дремка – Kurir.mk

Редовното дневно спиење го намалува ризикот од деменција

Ивона Петрова — Tue, 20 Jun 2023 19:36:40 +0000

Попладневната дремка помага да се спречи деменција, сугерира новото истражување. Уживањето во дремката во текот на денот може да ја забави брзината со која вашиот мозок се намалува, со што ќе биде поголем и поздрав во средните и старосните години. Научниците од Универзитетскиот колеџ во Лондон користеле податоци од 378.932 Британци на возраст од 40 до 69 години. Откриле дека некои луѓе генетски имаат поголема веројатност да спијат во текот на денот, а скенирањата покажале дека мозокот на дремачите изгледал 2,6 до 6,5 години помлади. -За некои луѓе кратките дневни дремки може да бидат дел од сложувалката што помага да се одржи мозокот здрав како што старееме. Се надевам дека оваа студија може да помогне да се намали стигмата што сè уште постои околу дневната дремка, вели авторот на студијата, др. Викторија Гарфилд. Истражувачите сугерираат дека дремката пократка од 30 минути во раните попладневни часови е најдобра. Може да го заштити мозокот од влошување предизвикано од недоволно спиење ноќе. Дваесет и седум проценти од лицата постари од 60 години спијат често или прилично често, покажа истражувањето на YouGov минатата година, во споредба со 13 проценти од оние под 25 години. Познато е дека премалиот сон го зголемува ризикот од болести, но науката за придобивките од дремењето е измешана, а некои студии откриваат дека тоа е знак за лошо здравје. Студијата на др. Гарфилд ја споредува количината на мозочна материја кај луѓето чија ДНК ги тера да спијат повеќе или помалку во текот на денот. Поголемиот волумен на мозокот покажува дека е поголем, потежок и преполн со повеќе витални нерви, што го намалува ризикот од деменција. Студијата покажа дека луѓето кои дремеле во просек имаат 1,3 отсто поголем волумен на мозокот.

Спиењето попладне не е целосно безбедно, дознајте колкава “дремка“ може да си се почестите

Ивана Ефремовски — Fri, 16 Sep 2022 16:18:57 +0000

Стручните лица советуваат дека не секој одмор е добар за човековото тело. Во таа смисла, на пр., попладневната дремка не треба да трае повеќе од 40 минути или, во спротивно, нашиот „внатрешен часовник“ и циклусите на спиење може да бидат нарушени.

Човекот е биолошки „програмиран“ да спие подолг дел од ноќта и да одмори кратко еднаш во текот на денот. Имено, температурата на нашето тело најмногу паѓа меѓу 13:00 и 15:00 часот, поради што токму тогаш почнуваме да се чувствуваме поспани… Но, според стручњаците, спиењето попладне не е целосно безбедно. Едно истражување покажува дека спиењето попладне повеќе од 40 минути го зголемува ризикот од повеќе физички нарушувања. Испитувањата опфатиле 300.000 лица, а резултатите посочуваат на поврзаност меѓу попладневната дремка и развојот на т.н. „метаболички синдром“, којшто вклучува покачена тежина, висок крвен притисок и повисоко ниво на холестерол. Истражувањето беше презентирано на Годишната конференција на Американскиот колеџ за кардиологија. Според податоците, во сон дење, кој трае повеќе од 40 минути, телото „замислува“ дека е во состојба на длабок сон, што значително влијае на метаболизмот. Поради ова, човекот може а биде дури и поуморен после таквиот сон отколку пред него. Клучот е, всушност, во тоа да не се претера во спиењето. Луѓето кои спијат најмногу половина час попладне се чувствуваат „поведро“, поодморено, посвежо и се чувствуваат подобро. Во случај на подлабок сон, мозокот оди во фаза на „бавни бранови“, по коишто речиси секогаш се чувствуваме уморни и дезориентирани.

Дремката ја зголемува можноста за мозочен удар

Ивона Петрова — Tue, 26 Jul 2022 11:39:08 +0000

Луѓето кои често придремуваат дење, имаат поголема веројатност да развијат висок крвен притисок и да доживеат мозочен удар, според ново обемно истражување објавено во списанието „Хајпертенжн“ (Hypertension). Учесниците во испитувањата кои вообичаено дремат во текот на денот, имале 12 отсто поголеми шанси да развијат висок крвен притисок – долгорочно и 24 отсто поголема опасност да доживеат мозочен удар, во споредба со луѓето кои немаат навика да дремат… Кај лицата помлади од 60 години, дневното дремење ја зголемува можноста од развој на висок крвен притисок за 20 отсто во споредба со луѓето кои никогаш или ретко задремуваат преку ден, според научниот труд на Американското здружение за срце (АХА). При трудот се користени податоци од 360.000 лица кои дале податоци за нивните „навики за дремење“ до „Ју-кеј биобанк“ (UK Biobank) – голема биомедицинска база на податоци којашто ги следела жителите на Обединетото Кралство од 2006 до 2010 година. Здружението АХА неодамна го додаде времетраењето на спиењето како една од осумте основни индикатори за оптималното здравје на срцето и мозокот. – Резултатите покажуваат дека дремењето ја зголемува инциденцата на висок притисок и мозочен удар, откако ќе се прилагодат или разгледаат многу варијабли за коишто се знае дека се поврзани со кардиоваскуларните болести и опасноста од мозочен удар, изјави д-р Филис Зи, директорка на Центарот за деноноќна медицина и спиење на Медицинскиот факултет „Фајнберг“ при Нортвестерн универзитет во Чикаго. Повеќе од луѓето во студијата кои редовно дремеле, исто така пушеле цигари, пиеле секојдневно, ‘рчеле и имале несоница.

ВИДЕО: Бајден задрема на средбата со премиерот на Израел

Дарко Андоновски — Sun, 29 Aug 2021 08:25:26 +0000

Американскиот претседател Џо Бајден задремал на средбата со премиер на Израел, Нафтали Бенет во Белата куќа за усогласување на ставовите кон Иран. Средбата Бајден – Бенет се одржа пред два дена, од која се очекува да се намалат тензиите помеѓу САД и Израел настанати за време на мандатите на поранашниот американски претседател Доналд Трамп и поранешниот израелски премиер Бенјамин Нетанјаху. На снимката објавена на социјалните медиуми се гледа како Бајден спие додека Бенет зборува за иднината на односите помеѓу двете држави.

משום מה התקשורת הישראלית נרדמה בעצמה ולא שמה לב לקטע ההיסטורי הזה. חשבתי שבכל זאת כדאי שתכירו 😴 pic.twitter.com/Stb4socnlC
— גלית דיסטל אטבריאן (@GalitDistel) August 28, 2021

Ве фаќа дремка среде работно време? Кафето не е единствено решение!

Ивана Ефремовски — Tue, 13 Jul 2021 13:58:27 +0000

За многу луѓе кафето е единственото нешто кое може да ги освести кога им недостигаат неколку часа квалитетен сон. За да не претерувате непотребно со кафе во текот на целиот работен ден, прочитајте ги алтернативните начини кои ќе ви помогнат да останете будни. Ладна вода Миењето со ладна вода или пиењето чаша ладна вода, е еден од најдобрите начини да се освестите. Едноставни утрински вежби Кога многу ви се спие, скокнете неколку пати во место за да го забрзате протокот на крв и за да го покачите нивото на вашата енергија. Гума за џвакање Земете гума за џвакање без шеќер. Движењето на мускулите на лицето предизвикано од џвакањето, ќе го избрка уморот кој го чувствувате. Најмногу се препорачуваат мастики со освежувачки вкус, како на пример пеперминт, лимон и слично. Насмевка Смеењето доволно го стимулира вашиот мозок и го тера да се разбуди. Музика Слушањето музика со брз ритам кога многу ви се спие, исто така ќе ви го разбуди мозокот. Светлина Ако можете, прошетајте се малку на сончева светлина. Она што го рекле старите не е лага, сонцето навистина дава енергија. Доколку не можете да излезете надвор, максимално осветлете ја просторијата во која седите. Запалете го светлото и тргнете ја завесата, бидејќи ако седите во мрак ќе се чувствувате поспано.