дрво – Kurir.mk

Тинејџер е уапсен бидејќи го исекол најфотографираното дрво во Британија: Чинарот на „Робин Худ“/ФОТО

Ристе Здравков — Fri, 29 Sep 2023 20:41:43 +0000

Шеснаесетгодишно момче е уапсено под сомнение дека предизвикал штета откако наводно намерно го исекол од најфотографираните дрвја во Британија, пишува Дејли Мејл. Чинарот покрај ѕидот на Адријан во Нортамберленд стана познато во филмот на Кевин Костнер од 1991 година, Робин Худ: Кралот на крадците. Претставниците на управата на Националниот парк Нортамберленд веруваат дека дрвото, било „намерно исечено“.

Some pointless vandalism at Sycamore Gap, Hadrian's Wall as one of the most famous tree's in England is chopped down in the middle of the night for no reason. pic.twitter.com/oBjVVMhcSP
— BladeoftheSun (@BladeoftheS) September 28, 2023

Полицијата во Нортамбрија соопшти дека еден тинејџер е уапсен под сомнение дека го исекол дрвото. Тој е во притвор и истрагата е во тек, изјави портпаролот на полицијата Кевин Воринг. Тој го опиша дрвото како „светски познато обележје“ и рече дека сечата „предизвика значителен шок, тага и гнев низ локалната заедница и пошироко“. „Бидејќи нашата истрага е сè уште во рана фаза, ние сме отворени. Ја повикувам јавноста да излезе со какви било информации што ќе ни помогнат. Доколку сте виделе или слушнале нешто сомнително што може да биде интересно за секоја информација – без разлика колку мала или безначајна мислите дека може да биде – може да испадне дека е апсолутно клучна за нашите истраги“, додаде тој. Дрвото пораснало во природна вдлабнатина во близина на Хексам и беше прикажано во филмот „Робин Худ: Принцот на крадците“ од 1991 година, со Кевин Костнер во главната улога. Во 2016 година беше прогласена за дрво на годината на натпревар организиран од Woodland Trust. Сечењето на дрвото доведе до излив на емоции, при што многумина жалат за губењето на симболот на североистокот на земјата. Фотографот Иан Спроат рече дека неговото „срце се откорнало“ кога ја видел штетата, додека пратеникот од Хексам, Гај Оперман, опишал дека бил „апсолутно запрепастен“. Во меѓувреме, National Trust соопшти дека е „шокиран и тажен“ од загубата на сикаморот, кој го опиша како „важна и иконска карактеристика на пејзажот речиси 200 години“. Алисон Хокинс, која живее во Ливерпул, била една од првите додека шетала денеска по остатоците од познатиот римски ѕид. Таа рече дека била „во солзи“ кога чуварот на националниот парк ѝ рекол дека дрвото е исечено. “Тоа беше прилично шокантно. Тоа е всушност иконска слика што секој сака да ја види.” „Не можам да изразам колку сум лут поради вандализмот на дрвото во Сикамор Гап. Луѓето истураат пепел таму. Луѓето се запросиле таму. Бев таму на пикник со мојата сопруга и децата. Тоа е дел од нашата колективна душа. Мораме да го изведеме пред лицето на правдата кој и да е ова“, рече градоначалникот на Норт од Тајн, Џејми Дрискол.

ФОТО: Дрво падна врз автомобил во движење во Скопје

Тале Кристо — Sat, 01 Jul 2023 16:25:35 +0000

Силно невреме проследено со пороен дожд, грмежи и засилен ветер попладнево го зафати Скопје. При првиот налет на невремето паднаа и дрвја, од кои едно врз автомобил во движење, информираат од Центарот за управување со кризи. - Едно од дрвјата во населба „Мичурин“ во Аеродром, падна врз автомобили и на еден во движење, среќа само на задниот дел на автомобилот во движење, појаснуваат од ЦУК. Како што соопшти УХМР, нестабилно време нѐ очекува и во текот на утрешниот ден.

Приказната за старото дрво е важен совет за сите нас

Ивана Ефремовски — Wed, 21 Sep 2022 12:23:25 +0000

Еден дрвосечач и неговите помошници отишле во шумата да бараат градежен материјал. Тие таму виделе едно дрво чиешто стебло било толку големо што пет мажи не можеле да го обиколат држејќи се за раце и толку високо што како да ги допирало облаците. Гледајќи ја ситуацијата, главниот дрвосечач рекол да не губат време на тоа дрво, бидејќи би им било потребно многу време за да го пресечат. Од друга страна пак, од него не би можело да се направи чамец бидејќи би потонал од тежината, а ако одлучат да го користат за кров на некоја куќа, тогаш ѕидовите би требало да бидат премногу дебели. Така групата дрвосечачи продолжила понатаму, па додека оделе едниот од помошниците рекол: „Толку големо стебло, а не служи за ништо“. На тоа главниот одговорил: „Грешиш. Тоа дрво на сопствен начин ја следело својата судбина. Кога би било како другите, ние би го исекле. Но бидејќи имало храброст да биде поразлично, уште долго ќе остане живо и силно. Поука: Бидете она што сте и следете го својот животен пат. Имајте храброст да бидете поинакви од другите и ќе успеете да добиете многу работи во животот.

ВИДЕО: Овие дрвjа може да генерираат струја во вашиот двор

Ристе Здравков — Fri, 09 Sep 2022 15:15:38 +0000

Wind Tree се дрва кои можат да генерираат струја и до најслабиот ветар. Што значи мож да се постават на која било локација – од некое поле или висина каде што има силни ветришта до некоја урбана средина и во нечиј двор. Реалноста на климатските промени не тера што побрзо да се префрлиме на користење енергија од чисти и обновливи извори, па така земји од целиот свет исталираат турбини на ветар и соларни панели. Но, Wind Tree е вештачко дрво дизајнирано не само за индустриска примена, туку за лична употреба. За инсталацијата на традиционални турбини на ветар треба многу време, енергија и сер разбира, пари, и таа технологија не е практична за поставување помеѓу масивните градски структури, а уште помалку во нечија градина. За тоа е совршено Wind Tree. Вештачките дрвја имаат три челични стебла и други помали гранки на кои се поставени 36 микро турбини во форма на лисја. И најслабиот ветар може да ги придвижи микро турбините и да создаде чиста енергија. За да се постави едно Wind Tree потребни се само 11 квадратни метри радису на земјиште. Како што велат од компанијата која го создаде, New World Wind, едно Wind Tree може да генерира до 83% од енергијата што ја користи едно француско семејство. За да може да се поставува во урбани средини New World Wind ја креираше првата микро турбина во светот позната како Aeroleaf. Конусната форма на Aeroleaf овозможува да ја лови енергијата на ветрот во опсег од 360° и потребен е ветар од само 2,5 метри во секунда за да се генерира енергија. New World Wind ја дизајнирале турбината да ротира без да прави бучава. Компанијата нуди и дурги два слични производи кои ја ловат енергијата на ветрот: Modular Tree и Bush. И двата ја имаат истата Aeroleaf технологија, но имаат помал дизајн кој е посоодветен и за помала градина или двор. . Wind Tree може да се нарача по цени кои почнуваат од 49,990 евра. Modular Tree се продава по цени кои почнуваат од 28,800 евра, а Bush од 21,500 евра.

Забранет извоз на огревно дрво, пелети, пченица и брашно, укината царината за увоз на масло за јадење до крајот на годината

Тале Кристо — Wed, 20 Jul 2022 20:01:13 +0000

Со цел да се заштити домашното производство, и да се одржи снабдувањето на домашниот пазар, за да се избегне растот на цените, во насока на задржување на стандардот на граѓаните, Владата на денешната седница донесе две одлуки, едната за ограничување на извозот на одредени производи и другата за укинување на царината за увоз на масло за јадење од сончоглед. Како што соопштија од владината прес-служба, за да се спречат сериозни пореметувања на пазарот во земјата кои може да настанат со извоз на пченица и брашно од земјата, Владата донесе одлука до крајот на годината, односно до 31 декември 2022 година да се ограничи извозот на пченица и наполица и брашно од пченица и наполица. – Во услови на економската криза предизвикана од воените случувања во Украина и пореметувањата на светскиот пазар на пченица на кој се јавува сериозен недостиг на пченица, потребно е да се превенираат евентуалните дополнителни нарушувања на пазарот во земјата кај овие основни прехранбени производи, неопходни за исхрана на населението, се вели во соопштението од Владата. На денешната 63-та владина седница, на предлог на Министерството за економија беше донесена и одлука за ограничување на извозот на огревно дрво и пелети до крајот на годината, односно до 31 декември 2022 година, со цел да се спречат и избегнат последиците предизвикани од зголемената побарувачка на населението за огревно дрво предизвикана од енергетската криза на светскиот пазар. – Во консултација на Министерството за економија и со Министерството за земјоделство, шумарство и водостопанство, Владата повторно донесе одлука за укинување на увозната давачка – царинската стапка за увоз на масло од сончоглед за јадење поради потребата да се одржува снабдувањето на домашниот пазар од растот на цените, соопшти прес-службата на Владата. Оваа одлука ќе важи до 31 декември 2022 година. Ваква одлука се применуваше до 31 мај 2022 година. – Имено, редовната царинска стапка на маслото од сончоглед за јадење е максимум 29 посто, така да со оваа мерка се дава можност на увоз од други земји за кои нема преференцијален третман во трговијата или се предмет на мала бесцаринска квота во рамки на договорите за слободна трговија, се наведува во соопштението.

ФОТО: Невремето во Скопје откорна дрво кое оштети паркирани возила

Магдалена Андонова — Mon, 04 Jul 2022 19:32:52 +0000

Краткотрајниот пороен дожд што го зафати попледнево Скопје направи низа проблеми во градот. Големо, старо дрво попладнево падна врз паркирани автомобили во Тафталиџе. Спорд информациите, оштетени се две коли, а во инцидентот нема повредени.

ФОТО: Невреме го зафати и Тетово – силниот ветер турна дрво врз паркирани возила

Магдалена Андонова — Sat, 02 Jul 2022 15:33:17 +0000

Силниот ветер што попладнево неколку часа дуваше во Тетово скрши дрво кое падна врз неколку возила на булеварот „Благоја Тоска“ во близина на поранешната стоковна куќа „Тетовчанка“. Дрвото е паднато врз паркирани автомобили, а според првичните информации нема повредени луѓе. –По дојава во нашата служба, веднаш излеговме на терен каде утврдивме дека силниот ветар соборил дрво кое паднало врз два автомобила. За среќа, во тој момент немало никого во близината па нема повредени лица, туку е направена само материјална штета. Нашата екипа заедно со екипата на ЈКП Тетово веднаш се зафативме со отстранување на паднатото дрво за да се овозможи непречено минување на возилата по улицата, изјави Авни Амети, командир на Противпожарната единица од Тетово. Додека траеше интервенцијата за сечење и отстранување на паднатото дрво, полицијата го пренасочуваше сообраќајот на булеварот.

ФОТО: Падна дрво на „Ленинова“ – оштетен еден автомобил

Магдалена Андонова — Sat, 11 Jun 2022 17:02:49 +0000

Во попладневните часови на улица „Ленинова“ во Скопје дрво паднало врз автомобил. Полициски службеници се излезени на терен и вршат увид.

ФОТО: Избегната трагедија кај Билјанини извори во Охрид

Ивона Петрова — Sat, 11 Jun 2022 10:32:57 +0000

Дрво високо околу триесет метри во непосредна близина на ЈП Водовод, се откорнало и паднало во правец на ресторанот Билјанини извори. Во моментот на местото на настанот имало шетачи – туристи, но за среќа нема повредени луѓе. Причинета е само материјална штета, велат очевидци за Охридњуз. -Се се’ случи во миг, неочекувано. Наеднаш слушнавме силен удар, а дрвото падна на само неколку метри од луѓе кои поминуваа тука, туристи од соседството. Беше страшно. Избегната е трагедија. – вели соговорникот на Охридњуз. Дрвото се откорнало од корен и паднало, најверојатно како последица на обилните дождови кои се сливаат од планината Галичица кон Билјанини извори. При падот оштетен е инвентар од ресторанот. Повеќе на Охридњуз

Повеќегодишно дрво од Аеродром ќе се пресади во Градски парк

Ивона Петрова — Wed, 01 Jun 2022 11:46:49 +0000

Екипи на ЈП „Паркови и зеленило“ и Градот Скопје денеска ќе извршат пресадување на едно повеќегодишно дрво од типот Платан, од улицата Васко Карангелевски во Аеродром. Платанот ќе биде пресаден на претходно избрана локација во Градскиот парк. -Пресадувањето ќе биде извршено со специјалната машина за пресадување на дрвја, која е во сопственост на ЈП Паркови и зеленило. Дрвото се пресадува поради овозможување на продолжување на градежните активности за проширување и изградба на улицата Васко Карангелевски, велат од Град Скопје.