ЕВЕ КАДЕ БИЛА СОКРИЕНА ДРОГАТА: Македонски полицајци фатени со наркотици во Црна Гора (ФОТО)

Ивана Ефремовски — Thu, 23 Sep 2021 19:06:41 +0000

Дрога е запленета вчера на црногорскиот граничен премин Сукобин во автомобил со регистерски таблички од Македонија, кој се движел од правец на Албанија кон Црна Гора. Дрогата е пронајдена во полициско возило, а како што соопшти царинската служба на Црна Гора службеници на царинска испостава во Сукобин во координација со полициската управа, заплениле дрога и спречиле шверц при контрола на автомобил со регистарски таблички од Македонија. Автомобилот се движел од правецот на Албанија кон Црна Гора. -Службеници во царинската испостава Сукобин, во координација со Полициската управа, при контрола на патничкото моторно возило, пронашле поголема количина на растителна материја за која постои основано сомнение дека се работи за наркотици. Возилото со регистарски таблички на Република Македонија се движело од правец од Албанија кон Црна Гора, а супстанцата, спакувана во неколку поединечни пакувања, била пронајдена во скриен бункер на возило наменето за криумчарење, се наведува во соопштението.

Кривична пријава за полицаец од Скопје: Дома му нашле марихуана, а во организмот имал хероин

Ивана Ефремовски — Sat, 21 Apr 2018 08:35:51 +0000

Единицата за недозволена трговија со дрога и оружје при Секторот за внатрешни работи Скопје до надлежното Основно јавно обвинителство Скопје поднесе кривична пријава против Ј.Ј.(40) од Скопје, полициски службеник, поради основано сомнение дека сторил кривично дело "неовластено производство и пуштање во промет наркотични дроги, психотропни супстанции и прекурзори" предвидено и казниво по член 215 од КЗ на РМ. На 19-ти овој месец при извршен претрес во неговиот дом пронајдени се 125 грама марихуана, како и семки од канабис. По извршеното вештачење на биолошки материјал земен од Ј.Ј., констатирано е присуство на метаболит на хероин во организмот. Од страна на судија на претходна постапка од Основен суд Скопје на осомничениот му е одредена мерка притвор во траење од 30 дена. Одделот за внатрешна контрола, криминалистички истраги и професионални стандарди поведе дисциплинска постапка и Ј.Ј. ќе биде суспендиран од работното место до завршување на постапката.

друга – Kurir.mk

ЕВЕ КАДЕ БИЛА СОКРИЕНА ДРОГАТА: Македонски полицајци фатени со наркотици во Црна Гора (ФОТО)

Кривична пријава за полицаец од Скопје: Дома му нашле марихуана, а во организмот имал хероин