дрис мертенс – Kurir.mk

Мертенс по девет години го напушта Наполи

Бошко Тасиќ — Sun, 24 Jul 2022 07:42:28 +0000

Екипата на Наполи по девет години ќе се раздели со еден од своите најдобри фудбалери Дрис Мертенс. Првиот човек на клубот Аурелио де Лаурентис потврди дека белгискиот интернациналец нема да добие нов договор. Мертенс во Неапол пристигна во 2013 година од редовите на ПСВ Ајндховен. Низ годините запиша многу рекорди, меѓу кои се издвојува еден, кој го прави најдобар стрелец во историјата на клубот со 148 погодоци на 397 меча. Негова следна дестинација би можела да биде екипата на Лацио.

Мертенс пред нов договор со Наполи за многу пониска плата

Тале Кристо — Wed, 27 Apr 2022 20:32:48 +0000

Белгискиот напаѓач во редовите на Наполи, Дрис Мертенс, одржа едночасовен состанок со клупскиот претседател Аурелио Де Лаурентис по кој сè поизвесно е дека двете страни ќе ја продолжат соработката, јавија денеска италијанските медиуми. Мертенс е најдобар стрелец на Наполи, а медиумите наведуваат дека белгискиот фудбалер би можел да потпише нов договор за значително пониска плата. Мертенс сега заработува 4.5 милиони евра по сезона, а во договорот постои опција за негово продолжување, која Наполи нема да ја активира. Според весникот Кориере дело Спорт, место таа опција, Мертенс би требало да потпише нов договор со Наполи вреден 1.2 милиони евра по сезона, плус бонуси.

Мертенс го повтори рекордот на Наполи за голови во Серија А

Тале Кристо — Fri, 23 Apr 2021 06:28:58 +0000

Напаѓачот на Наполи, Дрис Мертенс синоќа постигна гол на натпреварот од 32. коло во италијанскиот шампионат против Лацио (5:2). Триесет и тригодишниот Белгиец го повтори клупскиот рекорд за погодоци во Серија А, постигнувајќи 102 гола. Овој успех напаѓачот и го посвети на својата баба, која почина минатата недела. Исто така, Мертенс е најефикасен фудбалер на Наполи со 135 гола постигнати на сите натпреварувања. Во тековната сезона, Мертенс одигра 32 натпревари, на кои постигна 10 гола и направи девет асистенции.

Мертенс во Наполи останува до 2023 година

Тале Кристо — Wed, 21 Apr 2021 18:07:42 +0000

Калчолигашот Наполи ќе ја активира клаузулата во договорот со Дрис Мертенс, кој е најдобар стрелец во историјата на клубот, со цел белгискиот напаѓач да остане во Неапол до лето 2023 година, односно една година подолго од планираното, јавија денеска италијанските медиуми. Мертенс ја игра осмата сезона во дресот на Наполи, постигнувајќи досега 134 голови. Зад него се Марек Хамшик (121), додека Диего Марадона е на третото место со 115 голови. Иако имаше проблеми со повредите, а наскоро ќе го прослави и својот 34 роденден, Мертенс оваа сезона постигна девет голови, додавајќи и осум асистенции. Во Наполи дојде во 2013 година од ПСВ Ајндховен во трансфер вреден 9.5 милиони евра.

Мертенс се повреди на мечот со Интер

Тале Кристо — Thu, 17 Dec 2020 10:11:49 +0000

Белгискиот репрезентативец и член на Наполи, Дрис Мертенс се повредил на натпреварот од 12. коло на италијанскиот шампионат против Интер (0:1) одигран вчеравечер во Милано. -Дрис доби повреда на скочниот зглоб. По целосното испитување, ќе дознаеме колку е сериозна штетата, соопшти тренерот на Наполи, Џенаро Гатузо. Мертенс беше заменет во 16. минута од средбата. Во сезоната 2020/21, 33-годишниот Белгиец има постигнато пет голови и седум асистенции на 17 натпревари.

Наполи го задржува својот најдобар стрелец во историјата

Тале Кристо — Wed, 17 Jun 2020 15:13:34 +0000

Напаѓачот на Наполи, Дрис Мертенс, официјално го продолжи договорот за уште две години со опција за трета, објави клубот. Белгиецот пристигна во Неапол во 2013 година и во моментов е во својата седма сезона со „небесносините“. Пред само неколку дена, 33-годишниот играч стана стрелец број еден во историјата на клубот, откако веќе има 122 погодоци. – Среќен сум што ќе бидеме заедно подолго. Да живее Дрис!, напиша претседателот на Наполи, Аурелио Де Лаурентис на Твитер.

Мертенс може да го продолжи договорот со Наполи за две години

Дарко Андоновски — Sat, 16 May 2020 18:59:59 +0000

Дрис Мертенс може да го продолжи договорот со Наполи. Како што пренесува „Фудбал Италија“ повикувајќи се на ТВ „Луна“, Белгиецот продолжува да преговара со клубот и може да потпише нов договор на две години. Главната пречка за договорот е големиот бонус за потпишување на кој смета 33-годишниот играч. Претходно беше објавено дека Интер, Челси, ПСЖ и Борусија покажуваат интерес за Мертенс. Оваа сезона, белгискиот фудбалер постигна шест гола на 21 натпревар во Серија А.

Арсенал се приклучува во борбата за Мертенс

Ивона Петрова — Tue, 07 Apr 2020 09:38:12 +0000

Напаѓачот Наполи, Дрис Мертенс може да се пресели во Арсенал во текот на летото, објави „Sky Sports“. Договорот на 32-годишниот Белгиец со наполитанците завршува за неколку месеци, така што другите клубови можат да преговараат со играчот. Топџиите се подготвени да му понудат солиден договор. Борусија од Дортмунд, Баерн, Манчестер јунајтед и Интер исто така се подготвени да се натпреваруваат за потписот на играчот.

Мертенс интересен за Јувентус

Дарко Андоновски — Wed, 08 Jan 2020 13:37:25 +0000

Италијанскиот фудбалски шампион се подготвува да зададе силен удар на Наполи со привлекување на Дрис Мертенс. Договорот на Белгиецот со наполитанците истекува на крајот на сезоната и многу веројатно е дека нема да потпише нов поради заладените односи со клупското раководство. За неговите услуги досега интерес пројавија Рома и Интер, а од денеска во ред за белгискиот репрезентативец застанува и Јувентус. Мертенс е втор најдобар стрелец во историјата на Наполи. Има три гола помалку од Словакот Марек Хамшик, па евентуална реализација на трансферот ќе претставува нов силен удар за навивачите на „Сан Паоло“, сличен на оној со Гонзало Игуаин.

Мертенс го престигна Марадона по број на голови за Наполи

Ивона Петрова — Thu, 24 Oct 2019 06:07:36 +0000

Белгискиот фудбалер Дрис Мертенс го постигна својот 115. и 116. гол за Наполи во натпревар од 3. коло од групната фаза од Лигата на шампионите синоќа на гостувањето кај Салцбург. Во овој статистички индикатор Мертенс го престигна легендарниот Диего Марадона, кој има 115 гола за Наполи. Лидер во ефикасност за „наполитанците“ е Марек Хамшик кој има 121 погодок.