дражен петровиќ – Kurir.mk

ТАА Е МОНСТРУМ ТВРДИ МАЈКАТА НА ЛЕГЕНДАТА: Вака изгледа 30 години подоцна манекенката која на денешен ден го однесе Дражен Петровиќ во смрт! (ФОТО)

Дарко Андоновски — Wed, 07 Jun 2023 08:36:48 +0000

На денешен ден, пред точно 30 години, во сообраќајна несреќа кај Инголштад, Германија, загина легендарниот југословенски и хрватски кошаркар Дражен Петровиќ. Дражен Петровиќ го доби прекарот спортски Моцарт, а почина на 29-годишна возраст. Многу експерти сметаат дека Петровиќ е еден од најдобрите играчи во историјата на европската кошарка. Последниот натпревар за Хрватска го одигра против Словенија во квалификациите за Европското првенство во 1993 година. Репрезентативците на Хрватска се вратија од Полска со авион, но Дражен Петровиќ патувањето го започна со автомобил со неговата девојка германска манекенка Клара Шаланци зад воланот. Клара возела црвен голф, а Дражен спиел на совозачкото седиште. Удриле во камион кој бил на патот, а Клара не го видела бидејќи видливоста била слаба. Дражен Петровиќ загина, а Клара преживеала со повреди. Во автомобилот била и турската кошаркарка Хилал Едебал, која седела на задното седиште, која се здоби со тешки повреди, но закрепнала. Инаку мајката на Дражен, поранешната негова девојка во една прилика ја нарече монструм кој не е во контакт ниту со нејзината поранешна пријателка која беше во истиот автомобил. -Таа е монструм. Не била во контакт ниту со Хилал, не ја посетувала ниту во болница иако биле долгогодишни пријателки и играле заедно кошарка. Хилал живеела во Америка долги години и кога се вратила, Клара ја викнала да одат на аеродромот по Дражен заедно во Франкфурт, раскажала во една прилика Бисерка, мајката на Дражен. FOTO: NEMANJA NIKOLIĆ

„Никогаш нема да ја заборавам Македонката која прва ми соопшти дека мојот Дражен е мртов“!

Дарко Андоновски — Tue, 06 Jun 2023 13:22:56 +0000

Во пресрет на утрешното одбележување на 30-годишнината од смртта на најголемиот европски кошаркар на сите времиња, Дражен Петровиќ, многу скриени емоции почнаа да се будат кај неговите најблиски, но и кај милиони вљубеници во неговите мајстории кои ги прикажување на теренот во дресовите на Шибенка, Цибона, Реал Мадрид, Портланд, Њу Џерси, Југославија и Хрватска. Назад се враќаат мислите од тоа кобно утро на 7 јуни 1993 година и начинот односно местото на кое сите ја дознале трагичната вест дека кошаркарскиот Моцарт повеќе не е меѓу нас. Најтраорно е сеќавањето на неговата мајка Бисерка, која за хрватските медиуми се потсети на моментот кога и соопштиле дека нејзиниот син загинал во сообраќајна незреќа во Германија. „Не можам да верувам дека минаа три децении без мојот Дражен. Тој 7 јуни 1993 година чекав повик од мојот син, бидејќи имаше обичај да ми се јави кога ќе мине дел од патот. Во еден момент телефонот заѕвоне и јас помислив дека е тој, но не беше. Од Германија се јавуваше некоја Македонка, чиј глас ќе го паметам додека сум жива, која на хрватски јазик прво ме праша дали е тоа станот на Петровиќ, а потоа и дека Дражен загинал во сообраќајна незгода. Само почнав да плачам, слушалката ми падна од рацете и во таква состојба тргнав кон балконот. За среќа во станот беше и мојот сопруг, кој успеа да ме сопре во намерата. Тоа беа најтешки денови во мојот живот. Следуваше погребот на кој дојдоа илјадници луѓе“, вели Бисерка Петровиќ за хрватските медиуми. Неколку дена подоцна, кога се смирила гужвата, одејќи на гробот на Дражен неговата мајка сретнала човек чии зборови засекогаш останале запишани во нејзината глава. „На гробот сретнав непознат човек кој ми кажа: „Вие сте го родиле, но тој ни припаѓа на сите нас. Тој е нашиот Дражен“. Тие зборови никогаш нема да ги заборавам. И сега често одам на неговиот гроб. Среќна сум што и после толку време луѓето сѐ уште го сакаат и го ценат. А и како да не го сакаат кога направи толку многу за кошарката на овие простори“, завршува мама Бисерка. Легендарниот Петровиќ смртно настрада во близина на Минхен како сопатник во голф чиј возач не ја прилагодил брзината кон условите на патот. Имаше 29 години, а се враќаше по дополнителниот квалификациски турнир за ЕП 1993, кој се одржа во полскиот град Вроцлав, а на кој настапи и Македонија.

57 години од раѓањето на кошаркарскиот „Моцарт“, Дражен Петровиќ

Ивона Петрова — Fri, 22 Oct 2021 05:35:29 +0000

На 22 октомври во 1964 година во Шибеник е роден Дражен Петровиќ, еден од најдобрите кошаркари на сите времиња. Поранешниот репрезентативец на Југославија и Хрватска загина во сообраќајна несреќа во Германија на 7 јуни 1993 година. Тогаш хрватскиот кошаркарски великан имаше 28 години. Кошаркарскиот „Моцарт“ кратката, но импресивна кариера, ја почна во Шибенка, па премина во Цибона. Продолжи во Реал Мадрид, од каде отиде во НБА во тимот на Портланд. Последен негов клуб беше Њу Џерси. Петровиќ освои многу медали во репрезентативните и клупските натпреварувања.

Дражен Петровиќ, Владе Дивац и Тони Кукоч меѓу легендите на НБА лигата

Катерина Бојаџиева — Wed, 22 Sep 2021 17:14:01 +0000

Поранешните југословенски кошаркарски репрезентативци Владе Дивац, Тони Кукоч и покојниот Дражен Петровиќ се вброени меѓу легендите на НБА лигата. Спроти почеток на јубилејната 75 сезона во најсилната светска кошаркарска лига, на официјалниот сајт на натпреварувањето е претставена листа од 110 најистакнати кошаркари, кои како што се наведува, придонеле НБА да стане водечки глобален спортски и медиумски бизнис. Листата на најголеми НБА ѕвезди ја предводат Мајкл Џордан, Лари Бирд, Карим Абдул Џабар, Коби Брајант и други големи имиња, вклучувајќи ги и Арвисад Сабонис и Јао Минг.

ЦРНИОТ 7 ЈУНИ ЗА НЕА – наместо легендарниот кошаркар и се јавила Македонка која и кажала дека тој загинал, а потоа истрчала да се фрли!

Дарко Андоновски — Mon, 07 Jun 2021 14:14:27 +0000

На денешен ден во сообраќајна несреќа, живото го загуби Дражен Петровиќ, легендарен кошаркар од Хрватска кој го доби епитет „кошаркарски Моцарт“, виртуоз кој успеа да се наметне со одличните игри во Европа а подоцна и во најсилната кошаркарска лига на светото-НБА. Дражен Петровиќ почина на 28-годишна возраст, во сообраќајка која се случи во Германија, неговата мајка Бисерка изјави дека трагичната вест ја добила трагичната вест ја добила од Македонка, за која вели дека ќе ѝ го памети гласот додека е жива. „Тој кобен ден на седми јуни чекав да ми се јави мојот син, тој постојано се јавуваше кога ќе минеше дел од патот,.Кога добив повик и помислив дека е тој, од другата страна се јави некоја Македонка чиј глас ќе го паметам додека сум жива. На хрватски јазик таа ме праша дали е тоа домот на Петровиќ, а потоа ја слушнав трагичната вест. Плачев, тргнав кон балконот, сакав мојот живот да заврши, за среќа во станот беше мојот сопруг, кој успеа да ме сопре во намерата“ – изјави Бисерка. Дражен Петровиќ настрада на 29-годишна возраст, во близина на Минхен, како сопатник во автомобил марка голф чиј возач не ја приспособил брзината кон условите на патот.

Европа го загуби кошаркарскиот „Моцарт“: 28 години од смртта на Дражен Петровиќ

Ивона Петрова — Mon, 07 Jun 2021 05:49:50 +0000

Пред 28 години на денешен ден во сообраќајна несреќа животот го загуби еден од најдобрите кошаркари кои Хравтска и Европа ги имала, Дражен Петровиќ, кошаркарскиот „Моцарт“. Петровиќ животот го загуби со вообраќајна несреќа на автопатот меѓу Нирнберг и Минхен, Германија. Дражен Петровиќ последниот натпревар го одигра во дресот на Хрватска, против Словенија, квалификации за Европското првенство, турнир кој се играше во Вроцлав, Полска. Неочекувано Петровиќ решил по натпреварот од Франкфурт да замине со автомобил заедно со девојката Клара и турската кошаркарка Хилал Едебал, иако сите други играчи останале во хотел да преноќат. На пат за дома, Петровиќ со неговиот автомобил се заби во камион, тој излетал од автомобилот и го загуби животот, Едебал беше во кома, неговата девојка Клара мина со лесни повреди. Дражен Петровиќ на 15 години дебитираше во првиот тим Шибенка, потоа следуваше трансфер во Цибона со која два пати го освои наслвот европски првак, со овој клуб победи во тогашна Југославија во која триумфирше и во Купот, на 19 години беше дел од репрезентацијата на Југославија на Олимписките игри во 1984 година. Од Цибона замина кај Реал Мадрид, со „кралевите“ ја освои тројната круна, птоа се пресели во НБА, во екипата на Портланд. Во Портланд се задржа две сезони и потоа стана играч на Њу Џерси каде го потврди својот квалитет. Со селекцијата на Југославија во 1986 година на СП освои бронза, а четири години подоцна во Аргентина стигна и до златен медал. Со репрезентацијата на Хрватска освои сребрен медал на Олимписките игри во 1992 година во Барселона.

Му реков на Дражен Петровиќ: „Брате мој, те чека сообраќајна несреќа, Бог нека е со тебе“, исповед на легендрниот Мирко Миличевиќ

Дарко Андоновски — Thu, 06 Dec 2018 14:52:56 +0000

Кошаркарот Мирко Миличевиќ кои играше заедно со Дражен Петровиќ во Цибона денеска тврди дека ја предвидел сообраќајната несреќа на Петровиќ во Германија на 7 јуни 1993-та година каде на лице место загина најдобриот хрватски кошаркар на сите времиња. -Ова го немам кажано на никого досега. Дражен беше мој драг пријател, во 1990-та година му реков дека нешто ќе се случи, а тој ме погледна како што ме погледна... Бев во Марбела во 1993-та година кога ја слушнав веста на телевизија дека тој загинал. За жал јас три години претходно му кажав што ќе се случи, вели за српски Телеграф Миличевиќ. Потоа тој опишува и како се случил целиот разговор меѓу нив. -Во дневната соба бевме јас Ацо Петровиќ и Дражен. Подоцна пристигна и неговата тогашна свршеница Рената. Пријде Дражаен и ми кажа: Ајде гениј, да погледнеш, треба да се земеме. Сакаше да му гледам на дланка, ја погледнав нејзината, а потоа и неговата и не кажав ништо. Ме праша што сум видел, а јас му кажав: Слушај ако ти се ожениш со Рената, јас ќе го оженам Адолф Хитлер, а јас сум поблиску до Хитлер него ти до Рената. Му реков да се фокусира на кошарката, вели Миличевиќ. По неколку месеци тој повторно го прашал, по што тој му одговорил дека него го чека сообраќајна несреќа и господ да му биде на помош. Поранешниот кошаркар вели дека оваа способност ја наследил од својата баба која била видовита.