Дрејмонд Грин – Kurir.mk

Дрејмнод Грин се повреди

Бошко Тасиќ — Mon, 02 Oct 2023 04:17:51 +0000

Кошаркарот на Голден Стејт Вориорс, Дрејмонд Грин заработи повреда на левото стапало на подготовките за новата сезона, објавија американските медиуми. Поради истата искусниот кошаркар кој ги покрива високите позиции нема да биде дел од тимот на почетокот на сезоната. „На прегледтие беше потврдено дека избегнав најлошо можно сценарио. Уште сега моето тело добро реагира на траумата која ја претрпев, но отокот е преголем и ќе биде потребно некое време пред да започнам со рехабилитација“, изјави Грин.

Дрејмонд Грин доби 100 милиони долари за да остане во Голден Стејт

Бошко Тасиќ — Sat, 01 Jul 2023 07:07:06 +0000

Кошаркарот на Голден Стејт Вориос Дрејмонд Грин официјално доби нов договор вреден 100 милиони долари за четири години, понуда која ја прифати и останува во Сан Франциско. Со ова останува на исто место големата тројка на „воините“ која заедно со тренерот Стив Кер ќе се обиде да зададе уште некој удар во престојниве сезони. Американскиот репрезентативец целата своја НБА кариера е дел од Голден Стејт, тим кој во 2012 година го избра како 35 пик на драфтот.

Дрејмонд Грин ги одби „воините“

Бошко Тасиќ — Wed, 21 Jun 2023 04:02:56 +0000

Американскиот кошаркар Дрејмонд Грин го одби Голден стејт. Како што пренесува Атлетик, Грин одбил 27,5 милиони долари за сезоната 2023/24 и ќе ги напушти „воините“ за да стане слободен агент. Грин има 33 години и ја покрива позицијата крилен центар и во текот на кариерата имаше просек од 8,7 поени со 7 скока и 5,6 асистенции или 11,6 поени, 8,9 скока и 6,2 асистенции во плејофот. Тој дојде во Вориорс во 2012 година кога го избраа како 35. пик на драфтот во НБА. Сега тој ќе биде целосно слободен да избере нова средина и ќе видиме каде ќе одлучи да ја продолжи кариерата, но дефинитивно е дека само што заврши една ера со неговото заминување.

Грин суспендиран еден натпревар поради инцидентот со Сабонис

Ивана Ефремовски — Wed, 19 Apr 2023 08:14:56 +0000

Кошаркарот на Голден Стејт вориорс, Дрејмонд Грин доби суспензија од еден натпревар. НБА го казни Грин затоа што го стапна играчот на Сакраменто, Домантас Сабонис за време на нивни натпревар. Еден од клучните играчи на Вориорс ќе го пропушти третиот домашен натпревар од серијата од првото коло против Кралевите (0-2), кој ќе се одигра на 20 април. Инцидентот се случи во последната четвртина од вториот натпревар од плејоф пресметката. Грин со едната нога нагази на лежечкиот Сабонис, за што доби неспортски фаул од втор степен и беше исклучен. Сабонис доби техничка за фаќање за ногата на Грин. По мечот Грин изјави дека не сакал да го згази Сабонис, туку тоа го направил случајно, бидејќи му требало нешто да се потпре откако се фатил за ногата. (МИА)

Дрејмонд Грин: Леброн е најдобар на сите времиња

Бошко Тасиќ — Tue, 06 Dec 2022 06:05:54 +0000

Дрејмонд Грин застана на страната на Леброн Џејмс, кога е во прашање вечната дебата кој е подобар меѓу него и Мајкл Џордан. „Леброн започна во 2003, а веќе во 2005 беше најдобар на светот. И на врвот стои долги години. Без разлика на промените во лигата, тој успеваше да се адаптира и да го задржи статусот меѓу големата конкуренција. Сегашниот талент е далеку подобар од оној во минатото. Сигурно дека постарите нема да се согласат во тоа. Мајкл никогаш не ја победи и не беше втор зад најдобрара екипа на сите времиња. Не постои дилема, Леброн е најдобар на сите времиња!“, изјави Грин.

Грин за највредната од четирите титули: Последната, затоа што успеавме да ги замолчиме критичарите

Ивана Ефремовски — Tue, 22 Nov 2022 09:00:10 +0000

Кошаркарот на Голден Стејт вориорс, Дрејмонд Грин призна дека највредната од четирите шампионски титули за него е освоена минатата сезона. -Сигурно последната, бидејќи за мене ова е како конечен одговор на сите оние кои не веруваа во нас, ги испративме критичарите во пеколот. Сите нè отпишавте. Дефинитивно ме отпишаа и мене и се откажаа… Од играње во пет финалиња во НБА по ред преминав во играње којзнае што. Го менувавме планот за секој натпревар бидејќи тренерот Кер се обидуваше да најде нешто што ќе ни помогне. Еднаш дојде до мене и ми рече: „Дрејмонд, би сакал да можам да те ставам на платен одмор“. Имавме еден куп млади момци кои не знаеја ништо. Се запрашував што по ѓаволите се случува? И после таа сезона сите велеа дека Дрејмонд бил издуван. Што мислите дека требаше да направам кога бевме 14-52 во поредокот? Значи, кој е мојот омилен наслов? Последната титула беше голем неуспех за сите оние кои не веруваа во нас, за сите копилиња кои не отпишаа, изјави Грин. Контроверзниот кошаркар на 7 октомври на клупски тренинг со еден удар го нокаутира соиграчот Џордан Пул и го навлече кон себе гневот на кошаркарската јавност. (МИА)

Кер: Грин ја изневери нашата доверба

Дарко Андоновски — Wed, 12 Oct 2022 08:28:58 +0000

– Тренерот на Голден стејт, Стив Кер, го коментираше инцидентот меѓу Дрејмонд Грин и Џордан Пул на тренинг и одлуката на клубот да не го суспендира Грин од учество на натпревари. – Ова е најголемата криза што ја имавме откако станав селектор на овој тим. Ова е многу сериозно. Ние не сме совршени. Но, ќе се потпреме на искуството што го имаме и веруваме дека ова е најдоброто решение за нашиот тим. Имаме многу работа. За сите нас. Нема заобиколување, нашата репутација настрада поради овој инцидент. Треба да работиме за да го поправиме ова. Грин ја поткопа нашата доверба, изјави Кер. Вориорс го казни Грин, но не го суспендираше поради инцидент за време на тренингот минатата среда. Кошаркарот го удри со бокс во лицето соиграчот Пул. Инцидентот предизвика големи реакции и критики за четирикратниот шампион во НБА.

Видео од инцидентот: НБА ѕвезда нокаутира соиграч!

Ивана Ефремовски — Sat, 08 Oct 2022 08:33:03 +0000

Крилниот центар на Голден Стејт Вориорс, Дрејмонд Грин удира силно како боксер. Во деновите кога во НБА на големо за зборува за тепачката со бекот на тимот, Џордан Пул, се појави и видео од инцидентот. Двајцата најпрвин вербално се пресметале, а потоа брзо прераснало во физичка пресметка, каде што се гледа дека Грин со десната рака го удрил Пул директно во лицето. Пул минатата сезона беше еден од најважните „џокери“ на Голден Стејт со просек од 18,5 поени, додека Грин со години е еден од лидерите на тимот заедно со Стеф Кари и Клеј Томпсон. Грин и претходно влегуваше во кавга со соиграчите, а познато е дека беше имаше судир и со Кевин Дурент.

TMZ obtained the video of the altercation between Draymond Green and Jordan Poole at practice https://t.co/55rMnBqAVG pic.twitter.com/k02BGsBo8G
— philip lewis (@Phil_Lewis_) October 7, 2022

Грин ќе добие максимален договор

Бошко Тасиќ — Fri, 29 Jul 2022 05:01:48 +0000

Кошаркарот на Голден стејт, Дрејмонд Грин, очекува да добие максимален договор од НБА шампионот вреден 164 милиони долари, пренесуваат американските медиуми. Грин е под договор со „воините“ до 2024 година, а треба да заработи 54,3 милиони долари во следните две години. Американските медиуми потсетуваат дека кошаркарот на Голден стејт има можност да излезе од договорот пред почетокот на следната сезона. Грин (32) очекува да добие нов петгодишен договор вреден 164,2 милиони долари. Тој е член на шампионот од 2012 година, а со „воините“ освои четири титули во НБА лигата. Со репрезентацијата на САД освои златни медали на Олимпијадите во Рио де Жанеиро и Токио.

Дрејмонд Грин: Ниту еден играч во НБА не игра одбрана ангажирано како против Кари, Стеф претендира за МВП

Ивана Ефремовски — Thu, 04 Nov 2021 17:52:51 +0000

Кошаркарот на Голден Стејт, Дрејмонд Грин е уверен дека неговиот соиграч Стивен Кари треба да биде еден од претендентите за МВП титулата оваа сезона. -Мислам дека Стеф Кари секогаш ја заслужува титулата МВП. Ниту еден играч во НБА не се ангажира толку многу во одбрана, како против Стеф. Ако нашиот тим продолжи да победува, ќе биде тешко да се негира дека Стеф е најкорисен играч, истакна Грин. Кари во кариерата двапати ја освои наградата за најкорисен играч (МВП) во НБА-лигата. Голден Стејт по седум натпревари во тековната сезона има шест победи и само еден пораз.