другари – Kurir.mk

„АДИО КАПЕТАНЕ“: Целиот регион се опростува од Матеј, особено фотографиите кои ги објави неговиот другар го кинат срцето (ФОТО)

Дарко Андоновски — Fri, 20 May 2022 07:22:21 +0000

Откако беше објавено дека телото на Матеј Периш (27) е пронајдено во Дунав, граѓаните не престануваат да изразуваат жалење на социјалните мрежи поради трагичната смрт на младиот човек. Целиот регион беше обединет сите 139 дена од потрагата и живееше со надеж дека сплиќанецот ќе биде пронајден жив и здрав. Освен шокантните пораки на граѓаните од регионот, од Периш се прости и еден негов близок. Овој млад човек кој не допатува во Белград со Периш на новогодишната ноќ, на својот Инстаграм профил објави четири фотографии на кои е со Матеј. На објавените фотографии можете да ги видите двајцата прегрнати – на бродот на кој работеле, во поворка, на патувања, но и на прекрасниот видиковец од кој се гледа погледот на отвореното море. На една страница на Инстаграм, која од почетокот го следеше секој нов детаљ и информација поврзана со исчезнувањето на младиот сплиќанец, сега со објавената фотографија на Матеј има и порака дека тој почива во мир и дека ја завршил својата приказна на земјата. Под оваа фотографија имаше низа коментари кои беа главно тажни. Збогум, капетане наш, и нека ти биде мирно морето, наш капетане, заплови сега во синилото на небото. Твојата Далмација нема да те заборави. Почивај во Божји мир и сочувство до семејството – се вели во едниот коментар, а во другиот: Синиот ангел се враќа во својот син Јадран. Додека го пишувам ова, срцето ми се кине, спиј мирно меѓу ангелите. Коментарот кој често можеше да се забележи под фотографијата е дека Матеј „почива во мир“ и дека се „изразува сочувство до семејството“. Многу ми е жал, се надевав на посреќен крај – пишува во коментарот, а веќе во вториот пишува: Тажно, но барем ќе најде мир, тој и неговото семејство. Да потсетиме, телото на Периш беше пронајдено вчераутро кај Ада Хуја. Истиот беше префрлен на обдукција, која утврди дека младиот човек се удавил. ДНК анализата потврди дека се работи за Периш.

Кобна грешка на другарите на Матеј: Истрагата беше отежната и мораше да биде прекината

Тале Кристо — Mon, 14 Mar 2022 21:48:52 +0000

Полициски извори блиски до истрагата за исчезнатиот сплиќанец Матеј Периш, претпоставуваат дека неговите пријатели, од страв направиле катастрофална грешка. Според изворите, пријателите на Матеј чекале повеќе од 12 часа за да го пријават неговото исчезнување за да се ослободат од недозволените супстанци коишто ги косумирале. Како што објаснуваат од полицијата, самиот факт дека од моментот на исчезнувањето до моментот на пријавувањето поминале повеќе од 12 часа, целата потрага била многу отежната. Претседател на српскиот Синдикат на полицајци и полициски старешини, Блажо Марковиќ, смета дека постојат сериозни шанси дека Матеј не е во вода и дека е жив. Марковиќ наведува и дека постои голема можност Матеј некаде да е заробен. Според него, доколку Матеј умрел во водата и се удавел, телото досега требало да се појави на површината. „Истрагата треба да се заврши. Не можеме да ја држиме полицијата и да бараме повеќе од два месеци. Моето мислење, но и мислењето на оние кои ја работат таа работа повеќе од мене, е дека Матеј веќе не е во вода. Тој заминал со возило во некој правец и не знам дали некој го држи во заробеништво или е нешто друго, а се појавија и шпекулации дека е во Германија или на друго место. Јас би претпочитал да станува збор за оваа варијанта, но секоја варијанта е тешка за родителите – изјави Марковиќ пред некој ден.“ Матеј Периш исчезна ноќта помеѓу 30 и 31 декември при заминувањето од клубот „Готик. Неговите другари го пријавиле исчезнувањето на Матеј на 31 декември во попладневните часови

Хороскопски знаци кои се најдобри другари

Ивана Ефремовски — Sun, 08 Nov 2020 12:28:39 +0000

Кои хороскопски знаци најмногу ви одговараат за друштво? Кому можете да се доверите и кој знаете дека е секогаш тука за вас? Хороскопски знаци кои се најдобри другари: Извор: ЦрноБело

Внимавајте: И пријателите можат да ви го скршат срцето

Ивана Ефремовски — Mon, 26 Oct 2020 13:44:20 +0000

Секогаш ни велат дека треба да се заштитиме себеси и дека не смееме да дозволиме нашите чувства да бидат повредени. Обично, причините за вистинска болка се скршените срца. Родителите нѐ предупредуваат да бидеме внимателни пред да се заљубиме и нѐ потсетуваат да ставиме штит пред себе. Тие сакаат да ја зачуваат нашата невиност и незапознатост со светот што е можно подолго и постојано ни велат да внимаваме. Она за коешто никој не нѐ подготвува целосно е болката предизвикана од страна на пријателите. Луѓето се причинители на проблемите на многумина. Тажни сме затоа што некој нѐ отфрлил и разочарани сме затоа што некој не ги исполнил нашите очекувања. Најчесто сметаме дека љубовните врски предизвикуваат најмногу драма, но многу пати драмата ја предизвикуваат нашите пријатели. На сите ни е познато дека не е потребна романса за да се зближиме со некого. Најдлабоките врски што ги остваруваме се целосно платонски. Но, тоа не значи дека тие се безбедни. Пријателите можат да бидат опасни затоа што поголема е веројатноста дека ќе го симнеме штитот пред нив. Не се обидувате да импресионирате некого како што тоа би го правеле на првиот љубовен состанок и никогаш не сте вистински загрижени дека пријателите би ве напуштиле. Пријателството нема толку строги правила како што тоа е случајот со љубовните врски, што значи дека има поголема веројатност некој да ја премине границата за која воопшто не знаел дека постои. Никогаш не раскинувате вистински со вашите пријатели. Можеби ќе престанете да се дружите со нив некое време и потоа повторно ќе се зближите неколку недели подоцна без да се објаснувате и да поставувате многу прашања. Не очекувате премногу од вашите пријатели, освен да бидат достапни да се дружите одвреме-навреме. Поминуваме толку многу време во зборување за нашите стандарди и одбегнување лоши врски. Треба да го правиме истото и кога се работи за пријателите. Иако не постои начин да ја направите оваа врска официјална на Фејсбук, пријателствата имаат потенцијал да ви го направат животот пекол. Многу често луѓето ги одбираат своите пријатели врз основа на тоа колку се забавни, а не дали навистина можат да сметаат на нив. Ако некому дадете значајна улога во вашиот живот, а тој не ве поддржува, тоа може многу да ве разочара и растажи. Добрите пријатели не се како партнерите. Тие не треба да ви се јавуваат секој ден во одредено време или да ви купуваат цвеќиња. Добрите пријатели се подготвени да ги поддржат вашите соништа и да се радуваат на вашите успеси. Тие се секогаш расположени за добро вино и разговор до раните утрински часови, но и за голема спонтана авантура. Иако и тие се луѓе и не можете целосно да зависите од нив, веројатноста е дека ќе ви кренат слушалка кога ќе им ѕвоните во 2 часот наутро за да се исплачете. Во ред е да се дружите со голем број различни луѓе, но обидете се да препознаете кој е добар за вас, а кој не и според тоа распоредете како ќе го поминувате времето со нив. Пријателите треба да бидат разумот во вашето бессознание, причината за насмевка во вашата тага и трошката надеж која се појавува во моментот кога само што не сте се откажале. Доколку ги пронајдете ваквите пријатели, тие ќе бидат вашите сродни души, вашите ментори и идоли и нема да ви биде потребно ништо повеќе. Доколку ги пронајдете ваквите пријатели, сметајте се себеси за најсреќен човек на светот.

Правила за сите мажи: Како да бидете најдобар пријател со друг маж?

Ивана Ефремовски — Fri, 22 May 2020 06:49:02 +0000

Машкото и женското пријателство многу се разликуваат. Ова се 17 правила кои треба да се почитуваат меѓу двајца машки пријатели: 1. Никогаш не почнувај да се гледаш со неговата бивша. Дури и ако таа нешто такво предлага. Никогаш. 2. Не го оптоварувај со твоите проблеми. Може да зборуваш и да прашаш за совет, но константното жалење е напорно. 3. Твојот дом е и дом на твојот пријател. Во секое време. 4. Пријателството значи дека можеш да побараш што било од пријателот. Исто така значи дека треба да знаеш што не треба да бараш од него. 5. Не се мурти. Ако не се чувствуваш добро поради нешто, кажи го тоа. Не се однесувај како мало девојче. 6. Ако тој кажува виц, не му влегувај во збор за да го завршиш место него, дури и ако тој го слушнал од тебе пред саат време. 7. Не ѝ се пуштај на девојка на која веќе ѝ се пушта другар ти. 8. Не се ставај во средина помеѓу него и неговата девојка, но биди спремен во секое време да го прибереш дома ако ти се појави со куфер на врата. 9. Имај добар однос со неговата девојка. Ако не ѝ се допаѓаш, многу веројатно е дека нема да победиш во битката. 10. Јавувај му се понекогаш да го прашаш што има, без да имаш потреба да бараш нешто од него. 11. Кога ќе позајмиш нешто од него, гледај да го вратиш во истата состојба како кога си го добил. 12. Биди партнер во пријателството, а не сезнајко кој сѐ знае подобро и нонстоп го потенцира тоа. 13. Жените доаѓаат и си одат, работата се менува, паричникот е понекогаш полн, понекогаш празен, луѓето со годините губат коса и заби, империи се рушат… но вистинскиот пријател е пријател засекогаш. 14. Ако има некакви проблеми, не го прашувај дали му треба помош, едноставно помогни му. 15. Не кажувај детали, тоа е работа на неговата девојка/жена. 16. Не спомнувај ги неговите грешки премногу долго. Долгото сеќавање е штетно за пријателството. 17. Негово право е да ги прави сите глупави работи кои сака да ги прави, ти не мора да учествуваш во нив, но должност ти е да кажеш нешто ако тотално си изгуби памет.

Заминале на лов, но нивниот другар во нив пукал со ловна пушка- двајца скопјани едвај спасиле жива глава, еве ги деталите

Дарко Андоновски — Fri, 22 Nov 2019 15:53:14 +0000

На 20.11.2019 околу 17.00 часот во СВР Скопје, од Итна медицинска помош било пријавено дека во Комплекс клиники „Мајка Тереза“ и Градската општа болница „Св.Наум Охридски“ со повреди од огнено оружје биле донесени две лица. По преземени мерки утврдено е дека станува збор за лицата Н.М.(32) од село Морани, Скопско, и Н.Ф.(44) од село Дејковец, општина Зелениково. Двајцата повредени, во разговор со полициски службеници, изјавиле дека биле повредени со ловна пушка, од нивниот другар Т.Ш. (34) од село Студеничани, Скопско, околу 15.00 часот во близина на село Дејковец, додека ловеле диви свињи. Со Т.Ш. бил извршен разговор во полициска станица и по целосно документирање на случајот, против него ќе биде поднесена соодветна пријава, информираат од МВР.

ФОТО: Тројца другари загинаа во страшна сообраќајна несреќа откако се враќале од забава

Дарко Андоновски — Mon, 08 Jul 2019 07:59:44 +0000

Неразделните другари Саша Кудра(23), Милан Голубовиќ(24) и Мишо Вујмиловиќ(25), денеска ќе бидат погребани на гробиштата во гратче Лакташи во Република Српска. Тие загинаа во страшна сообраќајна несреќа во неделата во 3 и 30 часот, враќајќи се дома од забава. Поради преголема брзина возачот не успеал да сврти во свиокот, по што изгубил контрола, а автомобилот завршил во блискиот канал удирајќи во бетонска заштитна ограда. Тројцата останале на место мртви. Во Лакташи е прогласен ден на жалост.