дресови – Kurir.mk

Бројот 88 забранет на фудбалските дресови во Италија: Причината добро позната на цела Европа!

Дарко Андоновски — Wed, 28 Jun 2023 17:40:32 +0000

Како дел од иницијативата за борба против антисемитизмот, на фудбалерите во Италија во иднина ќе им биде забрането да го носат бројот 88 на своите дресови, објавија денеска италијанските фудбалски власти. Бројот 88 во нацистичката идеологија го симболизира поздравот „Хајл Хитлер“. Иницијативата, која ја координираат италијанската Влада и националната фудбалска Федерација, повикува, меѓу другото, фудбалските натпревари да бидат прекинати во случај на антисемитски скандирања. Во март годинава навивач кој носеше дрес на римски Лацио со натпис „Хитлерсон“ и бројот 88 доживотна забрана да присуствува на натпревари на овој прволигаш. Италијанскиот министер за внатрешни работи Матео Пјантедоси рече дека овие чекори се „соодветен и ефикасен одговор на неподносливите предрасуди кои пречесто се појавуваат на италијанските стадиони“. „Кредибилитетот на фудбалот, кој е повреден и оштетен од дискриминаторското однесување, има директна рефлексија врз италијанското општество“, порача првиот човек на Фудбалската федерација на Италија, Габриеле Гравина.

Бразил првпат во историјата носеше црни дресови – со нив играше само едно полувреме! (ВИДЕО)

Ристе Здравков — Sun, 18 Jun 2023 08:56:01 +0000

Во знак на поддршка за борбата против расизмот, на пријателскиот меч против Гвинеја, Бразил во првото полувреме носеше црни дресови, во вториот дел настапи со традиционалните жолти, мечот го добија со 4-1. Неодамна Винисиус беше мета на расистички навреди кога Реал Мадрид гостуваше кај Валенсија. Бразилската федерација реши мечот против Гвинеја да го посвети токму на борбата против расизмот. Бразил за првпат во својата историја облече црни дресови, во нив играше само во првото полувреме, а во вториот дел излезе со традиционалните жолти. Бразилците го добија мечот со 4-1. Жоелинтон и Родриго дадоа голови во првото полувреме, во вториот дел погодија Милитао и Винисиус.

Новиот аргентински дрес со три шампионски ѕвезди е експресно распродаден

Ристе Здравков — Tue, 27 Dec 2022 11:53:23 +0000

Во Аргентина продолжува лудилото по освојувањето на титулата светски првак. Во меѓувреме, започна претпродажбата на новиот дрес на фудбалската репрезентација со три ѕвезди, наменет за трикратните светски шампиони, а од компанијата „Адидас“ наведуваат дека првата фаза од дресовите распродадена. По неколку часа не можеше да се регистрира и порача дресот преку интернет, а аргентинските навивачи се обидоа да го набават новиот дрес и во продавниците. „Во оваа почетна фаза е распродадена првата серија на достапни дресови“, се додава во соопштението на „Адидас“, кој е снабдувач со опрема на новите светски шампиони. „Адидас“ соопшти дека залихите ќе се надополнат во наредните недели, со зголемувања во текот на јануари и февруари.

ФОТО: Еве како изгледаат новите дресови на РК „Алкалоид“

Ивана Ефремовски — Sat, 24 Dec 2022 09:52:50 +0000

Во реновираната спортска сала во Автокоманда, денес беа промовирани новите дресови на РК „Алкалоид“. КУРИР ви пренесува во какви дресови ќе настапуваат ракометарите. РК Алкалоид е формиран во 2021 година со примарна цел младите ракометни таленти кои имаат потенцијал и желба за напредок правилно да се насочат и да се развиваат во врвни играчи со позитивни животни вредности. Правилната работа, дефинираниот систем на функционирање, како и интегритетот и кредибилитетот во работењето се основните начела за кои се залага овој клуб. Со организација на стручната работа, РК Алкалоид и неговиот тим од ракометни експерти ќе се стремат да им овозможат на ракометарите квалитетен и напреден тренажен процес, со цел нивно натамошно развивање и градење како врвни ракометари, кои ќе бидат столб на македонскиот ракомет. РК Алкалоид по успешниот настап во дебитантската сезона во Првата лига обезбеди пласман во Суперлигата во сезоната 2022/2023. Прв тренер на тимот стана македонската ракометна легенда Кирил Лазаров. Во 2022 година формиран е и РК Мулти Есенс, екипа составена од помлади талентирани играчи кои формираат база на играчи што имаат младински репрезентативен потенцијал.

Аргентинците прво ги разменуваа дресовите со Хрватите, па потоа им ги фрлаа во канта за ѓубре – светот гневен по ова видео на Дибала на ТикТок (ВИДЕО)

Дарко Андоновски — Wed, 14 Dec 2022 11:33:40 +0000

Аргентина со победата над Хрватска од 3:0 си обезбеди пласман во финалето на Светското првенството во Катар кое ќе се одигра оваа недела. Сепак, светот остана подзинат кога виде како на неспортски начин Аргентинците одлучија да го прослават влезот во финалето. Снимката која ја објави Пауло Дибала на ТикТок покажа неспортско однесување на репрезентативците, односно на луѓе од стручниот штаб за кој може да следуваат и казни од надлежните на Мундијалот во Катар. На видеото се гледа како еден човек доаѓа и ги фрла во канта за ѓубре хрватските дресови кои ги разменија фудбалерите на Аргентина со нив.

View this post on Instagram

A post shared by Telegraf.rs (@telegraf.rs)

Подоцна еден од Аргентинците го извади дресот фрлен во кантата, но за жал видеото веднаш стана вирално...

Дресовите се спремни, напред Македонија!!! (ФОТО)

Ристе Здравков — Thu, 17 Nov 2022 15:56:45 +0000

Македонската фудбалска репрезентација во 18 часот во Скопје го игра пријателскиот меч против Финска. Ова е еден од двата меча кои нашите момци ќе ги одиграат во терминот одреден од ФИФА за мечевите на репрезентациите. Освен со Финска, три дена подоцна исто така во Скопје, Македонија силите ќе ги одмери со Азербејџан, што секако е последен тест пред квалификациските мечеви следната година.

Дојдоа во Катар да играат Светското првенство, но ги заборавија дресовите дома

Ристе Здравков — Tue, 15 Nov 2022 18:34:12 +0000

Светското првенство започнува во недела, а дел од репрезентациите учеснички се соочуваат со сериозни проблеми, пред се логистички. Така, една од селекциите е во ситуација да нема дресови за првиот натпревар. Репрезентацијата на Гана сериозно ризикува да не го одигра првиот натпревар на Светското првенство во официјални дресови од бизарна причина. Имено, експедицијата на африканската селекција пристигна во Катар, а комплетната опрема вклучувајќи ги и дресовите беше заборавена, а сега практично немаат дресови за Светското првенство. ФС Гана ги иницираше сите можни врски за да бидат доставени дресовите во Катар, но како што сега стојат работите тешко дека тоа ќе се случи до првиот натпревар. Главна причина е бавноста на поштата во Гана, па избраниците на Ото Ада веројатно ќе мора да бараат алтернативно решение за првиот меч на Мундијалот. Гана го отвора турнирот на 24 ноември со мечот против Португалија, а ќе игра и со Јужна Кореја и Уругвај. За очекување е да бидат испорачани дресовите за другите два натпревари.

Данците со политичка порака на дресовите на СП во Катар

Тале Кристо — Thu, 29 Sep 2022 18:12:16 +0000

Производителот на спортска опрема „Хумел“ (Hummel) објави дека на дресот, кој данската фудбалска репрезентација ќе го носи на Мундијалот во Катар, покрај посвета на освојувањето на европската титула од 1992 година, ќе има и порака поврзана со кршењето на човековите права во земјата домаќин. -Формата и бојата на дресовите не се инспирирани само од Европското првенство 1992 и најголемиот успех на данскиот фудбал во историјата. Тие, исто така, се и протест против Катар и рамнотежата на човековите права во таа држава , објави компанијата. Со својот дизајн на данските дресови во црвена, бела и црна боја, производителот „Хумел“ сака да го сврти вниманието кон арапскиот домаќин на Мундијалот и особено на условите за работа на илјадници странски државјани, кои беа клучни во подготовката на инфраструктурните објекти за потребите на турнирот „Не сакаме да бидеме видливи за време на турнирот поради кој илјадници луѓе ги загубија животите во текот на подготовките, објави „Хумел“.

ФОТО: Србија ги објави дресовите за Катар, мислењата на фановите поделени

Ристе Здравков — Mon, 29 Aug 2022 09:35:17 +0000

Откако не настапи на Европското првенство минатата година, фудбалската селекција на Србија се враќа на големата сцена и ќе биде меѓу учесниците на претстојното Светско првенство во Катар. По подолго време Србија поседува голем квалитет во своите редови, па затоа и очекувањата кај фановите се поголеми на овој собир. На три месеци до стартот од планетарниот шампионат, Фудбалскиот сојуз на Србија го објави дизајнот на дресовите со кои „орлите“ ќе бркаат победи во Катар, а дресот веќе предизвика поделени мислења. „Одвојувањето на институционалниот грб од репрезентативниот грб е практика која веќе се спроведува во Федерациите (Белгија, Холандија, Франција, Италија...). Од друга страна, грбот кој во иднина ќе го краси дресот на националните селекции симболизира и содржи неколку вредности: традиција, страст, посветеност, единство и храброст. Инспириран е од традиционалните мотиви, симболи на нашата земја низ историјата“, се вели во соопштението на Фудбалскиот сојуз на Србија (ФСС). Домашната гарнитура на дресови е во бордо боја, додека гостинскиот дрес е бел. На првенството во Катар, Србија ќе биде во група со Бразил, Швајцарија и Камерун.

Вака изгледаат новите дресови на Јувентус: Фановите разочарани, не сакаат да ги видат фудбалерите (ВИДЕО)

Ивана Ефремовски — Fri, 15 Apr 2022 16:38:47 +0000

Јувентус доби четврта гарнитура на дресови која е создадена од Адидас и еден бразилски уметник. Навивачите се разочарани и не сакаат да ги видат фудбалерите во овој дрес. Голем број навивачи на социјалните мрежи порачаа дека не им се допаѓа дизајнот.