дрим тим – Kurir.mk

Шест кошаркарски ѕвезди ќе настапат за САД на Мундобаскетот

Бошко Тасиќ — Tue, 06 Jun 2023 04:28:55 +0000

Американските медиуми веќе ја објавија половина од екипата на Соединетите Американски Држави која ќе игра на Светското првенство (СП) во кошарка, кое е закажано во септември, а на кое земјата важи за прв фаворит за златото. Новиот селектор Стив Кер ќе го има првиот сериозен предизвик. За Соединетите Американски Држави на планетарниот собир ќе играат Ентони Едвардс од Минесота, Тајрис Халибуртон од Индијана, Микал Бриџис од Бруклин, Боби Портис од Милвоки и Остин Ривс од Лос Анџелес Лејкерс. Во комбинација за настап и тоа сериозна е плејмејкерот Џејлен Брансон од Њујорк Никс. Засега не е познато дали ќе има некои од НБА-ѕвездите на овој собир, како што на пример се Џејсон Тејтум, Крис Мидлтон, или пак Кевин Дурант и Леброн Џејмс.

ОИ: Американскиот дрим- тим им наплати на Французите и дојде до златниот медал

Бошко Тасиќ — Sat, 07 Aug 2021 09:49:29 +0000

Избраниците на Грег Попович стигнаа до очекуваното злато на Олимписките игри откако во финалниот натпревар славеа против Франција со резултат 87:82. Кошаркарите на САД стигнаа до ново, вкупно 16. злато на Олимписките игри, додека за Французите ова ќе биде трето сребро по игрите одржани во Лондон во 1948 и Сиднеј во 2000 година. Американците од 1992 година, кога им беше дозволено на НБА играчите да играат на Олимписките игри постојано се на врвот, освен во 2004 година кога златото замина на градите на аргентинските кошаркари, додека САД тогаш се закити само со бронза. Што се однесува до самиот натпревар, во тимот на Грег Попович најефикасни беа Кевин Дурент со 29 поени и Џејсон Тејтум со 19 поени, додека кај Франција најмногу поени постигнаа Гобер и Фурние, по 16

Американскиот дрим тим поразен од Нигерија (ВИДЕО)

Бошко Тасиќ — Sun, 11 Jul 2021 10:20:59 +0000

Американскиот кошарарски Дрим тим кој треба да настапи на следните Олимписки игри во Токио оваа лето, само што ги започна подгтотовките во Лас Вегас, и го одигра првиот пријателски натпревар. Чудото да биде поголемо загубија од репрезентацијата на Нигерија со конечни 90:87. Габе Винсент со 21 поен најдобар кај Нигерија, додека Кевин Дурент на спротивната страна додаде свои 17. https://www.youtube.com/watch?v=f0Db4x6e1NM&feature=emb_title

Грент Хил ќе биде прв човек на американската кошаркарска репрезентација

Бошко Тасиќ — Sun, 04 Apr 2021 20:00:29 +0000

Некогашниот кошаркар Грент Хил ќе го наследи Џери Коланџело на позицијата прв човек на американската кошаркарска репрезентација. Главна задача од почетокот ќе му биде да ангажира нов селектор бидејќи Грег Попович најави повлекување од националниот тим по Олимписките Игри во Токио. Хил играше во НБА лигата 19 години и тоа за екипите на Детроит, Феникс, Орландо и Лос Анџелес Клиперс. Беше прогласен за дебитант на сезоната, седум пати настапи на Ол - стар натпреварите, а за време на студирањето два пати ја освои шампионската титула во НЦАА.