Ковачки: Од МО се украдени документи со назнака строго доверливо, чие неовластено откривање може да ја загрози државата, одговорност од Славјанка Петровска веднаш

Тале Кристо — Tue, 04 Oct 2022 08:23:51 +0000

Втор ден Министерството за одбрана молчи за украдените класифицирани документи и за украдените компјутери на кои имало строго доверливи документи, пишува на социјалната мрежа на Фејсбук пратеникот во македонското Собрание Драган КОвачки. Голем срам е министерство за одбрана на НАТО членка да биде нетранспарентно за ваков настан, а уште поголем срам е да си неспособен да заштитиш класифицирани документи и компјутери. Ова е случај кој мора да заврши со кривична одговорност и кон одговорните кои не преземале мерки и овозможиле поединци или група да во сред центар на градот, се осмелат да влезат во заштитен објект на министерството за одбрана и да крадат документи и компјутери. Според Законот за класифицирани информации, класифицирана информација со степен „СТРОГО ДОВЕРЛИВО“ е информација чие неовластено откривање би предизвикало исклучително сериозна штета за ВИТАЛНИТЕ интереси на Република Македонија. Кога се крадат класифицирани документи (мобилизациски) со степен на тајност Строго Доверливо, а за тоа молчи Министерот - Славјанка Петровска, а молчи и Врховниот Командант - во случајов Стево Пендаровски, се отвора сомнеж дека сакаат да го прикријат настанот со цел да се спасат од одговорност. После ваков скандал, министерот за одбрана треба да си поднесе оставка, а Претседателот на државата треба помалку да зборува за енергетската состојба која не му е во надлежност, туку да се заинтересира за тоа кој и зошто се дрзнал да краде мобилизациски и друг тип на документи, како и за тоа колкава штета е нанесена на Одбраната во која тој има надлежност, пишува ковачки во својата објава.

дрган ковачки – Kurir.mk

Ковачки: Од МО се украдени документи со назнака строго доверливо, чие неовластено откривање може да ја загрози државата, одговорност од Славјанка Петровска веднаш