Драго Чосиќ – Kurir.mk

Отказ за хрватскиот коментатор кој продавал билети на „црно“ на СП во Русија

Катерина Бојаџиева — Fri, 14 Sep 2018 14:49:15 +0000

Со отказ од Националната хрватска телевизија (ХРТ) легендарниот спортски коментатор Драго Чосиќ го плати препродавањето на билетите за финалето на Мундијалот во кој силите ги одмерија Хрватска и Франција. Епилогот од целата ситуација е очекуван, но сите спортски работници на Балканот останаа фрапирани од потегот на Чосиќ кој со својот глас и стил на коментирање си обезбеди место помеѓу легендите. Чосиќ преку ХРТ обезбедил 40 билети и заедно со уште неколку луѓе ги продавал на црно. Цената на билетите за финалето во Москва достигнале и до 20 000 евра. Каналот на Чосиќ и останатите бил откриен уште вечерта во текот на финалето, но ФИФА со помош специјализирани служби ден-два после големата еуфорија го одмотала клопчето. Покрај спортскиот новинар Чосиќ отказ доби уредникот на програмата Јоже Баришиќ и уредникот на технологијата Никола Боначиќ Крешиќ кои биле дел од хрватска телевизиска екипа во Русија.

Познат хрватски коментатор препродавал билети на СП

Ристе Здравков — Thu, 06 Sep 2018 10:20:22 +0000

Меѓународната фудбалска федерација (ФИФА) започна истрага против познатиот новинар на Хрватската радио телевизија (ХРТ) Драго Чосиќ, под сомневање за препродажба на билети за финалето на СП меѓу Франција и на хрватската репрезентација, пренесува Индекс. Според соопштението на ФИФА добил информации од Европската радиодифузна унија (ЕБУ) за билети, според сериските броеви на ХРТ кои се појавиле на „црниот пазар“. Од ХРТ беа изненадени од истрагата, бидејќи не знаеле дека некој во нивно име барал билети, кои се за финалето во Москва на црно достигнале 20.000 евра. Истрагата покажа дека во името на ХРТ е побарано 40 билети и се сомнева дека тоа го сторил Чосиќ заедно со меѓународен координатор Саша Дедиќ. Против нив ХРТ покрена дисциплинска постапка која може да заврши со отказ.

ВИДЕО: Урнебесна реакција на легендарниот хрватски коментатор по голот на Манџукиќ

Ивона Петрова — Thu, 12 Jul 2018 05:55:25 +0000

Фудбалерите на Хрватска предизвикаа вистинска еуфорија во татковината со пласманот во финалето на Светското првенство, а по победничкиот гол на Марио Манџукиќ емотивно реагираше и легендарниот хрватски коментатор Драго Чосиќ. Хрватска за прв пат во својата историја ќе игра финале на фудбалски Мундијал. Во борбата за трофејот, в недела, противник на Хрватите ќе им биде репрезентацијата на Франција.