Драгослав Миша Огњановиќ – Kurir.mk

Убавата Сања е неутешна: Три години од најболниот настан во нејзиниот живот, правдата не е задоволена, а болката не поминува

Ивана Ефремовски — Wed, 28 Jul 2021 08:05:37 +0000

Поранешната мисица на Србија, Сања Папиќ, кога беше во седмиот месец од бременоста, на вечна љубов му се заколна на адвокатот Драгослав Миша Огњановиќ. Нивната среќа траеше кратко бидејќи тој беше убиен пред својата зграда. Нејзиниот сопруг беше убиен на денешен ден, 28-ми јули во 2018 година. Зад себе остави три деца. Сања често објавува фотографии и видео записи на својот профил на Инстаграм во спомен на нејзиниот починат сопруг. Денес и е особено тежок ден и овој пат се огласи преку својата “приказна“ на споменатата социјална мрежа. Адвокатот во брак со мисицата ја доби ќерката Лара, која имаше само девет месеци кога тој го загуби животот. Тоа е уште еден од животните моменти што Сања го сподели со своите фанови. Поранешната мисица ја изрази својата тага, неверување и болка за нејзиниот сопруг. Неговото убиство и три години подоцна е случај кој не е расветлен.

Пред една година беше најсреќна, денес е завиена во црно: Мисицата објави емотивна фотографија посветена на убиениот сопруг

Ивона Петрова — Wed, 08 Aug 2018 15:59:59 +0000

Поранешната мисица на Србија, Сања Папиќ пред точно една година, во седмиот месец од бременоста, на вечна љубов му се заколна на адвокатот Драгослав Миша Огњановиќ, кој пред повеќе од една недела беше убиен пред својата зграда. Сања на денешен ден беше неизметно среќна, за што сведочат и фотографиите од Париз каде се венчале далеку од очите на јавноста, а кои таа денес ги објави. Трагедијата која им се случи ги спречи познатиот адвокат и екс мисицата заедно да ја прослават првата годишнина од бракот. Драгослав Огњановиќ беше погребан на 1 август на гробиштата во Белград.

И небото плачело на погребот на Миша Огњановиќ: Сите гледале во еден детаљ кој тера солзи на очите

Катерина Бојаџиева — Wed, 01 Aug 2018 19:51:45 +0000

Адвокатот Драгослав Миша Огњановиќ беше погребан денеска. Меѓу првите на гробиштата пристигнала младата вдовица на Миша, Сања Папиќ и синот на Миша од првиот брак, Петар. Сања во капелата во раце ја држела фотографијата на убиениот сопруг. Поранешната мисица стоела немо над ковчегот над својот сопруг, покриен со бели рози, додека солзите и течеле без престан. Сепак еден детал на сандакот привлекол големо внимнаие и предизвикал голема тага. Станува збор за бел вел кој присутните ги потсети на тоа дека Миша оставил млада сопруга и ќеркичката Лара, која никогаш нема да го запознае таткото. Сопругата на Миша, веста за убиството на сопруогт ја дочека во Хрватска каде престојувала со нивната ќерка чекајќи го сопругот да им се придружи.

Српските адвокати во штрајк поради убиството на Огњановиќ

Даниел Василев — Sun, 29 Jul 2018 08:38:13 +0000

Адвокатската комора на Србија им наложи на сите адвокати од утре да престанат со работа, во знак на протест поради убиството на познатиот адвокат Драгослав Миша Огњановиќ, кој вчера вечер беше застрелан пред влезот на неговата зграда во Белград. Во текот на својата кариера Огњановиќ (57) му бил адвокат на Лука Бојовиќ, водачот на „Земунскиот клан“, како и на Слободан Милошевиќ пред Хашкиот трибунал, и на неговата сопруга Мира Марковиќ. - Сакаме да испратиме јасна порака на единството во професијата и цврсата решеност вакви случаи да не се толерираат, соопшти Адвокатската комора. Според локалните медиуми, во нападот, кој е извршен пред влезот на зградата во која живее, бил повреден и неговиот 26-годишен син. Еден очевидец тврди дека по истрелите видел маж облечен во црно, со качкет на главата, како бега од местото на злосторството. Комората понуди и парична награда за информации кои би помогнале во апсењето на убиецот на Огњановиќ. МИА

Во Белград убиен адвокат на Милошевиќ и на шефот на „Земунскиот клан“

Даниел Василев — Sat, 28 Jul 2018 20:24:10 +0000

Во Белград вечерва е убиен познатиот адвокат Драгослав Миша Огњановиќ, а според локалните медиуми, во нападот, кој е извршен пред влезот на зградата во која живее, бил повреден и неговиот 26-годишен син. Полицијата го блокира местото на инцидентот, каде се врши увид. Во тек е интезивна потрага по убиецот на адвокатот.

Еден очевидец тврди дека по истрелите видел маж облечен во црно, со качкет на главата, како бега од местото на злосторството. Огњановиќ (57) му беше адвокат на Лука Бојовиќ, водачот на „Земунскиот клан“, како и на членовите на неговото семејство, а исто така беше и еден од бранителите на Слободан Милошевиќ пред Хашкиот трибунал, но и на неговата сопруга Мира Марковиќ. МИА