Пазарниот инспекторат го затвори ноќниот клуб „Аватар“

Ивона Петрова — Tue, 21 Jul 2020 07:29:40 +0000

Ноќниот клуб „Аватар“ од Струмица утринава е затворен од страна на Државниот пазарен инспекторат, информира за МИА директорот на Инспекторатот Стојко Пауновски. Инспекторите во петокот навечер извршија контрола на клубот и подготвија записник, а за вчера најавија и кривична пријава до јавното обвинителство заради непочитување на здравствени прописи за време на епидемијата на Ковид-19. – Инспекторите беа таму во петокот навечер, подготвен е записник и ќе биде поднесена кривична пријава заради тоа што ниту еден ноќен клуб во моментот не смее да работи, информираше Пауновски во неделата. Од менаџментот на „Аватар“ во неделата посочија дека работат како кафе бар и на отворено и дека се придржувале до сите протоколи и прописи. -Сакаме да ги демантираме информациите во кои се вели дека сме ноќен клуб. Не се работи за ноќен клуб туку за кафе бар. Објектот е на отворено и работи согласно сите законски прописи. Масите се на соодветно растојание, на сите има средства за дезинфекција, вработените постојано носат заштитните маски. Ние немаме надлежност да бараме гостите да носат лична заштита, тие самите одговараат за себе. Работиме на исти начин како и сите други угостителски објекти во градот. Не сме единствените, скоро во секој втор локал во градот, кој е за неколку пати помал од нашиот, има слични забави, но за тоа никој не реагира и не споделува фотографии и видеа по социјалните мрежи. Никој не реагира ниту за мешаниците што се прават на јавните површини каде треба да биде простор за движење граѓаните има поставено маси, а потребното растојание воопшто го нема, изјавија од „Аватар“.

Инспектор позитивен на коронавирус, затворен дел од Државниот пазарен инспекторат од Куманово

Ивана Ефремовски — Thu, 04 Jun 2020 12:30:05 +0000

Одделението на Државниот пазарен инспекторат од Куманово ќе биде затворено, бидејќи еден од инспекторите е позитивен на КОВИД -19, соопшти денеска директорот на Државниот пазарен инспекторат, Стојко Пауновски. -Денес веќе во Куманово ќе мораме да го затвориме целокупното одделение бидејќи еден од инспекторите се покажал позитивен на КОВИД 19. Се што беше од наша страна, правиме за да ги заштитиме инспекторите, но и оние кои правилно ги почитуваат мерките, уредбите и протоколите од Владата бидејќи тоа е во интерес на сите, рече Пауновски. Апелираше до сите граѓани, особено до водачите на политичките партии и верските заедници, да бидат одговорни. -Мораме неселективно да постапуваме за да бидеме успешни. Потребна ни е помош од сите граѓани и од правните субјекти за да на крај излеземе како победници и да не бидеме единствениот во регионот каде секојдневно има зголемување на случаи позитивни на КОВИД 19, рече Пауновски. (МИА)

Државен пазарен инспекторат од Куманово – Kurir.mk

Пазарниот инспекторат го затвори ноќниот клуб „Аватар“

Инспектор позитивен на коронавирус, затворен дел од Државниот пазарен инспекторат од Куманово