драмски театар – Kurir.mk

Скопскиот Драмски театар на Денови на комедија во Куманово

Ивона Петрова — Tue, 10 Oct 2023 05:41:35 +0000

Со претставата „Кафез кај кокони“, Драмски театар-Скопје денеска учествува на фестивалот Денови на комедијата во Куманово. Претставата се игра во 20 часот во салата на НУЦК „Трајко Прокопиев“. „Кафез кај кокони“ на режисерот Димче Николовски ја имаше својата премиера во мај годинава и освен на матичната сцена се играше и во рамките на фестивалот „5ре“ во Велес и Скопското културно лето. Улогите во претставата ги играат актерите: Жорж - Филип Трајковиќ, Албен - Александар Степанулески, Жакоб - Стефан Вујисиќ, Табаро - Предраг Павловски, Мерцедес - Димитрија Доксевски, Зорба - Маја Вељковиќ Пановска, Лоран - Дамјан Цветановски, Камиј - Соња Стамболџиоска, Едуар - Златко Митрески, Мјуриел - Нела Павловска, Симон - Емилија Мицевска и Саломе - Бранко Атанасов. - Француската фарса „Кафез кај кокони“ (“La cage aux folles”) ја има својата праизведба во февруари 1973 година во Париз. Мајсторски конструирана од познатиот актер и комичар Жан Пуаре како комедија на ситуации, забуни и карактери, ја освојува публиката на прв поглед и доживува над 2000 репризи. Игрив и забавен, но и храбро проткаен со сериозни теми дотогаш неприкажани на толку експлицитен и дрзок начин, текстот со хумор и леснотија задира во многу комплицирани теми: потребата за општествено прифаќање, сексуална слобода, избор во љубовта и потребата да се задржи личниот интегритет. Сместена во Сен Тропе, во веселите седумдесети, претставата „Кафез кај кокони“ покажува дека педесет години потоа, овие прашања се се’ уште отворени и провоцираат дијалог низ истата структура на хумор, игривост и дрскост, вели Александра Бошковска, која заедно со Благоја Бошковски Буцко, ја направи адаптацијата. По денешната изведба на „Кафез кај кокони“ пред кумановската публика, претставата се игра на редовен репертоар на 28 октомври во Драмски театар Скопје.

Драмски театар Скопје гостува на фестивалот РУТА на Бриони во Хрватска

Ивона Петрова — Wed, 30 Aug 2023 06:58:01 +0000

Со претставата „Мојот маж“, Драмскиот театар Скопје денеска ќе гостува во Хрватска, на Бриони, во рамките на летното издание на регионалниот театарски фестивал РУТА, што се одржува во организација на Театарот Улисис. Гостувањето на членките од Регионалната унија на театри се реализира со изведба на претстави во рамките на фестивалската програма на театарско-музички проект на тимот на познатиот актер Раде Шербеџија, уметничката директорка Ленка Удовички и директорот Душко Љуштина. На фестивалот настапуваат познати теататски куќи и музичари од десетина земји. Претставата „Мојот маж“ е колаж од расказите на Румена Бужаровска и авторски монолози. Режисер е Нела Витошевиќ, драматург е Викторија Рангелова-Петровска. Драматизацијата е на Нела Витошевиќ и Викторија Рангелова-Петровска. Костимограф на претставата е Роза Трајчевска – Ристоска, сценограф Костантин Трпеноски и асистент сценограф е Моника Ангелевска. Музиката е избор на Нела Витошевиќ. Улогите во претставата ги толкуваат актерите Сара Климоска, Сања Арсовска, Емилија Мицевска, Наталија Теодосиева, Трајанка Илиева – Вељиќ, Игор Ангелов, Исмет Шабановиќ и Филип Трајковиќ. Во рамките на фестивалот РУТА, со изведбата на „Мојот маж“ театарот гостуваше во Словенија на сцената на Местно гледалишче Љубљана во 2022 година и во Црна Гора на сцената на Градско позориште Подгорица во април годинава каде имаше извонреден прием кај публика. Претставата „Мојот маж“ на Македонскиот театарски фестивал „Војдан Чернодрински“ во 2022 година освои пет фестивалски награди. Драмската структура на театарската претстава Мојот маж е изградена од два меѓусебно испреплетени материјали, и тоа драматизацијата на шесте раскази (Супа, Празно гнездо, Прељубник, Осми март, Гени и Лиле) и документарниот материјал произлезен од авторските монолози. Дејствата/состојбите од расказите на Бужаровска, како и документарниот дел со авторските монолози тематски се цврсто поврзани со поднебјето и времето во кое се одигруваат, без притоа да се засноваат на дневно-политички актуелности. Расказите и авторските монолози имаат за цел да поттикнат надминување на стереотипите и предрасудите, и отворено инсистираат на судир помеѓу традиционалното и современото. Сега, денес, сеуште имаме потреба да се соочиме со сегашноста преку ревидирање на минатото. Премиерата на „Мојот маж“ беше во февруари 2020 година, и досега има 26 изведби. Есенското издание на фестивалот РУТА ќе се одржи во Скопје во организација на Драмски театар од 3 до 8 октомври. Македонската публика ќе има можност во ревијалната фестивалска недела да проследи шест претстави од водечките театри во регионот, членки на регионалната унија на театри - РУТА.

Драмски театар Скопје гостува на фестивалот РУТА на Бриони во Хрватска

Ивона Петрова — Fri, 25 Aug 2023 13:18:16 +0000

Драмски театар со претставата „Мојот маж“ гостува в среда на 30 август во Хрватска. На Бриони во организација на Театарот Улисис се одржува летното издание на регионалниот театарски фестивал РУТА. Гостувањето на членките од Регионалната унија на театри се реализира со изведба на претстави во рамките на фестивалската програма на театарско-музички проект на тимот на познатиот актер Раде Шербеџија, уметничката директорка Ленка Удовички и директорот Душко Љуштина. На фестивалот настапуваат познати теататски куќи и музичари од десетина земји. Претставата „Мојот маж“ е колаж од расказите на Румена Бужаровска и авторски монолози. Режисер е Нела Витошевиќ, драматург е Викторија Рангелова-Петровска. Драматизацијата е на Нела Витошевиќ и Викторија Рангелова-Петровска. Костимограф на претставата е Роза Трајчевска – Ристоска, сценограф Костантин Трпеноски и асистент сценограф е Моника Ангелевска. Музиката е избор на Нела Витошевиќ. Улогите во претставата ги толкуваат актерите: Сара Климоска, Емилија Мицевска, Наталија Теодосиева, Трајанка Илиева – Вељиќ, Игор Ангелов, Исмет Шабановиќ и Филип Трајковиќ. Во пресрет на ова гостување потсетуваме дека во рамките на фестивалот РУТА, со изведбата на „Мојот маж“ театарот гостуваше во Словенија на сцената на Местно гледалишче Љубљана во 2022 година и во Црна Гора на сцената на Градско позориште Подгорица во април годинава каде имаше извонреден прием кај публика. Претставата „Мојот маж“ на Македонскиот театарски фестивал „Војдан Чернодрински“ во 2022 година освои пет фестивалски награди. Драмската структура на театарската претстава Мојот маж е изградена од два меѓусебно испреплетени материјали, и тоа драматизацијата на шесте раскази (Супа, Празно гнездо, Прељубник, Осми март, Гени и Лиле) и документарниот материјал произлезен од авторските монолози. Дејствата/состојбите од расказите на Бужаровска, како и документарниот дел со авторските монолози тематски се цврсто поврзани со поднебјето и времето во кое се одигруваат, без притоа да се засноваат на дневно-политички актуелности. Расказите и авторските монолози имаат за цел да поттикнат надминување на стереотипите и предрасудите, и отворено инсистираат на судир помеѓу традиционалното и современото. Сега, денес, сеуште имаме потреба да се соочиме со сегашноста преку ревидирање на минатото. Премиерата на „Мојот маж“ беше во февруари 2020 година, и досега има 26 изведби. Есенското издание на фестивалот РУТА ќе се одржи во Скопје во организација на Драмски театар од 3 до 8 октомври. Македонската публика ќе има можност во ревијалната фестивалска недела да проследи шест претстави од водечките театри во регионот, членки на регионалната унија на театри - РУТА.

Пет награди за Драмски театар на фестивалот „Војдан Чернодрински“

Ивона Петрова — Fri, 16 Jun 2023 13:31:48 +0000

Драмски театар Скопје со претставата „Чудна случка со кучето во ноќта“ освои пет награди на фестивалот „Војдан Чернодрински“. Оценувачката комисија во состав претседател Јанко Љумовиќ и членовите Милош Латиновиќ и Мирослав Мики Радоњиќ ги соопштија наградите на 57. издание на фестивалот. На aнсамблот на Драмски театар Скопје му се доделени: награда за главна машка улога на актерот Дамјан Цветановски за улогата на Кристофер Бун, награда за женска епизодна улога се додели на актерката Емилија Мицевска за улогата на Џуди, награда за сценографија ја доби Константин Трпеноски за сценографијата во претставата „Чудна случка со кучето во ноќта“, награда за костимографија се додели на Елена Вангеловска и Раде Василев за костимите во претставата и награда за кореографија и сценски движења се додели на Симон Симоновски. Врачувањето на наградите ќе биде вечер, на сцената на Центарот за култура „Марко Цепенков“ во Прилеп. Претставата „Чудна случка со кучето во ноќта“ на Драмски театар беше селектирана во официјалната програма заедно со 10 претстави на македонските професионални театри. Под мотото „Враќање дома“ најреномираниот и најстар национален фестивал на театарската уметност од 09 до 16 јуни понуди богата фестивалска програма, а секој ден напладне се организираа разговори на тркалезна маса, на кои се дискутираше за претставите што се изведени на програмата претходниот ден. Претставата „Чудна случка со кучето во ноќта“ е авторска адаптација на Сајмон Стивенс направена според мотивите од романот на Марк Хадон. Режисер е Зоја Бузалковска, професор на Факултетот за драмски уметности во Скопје. Асистент на режија е Димче Николовски – Димсата, драматург е Александра Бошковска. Костимите во претставата се на Елена Вангеловска и Раде Василев, а сценографијата е на Константин Трпеноски. Авторската музика е на Давид Ангеловски, а кореографијата и фри ранинг техниката е на Симон Симоновски. Улогите во претставата ги толкуваат актерите: Дамјан Цветановски, Трајанка Илиева Вељиќ, Александар Степанулески, Емилија Мицевска Трајковиќ, Соња Стамболџиоска, Јасмина Василева, Филип Трајковиќ, Стефан Вујисиќ, Златко Митрески и Нела Павловска. Драмски театар надвор од матичната сцена со претставата „Чудна случка со кучето во ноќта“ во февруари годинава гостуваше на сцената на Местно гледалишче Љубљана во рамките на фестивалот РУТА Група Триглав и на минатогодишното издание на Охридско лето каде имаше одличен прием кај публиката и театарската фела.

Драмски театар Скопје со претставата „Диши“ гостува во Приштина

Ивона Петрова — Fri, 26 May 2023 05:30:08 +0000

Драмски театар Скопје со претставата „Диши“ денеска ќе гостува во Приштина на седмиот по ред Интернационален театарски фестивал „Приштина 2023“ што се одржува од 22 до 28 мај. Во Приштина, претставата ќе ја има својата 15 изведба. Од Драмски соопштуваат дека освен актерите на театарот, на фестивалот ќе учествуваат ансамбли од театри од Шпанија, Турција, Хрватска, Албанија и од Косово. Текстот „Диши“ (Бели дробови) на Данкан Макмилан е напишан во 2011 година. Режисер на претатсвата е Димче Николовски, а драматург Александра Бошковска. Преводот го направи Благоја Бошковски – Буцко. Сценографијата е на Илија Николовски, а костимограф е Раде Василев. Улогите во претставата ги толкуваат Јасмина Василева и Димитрија Доксевски. „Диши“ е современа, длабоко интимна, истовремено универзална и еколошка - глобална драма. Lungs (Бели дробови), низ повеќе животни циклуси на љубовната врска, на духовит и прониклив начин, го следи релативно младиот пар М и Ж (M&W) додека контемплира на различни прашања за смислата и бесмисленоста, за надежта и предавствата, за промените и за смртта, за создавањето на нов живот и за крајот на светот. Актерите Јасмина Василева и Димитрија Доксевски за „Диши“ истакнуваат дека претставата навигира низ сите погоре поставени прашања, толкувајќи ги токму во „еден здив“ преку експериментирање со минималистички актерски израз зададен од самиот автор. Оваа драма е напишана за да се изведе на празна сцена. -Нема сценографија, нема мебел, нема реквизити и нема беспредметно дејствие. Нема промена на костими. Не би требало да се користи светло и звук за да се укаже на промена на времето или просторот, велат актерите. „Претставата „Диши“ ја создававме во неизвесноста на пандемијата, во неудобноста и осаменоста од наметнатата социјална дистанца, во постојаната промена на расположенијата помеѓу болката и надежта, со секој нов здив преиспитувајќи се: Дали од ова ќе излеземе како подобри луѓе?“, се навраќаат на процесот на создавање и премиерата на претставата во декември 2020 година, актерите Василева и Доксевски.

Драмски театар Скопје гостува во Приштина

Ивона Петрова — Thu, 25 May 2023 10:34:07 +0000

Драмски театар Скопје со претставата „Диши“ утре ќе гостува во Приштина. На седмиот по ред Интернационален театарски фестивал Приштина 2023 што се одржува од 22 до 28 мај, освен актерите на Драмски, учествуваат ансамбли од театри од Шпанија, Турција, Хрватска, Албанија и Косово. Текстот „Диши“ (Бели дробови) на Данкан Макмилан е напишан во 2011 година. Режисер на претатсвата е Димче Николовски, а драматург Александра Бошковска. Преводот го направи Благоја Бошковски – Буцко. Сценографијата е на Илија Николовски, а костимограф е Раде Василев. Улогите во претставата ги толкуваат Јасмина Василева и Димитрија Доксевски. „Диши“ е современа, длабоко интимна, истовремено универзална и еколошка - глобална драма. Lungs (Бели дробови), низ повеќе животни циклуси на љубовната врска, на духовит и прониклив начин, го следи релативно младиот пар М и Ж (M&W) додека контемплира на различни прашања за смислата и бесмисленоста, за надежта и предавствата, за промените и за смртта, за создавањето на нов живот и за крајот на светот. Актерите Јасмина Василева и Димитрија Доксевски за „Диши“ истакнуваат дека претставата навигира низ сите погоре поставени прашања, толкувајќи ги токму во „еден здив“ преку експериментирање со минималистички актерски израз зададен од самиот автор. Оваа драма е напишана за да се изведе на празна сцена. „Нема сценографија, нема мебел, нема реквизити и нема беспредметно дејствие. Нема промена на костими. Не би требало да се користи светло и звук за да се укаже на промена на времето или просторот“ – велат актерите. „Претставата „Диши“ ја создававме во неизвесноста на пандемијата, во неудобноста и осаменоста од наметнатата социјална дистанца, во постојаната промена на расположенијата помеѓу болката и надежта, со секој нов здив преиспитувајќи се: Дали од ова ќе излеземе како подобри луѓе? “ – се навраќаат на процесот на создавање и премиерата на претставата во декември 2020 година, актерите Василева и Доксевски. Утре во Приштина претставата ќе ја има својата 15 изведба, а потсетуваат дека минатата година имале одличен прием на гостувањето во Сараево во рамките на фестивалот РУТА.

„Кафез кај кокони“ на Драмски театар го отвора фестивалот „5ре“ во Велес

Ивана Ефремовски — Mon, 15 May 2023 10:54:30 +0000

„Кафез кај кокони“ на Драмски театар Скопје вечер во 20 часот на сцената на НУЦК „Јордан Хаџи Константинов Џинот“- Велес го отвора второто издание на фестивалот „5ре“. Премиерата на „Кафез кај кокони“ на режисерот Димче Николовски беше изведена во саботата и беше поздравена со овации и повеќеминутен аплауз од публиката во Драмски театар. Текстот е на францускиот автор Жан Пуаре. Режисерот Николовски заедно со Благоја Бошковски Буцко се сценографи на претставата. Костимографи се Раде Василев и Елена Вангеловска. Кореограф на претставата е Кренаре Невзати – Кери. Преводот е на Радмила Јорданова и Благоја Бошковски Буцко. Адапатацијата и изборот на музиката се на Александра Бошковска и Благоја Бошковски Буцко. Улогите во „Кафез кај кокони“ ги толкуваат актерите: Жорж - Филип Трајковиќ, Албен - Александар Степанулески, Жакоб - Стефан Вујисиќ, Табаро - Предраг Павловски, Мерцедес - Димитрија Доксевски, Зорба - Маја Вељковиќ Пановска, Лоран - Дамјан Цветановски, Камиј - Соња Стамболџиоска, Едуар - Златко Митрески, Мјуриел - Нела Павловска, Симон - Емилија Мицевска и во улогата на Саломе - Бранко Атанасов. Инспициент на претставата е Гоце Бојчев, а суфлер е Жаклина Цветковска. Александра Бошковска за претставата вели дека станува збор за француската фарса што ја освојува публиката на прв поглед. „Кафез кај кокони“ (“La cage aux folles”) ја има својата праизведба во февруари 1973 година во Париз. Мајсторски конструирана од познатиот актер и комичар Жан Пуаре како комедија. Игрив и забавен, текстот со хумор и леснотија задира во многу комплицирани теми: потребата за општествено прифаќање, сексуална слобода, избор во љубовта и потребата да се задржи личниот интегритет. Сместена во Сен Тропе, во веселите седумдесети, претставата на Драмски театар Скопје „Кафез кај кокони“, сака да прикаже дека педесет години потоа, овие прашања се се’ уште отворени и провоцираат дијалог низ истата структура на хумор, игривост и дрскост. Комичниот заплет е толку шармантно уникатен што провоцира две филмски адаптации, – “La cage aux folles” (1978) и “The Birdcage” (1996), како и ексклузивна преработка во мјузикл за Бродвејската сцена во 1984. „Кафез кај кокони“ утре на 16 мај во 20 часот ќе се игра и на матичната сцената на Драмски театар Скопје. Претставата не се препорачува на лица помлади од 18 години, соопшти Драмски теаатар - Скопје.

„Кафез кај кокони“ – премиера во Драмски театар Скопје

Ивона Петрова — Sat, 13 May 2023 09:52:38 +0000

На сцената на Драмски театар Скопје вечер во 20:00 часот е премиерата на претставата „Кафез кај кокони“. На текст на францускиот автор Жан Пуаре, режисерот Димче Николовски ја поставува најновата премиера во Драмски. Претставата не се препорачува на лица помлади од 18 години. Сценографијата е на Димче Николовски и Благоја Бошковски Буцко, костимографи се Раде Василев и Елена Вангеловска. Кореограф на претставата е Кренаре Невзати – Кери. Преводот е на Радмила Јорданова и Благоја Бошковски Буцко, адапатација на Александра Бошковска, Благоја Бошковски Буцко, изборот на музика е исто така на Александра Бошковска и Благоја Бошковски Буцко. Улогите во „Кафез кај кокони“ се доверени на актерската екипа: Жорж - Филип Трајковиќ, Албен - Александар Степанулески, Жакоб - Стефан Вујисиќ, Табаро - Предраг Павловски, Мерцедес - Димитрија Доксевски, Зорба - Маја Вељковиќ Пановска, Лоран - Дамјан Цветановски, Камиј - Соња Стамболџиоска, Едуар - Златко Митрески, Мјуриел - Нела Павловска, Симон - Емилија Мицевска и во улогата на Саломе - Бранко Атанасов. Инспициент на претставата е Гоце Бојчев и суфлер е Жаклина Цветковска. Александра Бошковска за претставата истакнува дека француската фарса „Кафез кај кокони“ (“La cage aux folles”) ја има својата праизведба во февруари 1973 година во Париз. Мајсторски конструирана од познатиот актер и комичар Жан Пуаре како комедија на ситуации, забуни и карактери, ја освојува публиката на прв поглед и доживува над 2000 репризи. Игрив и забавен, но и храбро проткаен со сериозни теми дотогаш неприкажани на толку експлицитен и дрзок начин, текстот со хумор и леснотија задира во многу комплицирани теми: потребата за општествено прифаќање, сексуална слобода, избор во љубовта и потребата да се задржи личниот интегритет. Комичниот заплет е толку шармантно уникатен што провоцира две филмски адаптации, – “La cage aux folles” (1978) и “The Birdcage” (1996), како и ексклузивна преработка во мјузикл за Бродвејската сцена во 1984. И покрај тоа што е изградена врз база на одредени стереотипи, пиесата како и сите нејзини адаптации, има важна улога во кршењето на бариерите и предрасудите за тоа како се претставуваат и прифаќаат луѓето со поинаква сексуалност. Сместена во Сен Тропе, во веселите седумдесети, претставата на Драмски театар Скопје „Кафез кај кокони“, сака да ви прикаже дека педесет години потоа, овие прашања се се’ уште отворени и провоцираат дијалог низ истата структура на хумор, игривост и дрскост.

Одложена претставата „Птица со глава меѓу нозе” во Драмски театар

Ивана Ефремовски — Wed, 03 May 2023 09:51:08 +0000

Претставата „Птица со глава меѓу нозе” е одложена од технички причини, информираат од Драмски театар. Од театарот ги информираат добитниците на доделените гратиси дека билетите ќе важат за утрешната претстава „My name is Goran Stefanovski”.

Џек Димиќ со монодрамата „Ој, животе“ на 5 мај гостува во Драмски театар

Ивона Петрова — Wed, 26 Apr 2023 12:34:26 +0000

Американскиот актер Џек Димиќ со монодрамата „Ој, животе“ ќе настапи на 5 мај, во 20 часот, во Драмски театар - Скопје. Гостувањето е овозможено со лична заложба на Драган Јаќимовиќ, амбасадор на Босна и Херцеговина во нашата земја. Како што информира Драмски театар - Скопје, претставата е работена по текст на Јосип Пејаковиќ. Станува збор за силна трагикомична драмска приказна која изобилува со црн хумор. Актерот Џек Димиќ ја адаптирал, режирал и го толкува ликот, кој на босански јазик на емотивен и духовит начин ни ја раскажува неговата вистина. Монодрамата „Ој, животе“ е приказна за човек кој доброволно оди на издржување на затворската казна наместо неговиот помлад брат, кој е сторител на убиство со умисла. Протагонистот на оваа монодрама на извонреден комедиографски начин ја раскажува својата мака и многу емотивно одново ги преживува сите случки низ кои поминал за време на издржувањето на казната. Џек Димиќ е еден од најпознатите актери од регионот покрај Раде Шербеџија и Горан Вишњиќ, кој постојано има ангажмани во холивудските серии и филмови. Димиќ остварил над 85 филмски, телевизиски и театарски улоги. Освен на англиски јазик, тој игра улоги на српски, руски, чешки и италијански јазик. Џек Димиќ во Холивуд играл во популарните ТВ серии „Ред и закон“, „Место на злосторот“, „Црна листа“, „Замок“, „Сина крв“, како и во сериите што во последните години се снимаат во регионот „Државен службеник“, „Ургентен центар“, „Воена академија“, „Клан“, „Династија“, „Вера“ и многу други. Џек Димиќ го играл научникот Никола Тесла во филмот „Народот на Тесла“, кандидат за Оскар за долгометражен играно-документарен филм во 2020 година. - И покрај тоа што веќе две децении гради успешна кариера во Холивуд, Димиќ не ги заборавил своите балкански корени. Во пресрет на неговиот настап во Скопје, се заблагодарува на поддршката на Амбасадата на Босна и Херцеговина и се надева на одличен прием кај македонската публика, што подразбира многу смеа и силни емоции на сцената на Драмски театар, се наведува во соопштението.