реформи во образованието, но ние не сакаме вакви реформи какви што сега ги предлага министерката. Овие реформи што ги предлага министерката се донесени за кратко време, и во нив ништо не е јасно. Буквално ништо не е јасно. Ние бараме инклузија каде што немаме услови за неа. Ние бараме дигитализација каде што немаме услови за неа. Најавува дека ќе набави 10.000 таблети, а ние имаме речиси 220.000 ученици вкупно основно и средно образование, појасни Спасевска. Спасевска посочи дека нема услови за оваа предвидена концепција која што ја најавува Царовска. - Ако самото министерство ги најавува овие реформи требаше прво финансиски да е спремно за ова. Не треба министерството да бара донации од бизнисмени и институции. Требаше министерството кога веќе најавува една програма да биде пред се финансиски спремно за да се реализира. Јас не верувам дека денес 09.07 до 01.09 ќе има првенствено лифтови во сите училишта. Јас не верувам дека ќе има рампи во сите училишта. Односно цела јавност не верува. Ние не веруваме дека ќе има инклузивни соби бидејќи во самата концепција се најавува дека треба да има простории за индивидуална работа со децата со посебна попреченост, нагласи Спасевска.

Спасевска: Образложението од премиерот се уште никако да стаса, власта го повлече законот за да не се одржи референдум

Катерина Бојаџиева — Fri, 09 Jul 2021 16:58:39 +0000

Денес имав можност да ја посетам архивата во Собранието на Република Македонија бидејќи известувањето дека законот е повлечен јас го добив преку емаил. Но, во самото известување стои дека во прилог ќе се испрати писмото од премиерот во кое што се објаснува зошто е повлечен законот. Денес бев во архивата бидејќи од 30.06 јас навака такво писмо, такво известување писмено не добив освен она по емаил. Бев во архивата на Собранието денес за да го побарам документот кој што ние треба да го имаме, имаме право да знаеме зошто е тој закон повлечен. Дали е поради тоа што не се спремни да одржат референдум? Дали е поради тоа што треба да претрпи измени? Значи се уште ние не знае зошто е законот повлечен, истакна Драгана Спасевска координатор на иницијативата „Настава и учебници мора да има“ во емисијата „Што не е јасно“ на Алфа телевизија.

Спасевска додаде дека од власта се оправдуваат дека го испратиле по пошта документот, меѓутоа поштата се уште го нема тоа доставено.

„Јас би сакала да упатам апел и до поштите значи да обрнат внимание бидејќи тој документ е важен за иницијативата, ако е воопшто испратен. Значи јас во архива видов дека е заверен дека на 30.06 е испратен, меѓутоа од 30.06 до денес 09.07 да патуваше од странство ќе стигнеше на мојата адреса“, појасни Спасевска.

Спасевска посочи дека по повлекувањето на закон сега иницијативата „Настава и учебници мора да има“ нема предмет по кој што би барала референдум. А, клучно мислење на сите родители и граѓани е тоа дека не беа спремни од власта да одржат референдум.

„Првпат во историјата во Македонија граѓанска иницијатива повикува референдум, не партиска зборувам. Значи првпат во историјата на Македонија граѓаните своеволно масовно се борат за правата на децата и за она кое што се наметнува во образовниот систем“, нагласи Спасевска.

Спасевска за реформите на Царовска: Сака да спроведе нешто што не е по мерка на условите во општеството, жално е што се уште по училиштата протекува од кров и има полски тоалети

Магдалена Андонова — Mon, 31 May 2021 07:38:25 +0000

- Граѓанската иницијатива „Настава и учебници мора да има“ се залага за квалитетни реформи во образованието. Односно ние како граѓанска иницијатива на загрижени родители, старатели, наставници и останати засегнати страни бараме да се спречи овој предлог закон за учебници и наставни материјали во основното и средното образование. И доколку успееме во тоа, потоа бараме да бидеме дел како група на граѓани кои што заедно со стручен тим ќе работиме на нови квалитетни реформи во образованието, истакна Драгана Спасевска иницијатор на фејсбук страната „Настава и учебници мора да има“ на утринска програма на Алфа телевизија. Спасевска додаде дека реформата на министерката за образование е од четврто одделение до четврта година средно воопшто да не се користат учебници. Односно тие да бидат Е-учебници кои што ќе бидат инсталирани на дигитални уреди. Со тоа што граѓаните сметаа дека тоа воопшто нема да биде добра реформа која ќе служи за подобро образование. - Научни и стручни истражувања покажаа дека помнењето на децата подобро се развива доколку децата учат од печатени учебници, нагласи Спасевска. Спасевска посочи дека со онлајн наставата се увиде со какви се потешкотии се соочуваат учениците и самите наставници. - Имаме проблем со интернетот, има и искази на наставници кои што немаат квалитетен интернет пристап во училиштата па користат свој, значи даваат и дел од своите средства за да реализираат една квалитетна настава, еден квалитетен час. Имаме многу пречки за да се исполни тоа што власта и министерката го најавуваат. И ние мислиме дека тоа не е воопшто по мерка на учениците, и воопшто не е по мерка на условите во општеството како што ние го имаме, појасни Спасевска. Спасевска рече дека ако во групата членовите пуштат слики ама реални слики од училиштата низ државата верувајте тоа ќе биде катастрофа, бидејќи условите по училиштата се катастрофа. - Ние имаме училишта од каде што од кровот протекува вода, имаме училишта каде се уште користат полски вц-а, истакна Спасевска.

Спасевска: Бараме задолжително учество на граѓанската група во креирање на законот за учебниците

Дарко Андоновски — Sat, 15 May 2021 12:02:15 +0000

Граѓанската иницијатива „Учебници и настава мора да има“ денеска одржува протест кој започна од МОН, продолжи до Владата, а ќе заврши пред Собранието. Иницијативата се залага против донесувањето на новиот Законот за учебници за основно и средно образование. Од пред Владата на Република Македонија предводничката на иницијативата, Драгана Спасевска истакна дека институциите не сакаат да ги слушнат нивните барања. – Тргнете ја вашата лоша политика, на страна до нашите деца. Баравме, бараме и ќе бараме задолжително учество на претставници од граѓанскиот сектор во работна група кои ќе работат на новиот Закон.

Организаторите на бојкот на наставата тврдат дека има одѕив

Ивона Петрова — Thu, 29 Apr 2021 08:21:59 +0000

Фејсбук-групата на родители „Учебници и настава мора да има“ за денеска најави бојкот на наставата со барање да се стопира донесувањето на законот за учебници и наставни материјали во основното и средното образование. Претставничката на неформалната фејсбук-група Драгана Спасевска, која вчера ги соопшти барањата и најави бојкот, за МИА утрово изјави дека се бојкотира во повеќе основни училишта, а за средните, рече, нема информации. – Имам доста информации од родители и наставници дека денеска воопшто не почнале со настава. Имам приватни податоци што ми стигнуваат и можеби 80-90 проценти денес нема да има настава кај основците. За средно немам доволно информации, рано е уште. Нашиот став е дека еден ден пропуштен во наставата не е толку значаен колку што е значајно да се донесат промени во образованието. Ќе стоиме зад сите наши дела се додека не не слушне Министерството, рече Спасевска. За начинот како го организираат приклучувањето на бојкот со оглед дека се неформална група, одговори дека „секој родител одлучува за своето дете“ и дека таа не може, како што рече, никого да принуди да не го пушти своето дете на настава, но дека „волјата на родителите е силна во изминатите пет дена“. Спасевска одговори и дека од надлеженото министерство никој не ги повикал на средба, а сакаат, рече, да дебатираат и да ги предложат своите факти и аргументи дека овој предлог-закон нема да донесе позитивни ефекти за децата. Средношколскиот сојуз вчера се огради од бојкотот со укажување дека негови организатори не се тие, туку родители. Лидерот Бленди Ходаи утрово за МИА изјави дека нема сознанија дали средношколци денеска бојотираат самоиницијативно. Неформална фејсбук-група „Учебници и настава мора да има“ здружени на Фејсбук, која има над 70 000 приврзаници, вчера пред Министерството за образование и наука ги изнесе своите барања – да се стопира носењето на новиот закон за учебници, да се организира јавна расправа и нивни стручни претставници непосредно да учествуваат во негова ревизија и интервенции.

Спасевска: Промените на Царовска во образованието влијаат лошо на психофизичкиот раст и развој на децата

Тале Кристо — Tue, 27 Apr 2021 18:26:56 +0000

Ние се обединивме бидејќи сфативме дека овие реформи се се освен нешто кое што ќе придонесе добро за децата. Во овие реформи ние како родители гледаме дека тука се е пресметано финансиски и се пресметано како наставникот и професорот ќе се најде во тие дигитални уреди, меѓутоа нигде не видовме како децата ќе го доживеат тоа. И како ова ќе влијае на нивниот психофизички раст и развој, нагласи Драгана Спасевска дел од групата на родители на социјални мрежи кои се против дигитализација на учебници во „24 Анализа“. Спасевска додаде дека родителите две години гледаат како нивните деца се мачат во текот на образовниот процес односно онлајн настава. -Ние имаме барање и утре ги поканувам сите медиуми на прес пред МОН во 12 часот, сметаме дека ни требаат коренити промени во образованието, и сакаме и ние родителите како тело да учествуваме во одлучување и предлагање на промени во образованието, појасни Спасевска. Спасевска посочи дека Царовска требаше да организира јавна дебата околу новиот проект во образованието, ова што го носат е набрзина и ќе влијае лошо и на децата и на родителите.