Драги Димитриевски – Kurir.mk

Димитриевски: Се случи нетранспарентна, недемократска и крајно сомнителна постапка, со прекршување на законски, статутарни и правни акти при изборот на ректор на Универзитетот “Свети Кирил и Методиј”

Ристе Здравков — Fri, 26 Jun 2020 20:08:10 +0000

Тема на вечерашната емисија "Што не е јасно" на Алфа телевизија е денешната вест за реизборот на ректорот Никола Јанкуловски на Универзитетот "Свети Кирил и Методиј". Јанкуловски беше повторно избран за ректор и неговиот мандат стартува од 15-ти септември оваа година и ќе трае до 15-ти септември 2023 година. Гостин во емисијата е еден од тројцата кандидати кои се повлекоа на само еден ден пред гласањето за кандидат за ректор на Универзитетот "Свети Кирил и Методиј" - професорот на Факултетот за земјоделски науки и храна Драги Димитриевски. -Воопшто не се чувствувам поразен затоа што овие резултати беа за очекување. Се случи нетранспарентна, недемократска и крајно сомнителна по однос на прекршување на законски, статутарни и правни акти кои се однесуваа на водење на една ваква постапка. На тоа јас укажував уште на самиот почеток на оваа постапка. Со тоа што ги ставивме кандидатурите во мирување ќе придонесеме за демократизација во Универзитетот. Универзитетската комисија која што прва укажа на неправилностите и прва се одважи да се спротивстави преку давање на оставка на местото на членови на универзитетската изборна комисија. Дури и претседателот на Комисијата Пламен Тројачанец јавно во своја изјава укажа на многу притисоци кои што ги имал додека ја обавуваше функцијата претседател, укажа на нетранспарентноста, укажа на неговата борба за да се променат и роковите и таа целата постапка да оди во една нормална процедура, укажа на тоа и дека не му бил доставен записникот од државниот просветен инспекторат, со кој што требало да прекинат дејствијата бидејќи неможел да види дека се направиле одредени повреди во постапката, рече Димитриевски.

Димитриевски: Акцент ставам во изнаоѓање на модел какo да се организира учењето во услови на далечина

Дарко Андоновски — Thu, 18 Jun 2020 18:23:32 +0000

Драги Димитриевски професор на Земјоделски факултет и кандидат за ректор на УКИМ во своето гостување во телевизија 24 рече дека тој како кандидат акцент става на изнаоѓање на модел како да се организира учењето во услови на далечина поради актуелната криза поврзана со пандемијата. -Една од акцентот кој јас ги ставам во мојата програма е токму изнаоѓање на модел како да го организираме работењето на универзитетот во едни вакви услови. Основната дејност односно наставно-образовната дејност која што сметам дека час поскоро треба да се пристапи кон нејзино регулирање бидејќи наставно-образовниот процес е специфичен за различни факултети. Веројатно наставно образовниот процес и со започнување на новата академска година очекувам дека ќе продолжи да се одвива во услови на таканаречено учење на далечина односно со користење на платформите кој што сега се користат на факултетите. Меѓутоа постојат голем број од факултетите, со голем број предметни програми каде што не е возможно да целокупната настава преку учење на далечина. Голем број од предметите од каде јас доаѓам се врзани со лабараториски вежби кои што просто е невозможно да се одржат на една ваква платформа, рече Димитриевски. Тој во своето гостување посочи дека не знае колку долго ќе трае оваа криза, но она што е започнато треба да се развива и понатаму.

Димитриевски: Ректорот на скопскиот универзитет покажа слабо менаџирање во ситуација со коронавирусот

Дарко Андоновски — Thu, 04 Jun 2020 10:19:48 +0000

Изборите за ректор на Универзитетот на Свети Кирил и Методиј предизвикаа голем интерес и наместо да бидат свечен чин затоа што за прв пат ова се непосредни избори и секој од академската заедница на Универзитетот Свети Кирил и Методиј ќе може да се произнесе за кандидатот за ректор. Но, за жал постапката се води во контроверзни услови, легалноста се доведува во прашање, се случува во ситуација кога во државата има вонредни услови, рече професорот Драги Димитриевски на гостувањето на емисијата „Што не е јасно“ на телевизија Алфа. -И наместо да се даде шанса сите да размислат и да се одлучат за најдобриот кандидат, се случува нефер натпревар, рече професорот Димитриевски говорејќи за кратењето на сите рокови од страна на актуелниот ректор, Никола Јанукуловски. За несоодветното менаџирање со Универзитетот, рече Димитриевски, говори и фактот што оваа институција потона на светските ранг листи. -Ова сега што се случува е сомнително, имаме сомнителни постапки за избор на ректор ќе стави дамка на новиот ректор, дури и ако има реизбор на актуелниот ректор исто како и за некој друг ако избран. На овој Универзитет не може да се прават вакви постапки, вели Димитриевски. Според него наместо на овие први непосредни избори да им се даде свечен чин од старт им се фрла дамка. -Кандидатите треба да ја претстават својата визија за водење на овој Универзитет. А ова што се прави сега не е достојно на името. Ова треба да биде Универзитет на кој ќе се почитува и негува критилката мисла, а не ова што се случува сега, рече професорот. Во контекст на актуелната ситуација професорот посочи дека и покрај ситуацијата со корона вирусот Универзитетот требаше да следи што прават овие институци во регионот. -Требаше професорите и академската зедница да имаат проактивна улога. Требаше да се организираат студентите да одат во многу мали групи и да се изведува наставата посебно каде што вежбите се многу важни. Тоа треба да го организира ректорот, а сега секој сам се снаоѓаше, рече Димитриевски.

Ѓорчев и Димитриевски на изборите во Шведска со партијата Модератерна (ФОТО)

Ивона Петрова — Mon, 10 Sep 2018 08:49:00 +0000

Членовите на ИК на ВМРО-ДПМНЕ, Влатко Ѓорчев и Драги Димитриевски учествуваа во програмата на Модератерна, десно центристичка партија во Шведска. За време на програмата за меѓународни гости Ѓорчев и Димитриевски имаа можност да ги следат брифинзите за кампањата и политичките состојби во Шведска, како и да разменат искуства во делот на партиските активности и дигиталната кампања. Ѓорчев и Димитриевски имаа можност да се сретнат со Улф Кристерсон, претседател на Модератите и нивни кандидат за премиер, како и со поранешниот премиер на Шведска Карл Билд. Воедно, претставниците на ВМРО-ДПМНЕ остварија средби со поголем број на пратеници и членови на раководството на Модератите, кои се сестринска партија на ВМРО-ДПМНЕ во рамките на Европската народна партија (ЕПП). На изборите коалицијата на десниот центар оствари напредок и раст во резултатите, за разлика од историски најлошиот резултат со досега владејачките социјалдемократи. Следниве денови се очекуваат коалиционите преговори, а се очекува во следната влада на Шведска да учествува Модератерна партијата како предводник на коалицијата на десниот центар.