дрвја – Kurir.mk

Спречена нелегална сеча на дрвја на Водно

Тале Кристо — Thu, 11 May 2023 13:52:52 +0000

Инспектори од Секторот за инспекциски работи на Општина Центар при вршење на вонреден инспекциски надзор, по пријава на граѓани, затекнаа исечени здрави дрвја на парцела во приватна сопственост на Водно. На локацијата не се затекнати сторители, а дел од дрвата на парцелата биле веќе исечени, соопшти градоначалникот Горан Герасимовски. Општинските инспектори ги повикале сопствениците на парцелата и извршен е информативен разговор со нив, за што сопствениците ги информирале дека се оградуваат и дека тие не ја извршиле сечата. Сопствениците на парцелата исто така се задолжени од инспекторите да ја донесат целосната документација на увид во Секторот за инспекциски работи на Општина Центар. Од страна на Општина Центар на локацијата повикани се сите надлежни институции, ЈП „Паркови и зеленило“, Шумската полиција и пријавен е во полиција и веќе на терен се инспектори од МВР, со цел да се дознае кој и зошто ја извршил сечата на дрва, а сопствениците со целосната документација се повикани на разговор во Секторот за инспекциски работи на Општина Центар.

Утре протест во Аеродром: Локалната власт во заминување ветуваше зелени површини, а наместо тоа донесе бетонизација и сечење на дрвја

Катерина Бојаџиева — Tue, 21 Sep 2021 15:43:35 +0000

Од граѓанската иницијатива „Зелен хуман град“ утре ги повикуваат сите жители на Аеродром и воопшто скопјани, на протест под мотото „Во одбрана на дрвјата во Аеродром“. -Кај обележаните дрвја за сечење кај ул. Васко Карангелески стигнала механизација. Од утре ќе почнеле со проширување на улицата. Нема да дозволиме сакатење на белите дробови на еден од најзагадените градови во светот. Локалната власт во заминување ветуваше зелени површини, а наместо тоа донесе уште поголема бетонизација и сечење на дрвја. За да биде лицемерието поголемо, новиот кандидат за градоначалник на Аеродром од СДСМ кажува дека ќе се грижел за зеленилото, за зеленило што ќе го исече неговата партија ли ќе се грижи?, прашуваат од ЗХГ кои повикаа на масовен одзив на протестот. „Ги повикуваме сите граѓани кои не сакаат да живеат во бетонски град да дојдат утре во 10 часот спроти ОУ Љубен Лапе до Воениот базен заеднички да го сопреме ова лудило“, се вели во нивниот повик.

ФОТО: Паднати голем број дрвја по невремето во Скопје, еве каде да пријавите ако видите некое

Ивона Петрова — Wed, 18 Aug 2021 08:52:07 +0000

Скопје и скопско вчера беа зафатени од краткотрајно силно невреме. Од ЈП „Паркови и зеленило“ информираат дека имале 10-тина интервенции, но дека бројот на паднати дрва е многу поголем. -Од синоќешното краткотрајно невреме паднаа 10тина дрвја кои беа расчистени од нашите екипи на терен. Но за жал бројот на паднати дрвја е многу поголем. Утрово се уште примаме пријави од екипите на терен низ скопските подрачја, како и од граѓаните, велат од претпријатието. Доколку забележите паднато дрво или гранки испратете фотографија и адреса на [email protected] или директна порака на Фејсбук профилот на ЈП „Паркови и зеленило“.

Шилегов прави масакр на дрвата во Ѓорче Петров (ФОТО)

Ивана Ефремовски — Thu, 13 Feb 2020 11:40:39 +0000

Ветуваа зеленила, а направија масакр на дрвјата. Градоначалникот на Град Скопје, Петре Шилегов за дрвата очигледно се грижеше само пред ибори. Откако стана татко на градот, доволува пред негови очи да се прави пустош на зелените површини. Денес “жртва“ на негрижата се дрвата во скопско Ѓорче Петров.

„Дрвјата кои одат“ и понатаму се мистерија за научниците

Ивана Ефремовски — Sat, 31 Aug 2019 20:37:56 +0000

Палмите socratea exorrhiza, познати како „палми кои одат“ со години го привлекуваат вниманието на биолозите. Во прашумите на Јужна и на Централна Америка овие стебла се уште еден пример за тоа како реалноста ја надминува фикцијата. Со децении движењето на овие стебла е тема на расправа меѓу научниците. Во 2005 година биологот Херардо Авалос од Костарика изјави дека дрвјата кои одат се само мит, бидејќи корењата не им овозможуваат движење, а стеблото и понатаму им е на истото место. Но, во 2015 година научникот Петер Врсански од Братиславската академија на науки тврдеше дека оваа појава на движење и самиот ја забележал. За BBC тој изјави дека овој вид палми оди со помош на корењата. „Како што земјата еродира палмата создава нов и долг корен кој бара цврста почва. Коренот може да достигне до 20 метри. Откако ќе се пресели на нова почва почнува да се навалува кон новото место во процес кој може да трае до две години“, вели Врсански. Стариот корен исто така излегува од земјата и се движи напред. На овој начин бара сончева светлина и цврста почва во трка за опстанок. Не е познато што точно ја овозможува оваа промена.

ВИДЕО: Се сечат дрвја во населба Железара, градоначалникот сака да гради паркинг, граѓаните гневни

Матеја Петровски — Fri, 31 Aug 2018 12:43:28 +0000

Продолжува опустошувањето на Скопје, граѓаните се гневни поради сечата на дрвја која се случува во главниот град на Македонија во последниот период. Најнов случај со сеча имаме во општината Гази Баба. Ваквата работа на градската и општинските власти во Скопје се причина за гнев кај граѓаните. Досега бевме сведоци на голема сеча на дрвја во општините Карпош и Чаир. Според она што го говорат жителите на Железара, градоначалникот на Гази Баба има план да сече преку 20 дрвја, кои се стари повеќе од 40 години, а со цел да гради паркинг.

ФОТО: Голем број дрвја исечени на Баба планина, битолчани бараат коментар од владејачката ДОМ

Матеја Петровски — Thu, 10 May 2018 11:07:54 +0000

Голем број дрвја исечени на Баба планина, битолчани бараат коментар од Владата, поточно од партијата ДОМ, која што е дел од владејачкото мнозинство. Баба планина... Се молат сите 7 членови на политичката партија ДОМ од Битола да прокоментираат нешто во врска со оваа слика, пишува на Фејсбук страната Битолски факти. Овој бес на граѓаните е дојден поради тоа што овие дрвја се исечени, а во коалиција со владејачката партија е ДОМ, партија која важи за зелена, која треба да се грижи за здравата животна средина, но откако е на власт СДСМ од зелената партија владее молк. Зелената партија молчеше и кога Владата реши да го укине денот на дрвото, акција со која се пошумуваше територијата на Македонија, акција која ја преземаа и други држави како од регионот, така и пошироко, но од Владата на СДСМ беше прекината. ДОМ молчат и за големиот број диви депонии, од кои некој се и во непосредна близина на центарот на Скопје, депонии кои претставуваат константна опасност по животот на луѓето, но од зелената партија која е дел од владејачката гарнитура на СДСМ само молк и ништо друго.