дритон абазовиќ – Kurir.mk

Абазовиќ: Најважно е Ѓукановиќ повеќе да не е претседател на Црна Гора

Дарко Андоновски — Mon, 23 Jan 2023 15:57:30 +0000

Граѓанското движење УРА се уште нема заземено официјален став по однос претседателските избори, ќе видиме кои ќе бидат кандидатите, но најважно е што Мило Ѓукановиќ повеќе не е претседател на државата, изјави премиерот во техничкиот мандат Дритан Абазовиќ. Абазовиќ тоа го истакна пред медиумите, искористувајќи ја можноста да даде коментар по однос изјавата на пратеникот на Соединетите Американски Држави, Габриел Ескобар, кој рече дека Црна Гора е пред институционален колапс. „Ескобар е пријател на Црна Гора и ако се гледа од перспектива на Уставниот суд, никој не може да игнорира дека сме во многу незавидна ситуација. Што се однесува до другите работи, мислам дека системот нема никаков проблем со функционалноста и мислам оти тоа го чувствуваат граѓаните“, рече Абазовиќ. Тој уште еднаш ги повика пратениците да ги изберат сите четворица судии на Уставниот суд. „Ако не бидат избрани на 10 февруари, на сите им е јасно кој ќе биде виновникот“, додаде Абазовиќ.

Протест пред владата на Црна Гора, СДП бара смена на Абазовиќ

Магдалена Андонова — Thu, 30 Jun 2022 11:05:56 +0000

Пред зградата на црногорската влада денеска се одржа протест против потпишувањето на Темелниот договор со Српската православна црква (СПЦ), од кој социјалдемократите побараа од Демократската партија на социјалистите (ДПС) и Социјалдемократската партија (СДП), која е дел од актуелната влада, да покрене процедура за смена на владата на премиерот Дритан Абазовиќ. Протестот беше свикан од невладината организација „Ловќенска гарда 1990“ поради работната верзија на Темелниот договор со СПЦ, а повикот за отповикување на владата на Абазовиќ до ДПС и СДП го испрати портпаролот на Социјалдемократите, Никола Зиројевиќ. Протестот се одржа во момент кога премиерот Абазовиќ е во прва официјална посета на Белград, каде имаше средби со највисоките српски претставници, а денеска и со патријархот Порфириј. Следниот протест е закажан за понеделник, а граѓаните ги повикаа и партиите да се приклучат. (MИА)

Новиот црногорски премиер ќе ја посети Србија на 29 јуни

Магдалена Андонова — Wed, 08 Jun 2022 13:23:03 +0000

Црногорскиот премиер Дритан Абазовиќ најави дека официјално ќе ја посети Србија на 29 јуни. Абазовиќ, кој присуствува на Самитот Отворен Балкан во Охрид, на Твитер објави дека Црна Гора и Србија сакаат да ги ресетираат своите односи. - Претседателот Александар Вучиќ и јас се согласивме дека двете земји се насочени една кон друга и дека заедно треба да создадат европска иднина заснована на помирување и соработка. Тоа ќе биде прва официјална посета на Абазовиќ откако ја презеде функцијата премиер на Црна Гора. (МИА)