дронови – Kurir.mk

Дрон уби тројца цивили во село кај Белгород

Ристе Здравков — Wed, 23 Aug 2023 08:24:53 +0000

Гувернерот на рускиот регион Белгород денеска изјави дека тројца цивили се загинати во напад со дрон во село близу границата со Украина. „Украинската војска лансираше експлозивна направа со дрон и кога тројца луѓе беа на улица“, објави Вјачеслав Галдков на „Телеграм“. Од Министерството за одбрана на Русија информираа дека осуетен е напад со дронови во Москва. Оттаму велат дека два дрона биле соборени од противвоздушната одбрана, но градоначалникот на Москва – Сергеј Собјанин рече дека била погодена една зграда во изградба. Летовите на трите главни аеродроми во Мосва, Шереметјево, Домодедово и Внуково беа на кусо запрени, втора ноќ по ред. Киев без коментар за нападите на руско тло.

Киев повторно нападнат со дронови

Тале Кристо — Thu, 03 Aug 2023 06:15:21 +0000

Украинските противвоздушни сили возвратија со оган на нападите на руските беспилотни летала за време на тричасовната воздушна тревога во Киев и околината рано утринава, соопшти украинската армија. Како што е наведено, неколку експлозии се слушнале во и околу Киев, но се уште не се знае дали има жртви. Во еден воен извештај стои дека цели во воздухот биле соборени, но не се наведени детали. Киевските воени власти ја укинале тревогата веднаш по четири часот наутро по локално време. Алармите се укинати и во повеќето други области на земјата. Според украинските власти, во последните денови од војната, руските сили не напредувале долж линијата на фронтот, „туку се вкопани во силно минирани области што ги контролираат, што го отежнува движењето на украинските војници кон исток и југ“. Голем дел од руската воена активност е насочена кон воздушни напади кои ја оштетија инфраструктурата во украинското пристаниште Измаил. Инаку, украинските сили започнаа масовни напади во јуни со цел повторно да ги заземат окупираните области и да извршат притисок кон југ, кон Азовското Море, односно со цел да го пресечат копнениот мост меѓу окупираната источна Украина и полуостровот Крим.

НАТО ја предупреди Приштина по набавката на вооружени дронови

Ристе Здравков — Tue, 18 Jul 2023 07:25:15 +0000

Мировните сили предводени од НАТО (КФОР) распореден во поранешната јужна српска покраина Косово ги предупредија во понеделникот албанските власти во Приштина по купувањето на турските вооружени јуришни дронови „Bayraktar“, потсетувајќи ги дека единствено тие се одговорни за косовскиот воздушен простор. Предупредувањето од командата на КФОР доаѓа ден по веста за набавката на турските беспилотни летала „TB-2 Bayraktar“ за што во неделата извести косовскиот премиер Албин Курти. „Кога станува збор за употреба на сите видови беспилотни летала и за соодветните ограничувања, па и во врска со TB-2 Bayraktar, командатот на КФОР има главна одговорноста за воздушниот простор над Косово“, се наведува во соопштението. Курти во неделата на социјалните мрежи објави фотографии на кои со министерот за одбрана и други функционери стои крај беспилотните летала. „На нашиот воен арсенал ги додадовме дроновите кои ги купивме Турска. Косво сега е посигурно и подеднакво гордо!“, задоволно изјави Албин Курти. Притоа додае дека неговата влада во последните две години го зголемила бројот на војниците за 80 отсто и буџетот за одбрана за повеќе од 100 отсто. Приштина сака од Косовските безбедносни сили (KSF), лесно вооружеи едници, да ги создаде војска којашто би требало да има 5.000 регуларни и 3.000 резервни војници, на што реагира Белград кој се повикува на резолуцијата 1244 на Советот за безбедност при ОН. Според неа, безбедноста во поранешната спрска јужна покраина Косово и Метохија која во 2008 еднострано прогласи независност ја гарантираа меѓунардоните мировни сили кои ги сочинуваат 4.500 војници на НАТО. За набавката на дроновите „TB-2 Bayraktar“ беше пишувано многу последните две години откако првпат беа борбено употребени пред две години во краткиот азербејџанско-ерменски судир во Нагорно Карабах, а особено по тоа што Украина ги користеше против руските сили откако изминатите години Киев и има договор за производство и набавки. Според ресурсот Military Balance на Меѓународниот институт за стратешки студии (IISS) овие летала ги набавиле десетина војски во светот. Тензиите и натаму се силни на Косово. Изминатите месеци, владата на Курти се соочи со закани од неговите западни сојузници, поради избувнувањето на судирите на косовскиот север доминатно населен со Срби, откако во мај организираше локални избори по кои градоначалници од албанска националност избрани само со одѕив од 3 отсто да ги постави во четирите мнозински српски општини. Србите ги бојкотираа тие избор кои бараат да се формира договорената со посредство на ЕУ Заедница на српските општини (СЗО). По насилствата во мај во кои беа повредни 30 војници на КФОР и над 50 Срби, со постојани упади и зголемено присуство на косовската специјална полиција на северот, што според Белград е забрането со споменатата резолуција на СБ на ОН, српскиот претседател Александар Вучиќ ја стави армијата во борбена готовност и ги придвижи единиците кон границата. Претходните месеци српските сили соборија набљудувачки дрон лансиран од косовска територија, а минатиот месец зароби на српска територија тројца косовски полицајци под полно вооружување, кои подоцна по сугестии на странски политичари ги ослободи. Курти и Вучиќ подоцна оваа седмица треба да се сретнат во Брисел, каде Европската унија ќе продолжи притисок врз двете страни да се намалат тензиите.

Пред Москва пресретнати најмалку три беспилотни летала

Тале Кристо — Tue, 04 Jul 2023 05:46:24 +0000

Најмалку три беспилотни летала биле пресретнати на небото над московскиот регион рано утринава, јави Скај Њуз, повикувајќи се на руските служби за итни случаи. Едно од беспилотните летала било соборено во соседниот регион Калуга. „Според првичните информации, трите беспилотни летала се движеле кон Москва во различни периоди од ноќта“, соопшти Тасс, повикувајќи се на извор од службата. Во близина на селото Валуево се соборени два дрона, јавија руските медиуми. Селото се наоѓа на околу 30 километри југозападно од Кремљ. Едниот дрон е регистрирана во регионот Калуга, што се граничи со Московската област. Вториот дрон е соборен во областа на градот Кубинка, на околу 63 километри западно од Москва, во чија близина има руска воздухопловна база. Според првичните информации, во нападите на дроновите нема повредени или материјална штета.

Русија изврши ноќен напад со дронови врз Киев

Тале Кристо — Sun, 02 Jul 2023 07:55:28 +0000

Русија изврши ноќен напад со беспилотни летала врз Киев по пауза од 12 дена, соопшти украинската војска, посочувајќи дека системите за воздушна одбрана на Украина ги уништиле сите цели, пренесуваат британски медиуми. -Уште еден непријателски напад против Киев, напиша директорот на градската воена управа на Киев Серхи Попко, во својата објава на Телеграм. Тој додаде дека во моментов нема информации за евентуални жртви или штети.

Два дрона паднале на автопат јужно од Москва

Тале Кристо — Mon, 05 Jun 2023 09:05:01 +0000

Гивернерот на руската област Калуга, Владислав Шипша, која се наоѓа јужно од Москва, утринава соопшти дека два дрона паднале на автопатот М3 во близина на градовите Жиздра и Думиничи. Гувернерот објави дека не е забележана детонација при падот на беспилотните летала, а областа на несреќата била опколена од истражители кои спроведуваат истрага.

Научници прават „дронови“ од мртви птици

Катерина Бојаџиева — Tue, 09 May 2023 07:31:23 +0000

Научници од Ново Мексико (САД), со според многумина - неконвенционален пристап кон истражувањето на дивиот свет, им даваат нов живот на мртви, препарирани птици, претворајќи ги во еден вид дронови. Целта е да го проучат нивниот лет. Д-р Мостафа Хасаналијан, професор по Механички инженеринг на Институтот за рударство и технологија Сокоро, кој го води проектот, открива дека вештачките, механички птици не ги дале резултатите што тој ги барал. - Дојдовме до идејата дека можеме да користиме мртви птици и да направиме „беспилотни летала“ од нив. Сѐ е тука... Ние ја направиме обратната конструкција, рече тој. Овие беспилотните летала направени од препарирани птици во мигов се тестираат во наменски изграден кафез на Институтот и би можеле да се користат за повеќе сознанија за обликувањето на јатото и неговиот лет. - Ова пак, натаму може да се примени и во воздухопловството. Ако осознаеме како овие птици управуваат со енергијата едни до други, тоа може да го користиме во воздухопловната индустрија, заради заштеда на што повеќе енергија и гориво, рече Хасаналијан. Научникот Брендан Херкенхоф се сосредоточува на бојата на птицата во однос на делотворноста на летот. Додека многумина мислат дека бојата на птицата е начин на привлекување партнери или камуфлажа, Херкенхоф верува оти бојата влијае на самиот лет. - Спроведовме експерименти и откривме дека за авион со фиксни крила, и бојата може да ги промени перформансите на летот. Веруваме, истото важи и за птиците, рече тој. Хасаналијан истакна дека прототипите на преперирани птици летаат најмногу 20 минути, така што следно е да се најде начин за подолг лет и тестови во дивината со живи птици.

Бела куќа: Лага е дека САД се вклучени во нападите со дронови на Кремљ

Тале Кристо — Thu, 04 May 2023 18:39:46 +0000

Изјавите на Русија дека нападот со дронови на Кремљ е организиран од САД се лажни, изјави денеска Џон Кирби, координатор за стратешки комуникации на Советот за национална безбедност во Белата куќа. -Очигледно тоа е апсурдно тврдење, рече Кирби во интервју за Си-Ен-Ен. - Соединетите Држави со ова никако не се поврзани. Ние дури не знаеме што всушност се случило, но можам да ве уверам дека Соединетите Држави не играат никаква улога во ова, изјави Кирби. Додаде дека Путин е агресор и може да го заврши конфликтот со повлекување на војската од територијата на Украина. Тој исто така изјави дека не му се познати разузнавачки информации дека Русија има намера да врши напади на системите на критична инфраструктура на НАТО. Коментарот доаѓа по изјавата на првиот човек на разузнавањето на НАТО дека Русија може да саботира подводни кабли за да се одмазди на западните земји за помошта што ја даваат на Украина. Во врска со ова Алијансата ја засили заштитата на подводната инфраструктура по експлозиите на гасоводот „Северен тек“ лани во септември. -За тоа ние помниме и внимателно следиме уште од самиот почеток на војната, изјави Кирби. Во врска со нападите на дронови на Кремљ и денешното обвинување од Русија дека зад тие напади стојат САД, а со цел убиство на претседателот Владимир Путин, Кирби за Ем-Ес-Ен-Би-Си изјави дека портпаролот на Кремљ, Димитриј Песков, лаже. -Тој едноставно лаже, изјави Кирби за телевизијата.

Подољак: Украина нема никаква врска со нападот со дронови врз Кремљ

Тале Кристо — Wed, 03 May 2023 14:36:17 +0000

Украина „нема никаква врска“ со нападот со дронови врз Кремљ, за кој Москва го обвини Киев, соопшти денеска украинското претседателство. -Се разбира, Украина нема никаква врска со нападите со дронови врз Кремљ, кажа Михаило Подољак, советник на украинскиот претседател Володимир Зеленски. Претходно, денеска, Русија соопшти дека соборила два украински дрона што биле насочени кон Кремљ, додавајќи дека тоа е обид за атентат врз претседателот Владимир Путин, неколку дена пред големата воена парада на 9 мај. -Ваквите наводи на Русија треба да се гледаат само како обид да се подготви контекст што може да послужи како изговор за голем терористички напад врз Украина, рече Подољак. Тој додаде дека таков напад, доколку го изврши Киев, „нема да реши ниту еден воен проблем“ кога Москва сè уште контролира речиси 20 отсто од украинската територија. -Напротив, тоа би ја охрабрило Русија да преземе уште порадикални акции против нашето цивилно население, рече тој. Подољак кажа дека Москва многу се плаши од почетокот на украинската офанзива долж линијата на фронтот и се обидува на секој можен начин да преземе иницијатива и да го сврти вниманието. Украина веќе неколку месеци наведува дека сака да изврши голема офанзива за враќање на териториите окупирани од Русија на југот и истокот од нејзината територија. Последните денови Киев соопшти дека привршуваат подготовките за нападот.

Објавени снимки од наводниот напад со дронови врз Кремљ: Москва се закани со одмазда, Путин не е повреден

Тале Кристо — Wed, 03 May 2023 13:55:59 +0000

На социјалните мрежи се појавија видео материјали од наводниот напад со дронови врз Кремљ, а официјална Москва соопшти дека Киев се обидел со беспилотни летала да ја нападне резиденцијата на Владимир Путин. „Два дрона беа насочени кон Кремљ. Како резултат на навремените дејствија на армијата и специјалните служби кои користат радарски системи за војување, уредите се оневозможени“, се наведува во соопштението на Кремљ. Како што се додава во соопштението Путин не е повреден, а неговиот распоред останува непроменет. Kремљ смета дека овие акции се планиран терористички акт и обид за атентат на претседателот во пресрет на Денот на победата и парадата на 9 мај. Она што загрижува е фактот што прес-службата на Кремљ нагласува дека Русија го задржува правото да одговори на таквите постапки, „кога и како сака“. Украина не се огласи за тврдењата на Кремљ, но видеа од наводниот напад се појавија на социјалните мрежи, особено на Твитер и Телеграм. Видео материјалите не се независно потврдени како автентични, а се споделени и од украинскиот пратеник Олексеј Гончаренко.